ລິ້ງ ສຳຫລັບເຂົ້າຫາ

ສະຕີໝາຍເລກນຶ່ງ ຂອງສະຫະລັດ ຢ້ຽມຢາມຈີນ (ວີດີໂອ)


ທ່ານ​ນາງ Michelle Obama ສະຕີ​ໝາຍ​ເລກ​ນຶ່ງ​ຂອງ​ສະ
ຫະລັດ ​ເດີນທາງ​ໄປ​ຮອດປະ​ເທດ​ຈີນ​ໃນ​ວັນ​ພະຫັດ​ມື້​ນີ້
​ເພື່ອ​ທຳ​ການ​ຢ້ຽມຢາມ​ເປັນ​ເວລາ 6 ມື້ ພ້ອມ​ກັບ​ພວກ​ລູກ
ສາວ​ແລະ​ຍາ​ແມ່​ຂອງ​ທ່ານ​ນາງ​ນຳ. ບັນດາ​ເຈົ້າ​ໜ້າ​ທີ່​ທຳ
ນຽບຂາວ ກ່າວ​ວ່າ ການ​ຢ້ຽມຢາມດັ່ງກ່າວ ສ່ວນ​ໃຫຍ່​ແມ່ນ
​ແນ​ໃສ່​ການ​ສຶກສາ ສາຍ​ພົວພັນ​ທາງ​ດ້ານ​ວັດທະນະທຳ
ລະຫວ່າງ​ສອງ​ປະ​ເທດ ​ແລະ​ການ​ສົ່ງ​ເສີມ​ພວກ​ຍຸວະຊົນ​ໃຫ້​ມີ​ອຳນາດ​ຫຼາຍ​ຂຶ້ນ.

ແຜນທີ່ສະແດງເມືອງ ທີ່ທ່ານນາງ Michelle Obama ຈະໄປຢ້ຽມຢາມ (ຄລິກເພື່ອຂະຫຍາຍພາບ)
ແຜນທີ່ສະແດງເມືອງ ທີ່ທ່ານນາງ Michelle Obama ຈະໄປຢ້ຽມຢາມ (ຄລິກເພື່ອຂະຫຍາຍພາບ)

ແມ່ນ​ແຕ່​ ກ່ອນທ່ານ​ນາງ Michelle Obama ​ເດີນທາງ​ໄປ​
ຮອດ​ກຸງ​ປັກກິ່ງ ພວກ​ລາຍ​ງານ​ຂ່າວຂອງສື່​ມວນ​ຊົນ​ແຫ່ງ​ລັດ​
ຂອງ​ຈີນ ​ໄດ້​ເນັ້ນ​ເຖິງ​ການ​ຢ້ຽມຢາມ​ນີ້ ​ໂດຍ​ເອີ້ນວ່າເປັນ​ຜົນ
ທີ່​ຕິດຕາມ​ມາຂອງ​ການ​ພົບ​ປະກັນ​ຢ່າງ​ບໍ່​ເປັນ​ທາງ​ການ​ໃນ​ປີ​
ແລ້ວ​ນີ້​ທີ່​ເມືອງSunnylands ລັດ California ລະຫວ່າງ​
ປະທານາທິບໍດີ ​ບາຣັກ ​ໂອບາ​ມາ​ແລະ​ທ່ານ Xi Jinpeng
ະທານປະ​ເທດ​ຈີນ.

ມື້​ທຳ​ອິດ​ຂອງ​ການ​ຢ້ຽມຢາມ​ຂອງ​ທ່ານ​ນາງ Michelle Obama
ຈະ​ໃຊ້​ເວລາ​ຮ່ວມ​ກັບ​ສະຕີ​ໝາຍ​ເລກ​ນຶ່ງ​ຂອງ​ຈີນ ຄື ທ່ານ​ນາງ
Peng Liyuanພັນ​ລະ​ຍາ​ຂອງ​ປະທານ​ປະ​ເທດ​ຈີນ​ທີ່​ກຸງປັກ​ກິ່ງ.
ພວກ​ສະຕີ​ໝາຍ​ເລກ​ນຶ່ງ​ທັງ​ສອງຈະ​ທຳ​ການ​ຢ້ຽມຢາມ​ໂຮງຮຽນ​ແຫ່ງ​ນຶ່ງ ​ແລະເມືອງ
ຕ້ອງຫ້າມຫຼື Forbidden City. ນອກ​ນັ້ນ​ ພວກ​ທ່ານ​ນາງ​ຈະ​ຊົມ​ ການສະແດງ ຫຼັງ
​ຈາກ​ຮັບປະທານ​ອາຫານ​ຄ່ຳຮ່ວມ​ກັນ​ແລ້ວ.

