ລິ້ງ ສຳຫລັບເຂົ້າຫາ

ປ. ໂອບາມາ ຂໍໃຫ້ສະພາ ແກ້ໄຂ ເລື່ອງງົບປະມານ ກ່ອນ ເສັ້ນຕາຍ (ວີດີໂອ)


ປະທານາທິບໍດີໂອບາມາ ພົບປະກັບພວກຜູ້ນຳ ລັດຖະສະພາສະຫະລັດ ຈາກທັງສອງພັກການເມືອງ ແລະກ່າວວ່າ ທ່ານຫວັງວ່າ ຍັງຈະສາມາດບັນລຸການຕົກລົງກັນໄດ້ ເພື່ອຫຼີກລ່ຽງ ວິກິດການງົບປະມານ (28 ທັນວາ 2012)

ປະທານາທິບໍດີໂອບາມາ ພົບປະກັບພວກຜູ້ນຳ ລັດຖະສະພາສະຫະລັດ ຈາກທັງສອງພັກການເມືອງ ແລະກ່າວວ່າ ທ່ານຫວັງວ່າ ຍັງຈະສາມາດບັນລຸການຕົກລົງກັນໄດ້ ເພື່ອຫຼີກລ່ຽງ ວິກິດການງົບປະມານ (28 ທັນວາ 2012)

ປະທານາທິບໍດີບາຣັກ ໂອບາມາ ຮຽກຮ້ອງໃຫ້ລັດຖະສະພາສະ
ຫະລັດດຳເນີນການກ່ອນເສັ້ນຕາຍໃນວັນທີ 1 ມັງກອນເພື່ອຫຼີກ
ລ່ຽງບໍ່ໃຫ້ມີການຂຶ້ນພາສີແລະຕັດການໃຊ້ຈ່າຍຂອງລັດຖະບານ
ໃນອັນທີ່ເອີ້ນວ່າ ເຫວງົບປະມານທີ່ຂົ່ມຂູ່ວ່າ ຈະແກ່ດຶງເອົາເສດ
ຖະກິດສະຫະລັດ ກັບໄປສູ່ສະພາບຖົດຖອຍຄືນອີກນັ້ນ.

ໃນຄຳປາໄສປະຈຳສັບປະດາຂອງທ່ານ ໃນວັນເສົາມື້ນີ້ ປະທາ
ນາທິບໍດີໂອບາມາ ກ່າວວ່າ ທ່ານໄດ້ດຳເນີນງານ ຮ່ວມກັບພັກ
ເດໂມແຄຣັທແລະພັກຣີພັບບລີກັນ ກ່ຽວກັບແຜນການທີ່ຈະຕັດ
ການໃຊ້ຈ່າຍລົງ ໃນວິທີທີ່ມີຄວາມຮັບຜິດຊອບ ແລະຮ້ອງຂໍໃຫ້ ຊາວອາເມຣິກັນທີ່ຮັ່ງມີທີ່ສຸດ ຈ່າຍພາສີເພີ້ມຂຶ້ນ “ໜ້ອຍນຶ່ງ”.
ແຕ່ທ່ານໂອບາມາເວົ້າວ່າ ຜູ້ນຳລັດຖະສະພາບາງທ່ານບໍ່ຍອມ
ອະນຸຍາດໃຫ້ ມີການລົງຄ ແນນສຽງກ່ຽວກັບແຜນການດັ່ງກ່າວ.

ສະມາຊິກສະພາສູງ Roy Blunt ຈາກລັດ Missouri ກ່າວໃນຄຳປາໄສຕອບ ປະຈຳສັບ ປະດາຂອງພັກຣີພັບບລີກັນວ່າ ຂໍ້ສະເໜີຂອງປະທານາທິບໍດີ ທີ່ຈະຂຶ້ນພາສີຕໍ່ຊາວອາເມ ຣິກັນທີ່ມີລາຍໄດ້ຫຼາຍສຸດ ສອງເປີເຊັນນັ້ນ ຈະສາມາດສະໜັບສະໜຸນການປະຕິບັດງານ ຂອງລັດຖະບານ ໄດ້ແຕ່ພຽງ 8 ມື້ທໍ່ນັ້ນ. ທ່ານ Blunt ເວົ້າວ່າ ໄລຍະສອງສາມມື້ ຕໍ່ໜ້ານີ້ ຈະເລີ້ມໃຫ້ຄວາມກະຈ່າງແຈ້ງ ກ່ຽວກັບການເຂົ້າກຳຕຳແໜ່ງ ສະໄໝທີສອງຂອງປະທາ
ນາທິບໍດີ.

ປະທານາທິບໍດີໂອບາມາ ກ່າວໃນວັນສຸກວານນີ້ວ່າ ທ່ານມີຄວາມຫວັງ ໄປໃນແງ່ດີພໍປະ ມານ ທີ່ວ່າການຕົກລົງຍັງສາມາດບັນລຸກັນໄດ້ກັບລັດຖະສະພາ.

ທ່ານໂອບາມາ ກ່າວຕໍ່ພວກນັກຂ່າວວ່າ ສະມາຊິກສະພາສູງຂອງພັກຣີພັບບລີກັນ ທ່ານ Mitch McConnell ແລະ ສະມາຊິກສະພາສູງສັງກັດພັກເດໂມແຄຣັທ ທ່ານ Harry Reid ພວມດຳເນີນງານໄປສູ່ການຕົກລົງ ຂອງທັງສອງພັກການເມືອງ ໃນຊົ່ວໂມງທີ 11. ທ່ານເວົ້າວ່າ ມາດຕະການຊົ່ວຄາວດັ່ງກ່າວຈະເພັ່ງເລັງໃສ່ການປ້ອງກັນບໍ່ໃຫ້ມີການຂຶ້ນ ພາສີຢ່າງອັດຕະໂນມັດຕໍ່ພວກຄົນຊັ້ນກາງແລະໃຫ້ການຄໍ້າປະກັນວ່າ ເງິນຫວ່າງງານສຳ ລັບຊາວອາເມຣິກັນປະມານ 2 ລ້ານຄົນຍັງຈະໄດ້ຮັບຕໍ່ໄປກາຍເສັ້ນຕາຍໃນວັນທີ 1 ມັງ ກອນ.

XS
SM
MD
LG