ລິ້ງ ສຳຫລັບເຂົ້າຫາ

ສະຫະລັດ ເປີດໄຟຂຽວ ໃຫ້ບໍລິສັດນ້ຳມັນ Royal Shell ເຈາະຫາ​​ແກັສ ໃນ ເຂດມະຫາສະມຸດ ຂົ້ວໂລກເໜືອ


ພວກນັກເຄື່ອນໄຫວ ທີ່ຕໍ່ຕ້ານການວາງແຜນເຈາະ
ແກ໊ສທຳມະຊາດ ຂອງບໍລິສັດ Royal Dutch Shell ໃນມະຫາສະມຸດ ຂົ້ວໂລກເໜືອນອກ ຝັ່ງທະເລ ຂອງນະຄອນ Seattle, 16 ພຶດສະພາ, 2015.

ພວກນັກເຄື່ອນໄຫວ ທີ່ຕໍ່ຕ້ານການວາງແຜນເຈາະ ແກ໊ສທຳມະຊາດ ຂອງບໍລິສັດ Royal Dutch Shell ໃນມະຫາສະມຸດ ຂົ້ວໂລກເໜືອນອກ ຝັ່ງທະເລ ຂອງນະຄອນ Seattle, 16 ພຶດສະພາ, 2015.

ລັດຖະບານຂອງທ່ານໂອບາມາ ໄດ້ອະນຸຍາດ​ໃຫ້ບໍລິສັດນ້ຳມັນ
Royal Shell ເຈາະຫາແກັສໃນ ເຂດມະຫາສະມຸດ ຂົ້ວໂລກເໜືອ ນອກຝັ່ງທະເລຕາເວັນຕົກສຽງເໜືອຂອງລັດ Alaska. ນີ້ແມ່ນ
ຄັ້ງທໍາອິດ ຂອງການເຈາະແກ໊ສທຳມະຊາດ​ທີ່ໄດ້ຮັບອະນຸຍາດ
ດຳເນີນງານ ນັບຕັ້ງແຕ່ການຂຸດຄົ້ນໃນປີ 1991 ​ເປັນ​ຕົ້ນ​ມາ.​ໃນຖະແຫຼງການທີ່ໄດ້ນຳອອກເຜີຍແຜ່ ໃນວັນຈັນວານນີ້ ຫ້ອງການສະພາບແວດລ້ອມຂອງ​ລັດຖະບານ ໄດ້ປະຕິຍານວ່າ
ຈະເກັບກຳແລະດູແລວຽກ​ງານຢູ່ຕະຫລອດເວລາ. ທ່ານ Brian
Salerno ໄດ້ກ່າວວ່າ “ກິດຈະກຳຕ່າງໆທີ່ດຳເນີນນອກອ່າວ
ຝັ່ງທະເລ
Alaska ນັ້ນແມ່ນໄດ້ຖືກໂຈະໄວ້​ຍ້ອນການຮັກສາ
ຄວາມປອດໄພອັນສູງ ແລະການປ້ອງກັນດ້ານສະພາບ
ແວດລ້ອມ​ແລະມາດຕະການສຸກເສີນໃນລະດັບສູງ.”

ຂ່າວດັ່ງກ່າວໄດ້ພົບພົບກັບກຸ່ມສະພາບແວດລ້ອມ ທີ່ໄດ້ລ໊ອບບີຢ່າງແຂງຂັນທີ່ບໍ່ໃຫ້ມີການ
ເຈາະໃນຂົ້ວໂລກເໜືອ ແລະປົກປ້ອງໝີ polar walruses ປາວານ ແລະແມວນ້ຳ ຊຶ່ງພວກ
ສັດທັງຫຼາຍເຫຼົ່ານີ້ ແມ່ນໄດ້ຖືກຄຸກຄາມຈາສະພາບປ່ຽນແປງຂອງອາກາດ ທີ່ເຮັດໃຫ້ລົດ
ເຂດນ້ຳແຂງນີ້ລົງ. ທ່ານ Michael Brune ຜູ້ອຳນວຍການຂອງອົງການ Seirra Clubb ໄດ້ກ່າວໃນຖະແຫຼງການວ່າ: ການທີ່ອະນຸຍາດໃຫ້ບໍລິສັດນ້ຳມັນ Royal Shell ໃນການ
ຂຸດຄົ້ນຂົ້ວໂລກເໜືອ ນັ້ນແມ່ນການຕັດສິນໃຈທີ່ຜິດ ແລະມັນເປັນການຕໍ່ສູ້ ທີ່ຍັງຈະບໍ່ຈົບ
ສິ້ນຢ່າງງ່າຍໆ. ຜູ້ຄົນຈະສືບຕໍ່ ທີ່ຈະຮຽກຮ້ອງໃຫ້ປະທານາທິບໍດີສະຫະລັດ ທ່ານໂອບາມາ ໃຫ້ປົກປ້ອງຂົ້ວໂລກເໜືອ ແລະສະພາບແວດລ້ອມຂອງພວກເຮົາ.

ຂົງເຂດຂົ້ວໂລກເໜືອ ຄາດວ່າ ຈະແກັບກຳ 20% ຂອງນ້ຳມັນ ແລະແກ໊ສທຳມະຊາດ ທີ່ຍັງບໍ່
ໄດ້ເຈາະເທື່ອນັ້ນ.

XS
SM
MD
LG