ລາຍງານຂ່າວ​ທີ່​ຄົນ​ນິຍົມ​ຟັງ​ກັນໃນ​ນະຄອນຫຼວງ​ກຸງ​ປັກ​ກິ່ງ ​ໄດ້​ໂອ້​ລົມ​ກັນ​ເລື້ອງ​ທີ່​
ວ່າ“ການ​ດຳ​ເນີນການ​ທູດ​ຂອງ​ສະ​ຕີ​ໝາຍ​ເລກ​ນຶ່ງ” ສາມາດ​ເປັນ​ບົດບາດ​ພິ​ເສດ​ໃນ​
ສາຍ​ພົວພັນ​ລະຫວ່າງ​ສະຫະລັດ​ກັບ​ຈີນ. ນອກ​ນັ້ນ ຈະ​ເປັນ​ທີ່​ສັງ​ເກດ​ໃຫ້​ເຫັນ​ວ່າ
ການ​ຢ້ຽມຢາມ​ນີ້ ​ເປັນ​ການສະ​ແດງ​ໃຫ້​ເຫັນ​ຄວາມ​ກົງກັນຂ້າມ​ຢ່າງ​ຫຼວງ​ຫຼາຍ​ຕໍ່​ອັນ​
ທີ່​ເອີ້ນ​ວ່າ “ມາດຕະຖານ​ສອງ​ໜ້າ” ຂອງ​ການ​ຮ່ວມ​ມື​ຂອງ​ສະຫະລັດ​ໃນ​ການ​ຕໍ່
ຕ້ານ​ການ​ກໍ່​ການ​ຮ້າຍ​ແລະການ​ຂາດ​ຄວາມ​ໄວ້​ເນື້ອ​ເຊື່ອ​ໃຈ​ກັນ​ກ່ຽວ​ກັບ​ບັນຫາ​ຂັດ
​ແຍ້​ງກັນໃນ​ດ້ານ​ເຂດ​ນ້ຳ​ແດນ​ດິນ​ໃນ​ເຂດທະເລຈີນຕາເວັນອອກ​ແລະ​ທະ​ເລ​ຈີນ​ໃຕ້​
ນັ້ນ.

ໜັງສືພິມຊາວໜຸ່ມ​ລາຍ​ວັນຫຼື Youth Daily ທີ່​ກຸງ​ປັກ​ກິ່​ງ ​ໄດ້​ເນັ້ນ​ເຖິງ​ວ່າ​ການ​ສຶກສາ
ທີ່​ຄາດ​ວ່າ​ຈະ​ເປັນ​ຈຸດ​ເພ່ງ​ເລັງ​ທີ່​ສຳຄັນ​ຂອງ​ການ​ຢ້ຽມຢາມ​ຄັ້ງ​ນີ້​ແນວ​ໃດ​ນັ້ນ ຊຶ່ງ​ຈະ​ມີ
​ການ​ຢ້ຽມ​ໂຮງຮຽນ 3 ​ແຫ່ງ ທີ່​ຮວມທັງ​ມະຫາວິທະຍາ​ໄລ​ກຸງ​ປັກ​ກິ່ງ​ນຳ​ດ້ວຍ.

ທ່ານນາງ Michelle Obama ຈະ​ພັກ​ຢູ່​ໃນ​ກຸງ​ປັກ​ກິ່ງ​ໄປ​ຮອດ​ວັນ​ອາທິດ ​ໂດຍ​ຈະ​ທຳ
ການ​ຢ້ຽມຢາມກຳແພງຍັກຫຼື Great Wall ​ແລະ​ສະຖານ​ທີ​ສຳຄັນ​ແຫ່ງ​ຕ່າງໆ ​ແລະ
ກ່າວ​ຄຳ​ປາ​ໄສ​ທີ່​ສູນ​ກາງ Stanford ຂອງ​ມະຫາວິທະຍາ​ໄລ​ກຸງ​ປັກ​ກິ່ງ ​ແລະ​ກິດຈະ​ກຳ
​ອື່ນໆ.

​ໃນ​ວັນ​ຈັນ​ສັບປະດາ​ໜ້າ ພວກ​ລູກ​ສາວ​ແລະ​ຍາ​ແມ່​ຂອງ​ທ່ານນາງ ຈະ​ເດີນທາງ​ໄປ​ຍັງ​
ເມືອງ Xian ​ເພື່ອ​ຢ້ຽມຢາມກຳ​ແພງ​ເມືອງ​ຊີ​ອານ​ຂອງ​ຈີນ ​ແລະ​ເມືອງ Chengdu.
XS
SM
MD
LG