ລິ້ງ ສຳຫລັບເຂົ້າຫາ

ສະຫະລັດ ດີໃຈ ທີ່ເຫັນຈີນ ແລະຟິລິບປີນ ເຈລະຈາກັນ ກ່ຽວກັບ ທະເລຈີນໃຕ້


ປະທານາທິບໍດີ ຟິລິບປີນ ທ່ານ Rodrigo Duterte, ຂວາ, ຕ້ອນຮັບເອກອັກຄະລັດຖະທູດ ສະຫະລັດ ປະຈຳຟິລິບປີນ ທ່ານ Philip S. Goldberg, ຊ້າຍ, ໃນຄະນະທີ່ ລັດຖະມົນຕີ ຕ່າງປະເທດສະຫະລັດ ທ່ານ John Kerry ຢືນຢູ່ກາງ.

ປະທານາທິບໍດີ ຟິລິບປີນ ທ່ານ Rodrigo Duterte, ຂວາ, ຕ້ອນຮັບເອກອັກຄະລັດຖະທູດ ສະຫະລັດ ປະຈຳຟິລິບປີນ ທ່ານ Philip S. Goldberg, ຊ້າຍ, ໃນຄະນະທີ່ ລັດຖະມົນຕີ ຕ່າງປະເທດສະຫະລັດ ທ່ານ John Kerry ຢືນຢູ່ກາງ.

ສະຫະລັດ​ກ່າວ​ວ່າ ຕົນ​ໄດ້​ຮັບ​ກຳລັງ​ໃຈ​ ​ທີ່​ຈີນ​ແລະ​ຟີ​ລິບ​ປີນ ມີ​ຄວາມ​ເຕັມ​ໃຈ​ທີ່ ຈະ​ທຳ​ການ​ເຈລະຈາ​ໂອ້​ລົມ​ກັນ​ໂດຍ​ກົງ​ ກ່ຽວ​ກັບ​ເລື້ອງທະ​ເລ​ຈີນ​ໃຕ້ ຫລັງ​ຈາກ​ ​ສານ​ໄກ່​ເກ່ຍ ສະຫະ​ປະຊາ​ຊາດ ​ໄດ້​ຕັດສິນ​ບໍ່​ເຫັນ​ພ້ອມ​ ກັບ​ການ​ອ້າງ​ກຳມະສິດ​ສ່ວນ​ໃຫຍ່ຂອງ​ປັກ​ກິ່ງ​ ​ໃນຕົ້ນ​ເດືອນ​ນີ້.

ຢູ່​ໃນ​ນະຄອນຫລວງ​ມະນີ​ລາ ໃນ​ວັນ​ພຸດ​ມື້​ນີ້ ລັດຖະມົນຕີ​ຕ່າງປະ​ເທດສະຫລັດ ທ່ານ John Kerry ກຳລັງ​ພົບ​ປະ​ກັບບັນດາ​ເຈົ້າ​ໜ້າ​ທີ່​ຂັ້ນ​ສູງ​ຟິບິ​ບປີນ ຮວມ​ທັງ​ປະທານາທິບໍດີ​ຄົນ​ໃໝ່ ທ່ານ Rodrigo Duterte. ການ​ພົບ​ປະ​ດັ່ງກ່າວຍັງ​ເປັນ​ການ​ພົບ​ປະ​ເທື່ອ​ທຳ​ອິດ ລະຫວ່າງ​ຜູ້ນຳ​ທັງ​ສອງຫລັງ​ຈາກການ​ຕັດສິນ​ຂອງ ສານທີ່ນະຄອນ​ Hague ທີ່​ຈີນ​ບໍ່​ເຫັນ​ພ້ອມ​ນຳ​ນັ້ນ.

ຢູ່ໃນ​ກອງ​ປະຊຸມຖະ​ແຫຼງ​ຂ່າວ​ຮ່ວມ​ກັນ​ ກັບ​ລັດຖະມົນຕີ​ຕ່າງປະ​ເທດຟິລິບ​ປີນ ທ່ານ Perfecto Yasay ນັ້ນ ທ່ານ Kerry ກ່າວ​ວ່າ ສະຫະລັດຂໍ​ຊຸກຍູ້​ໃຫ້​ທຸກ​ພັກ​ຝ່າຍ ຮວມທັງ​ຈີນ ​ແລະ​ຟິລິບ​ປີນ “​ເຈລະຈາ​ກັນ ​ເຮັດ​ວຽກຜ່ານຊ່ອງ​ທາງ​ການ​ທູດ ຜ່ານ​ການ​ຫາລືສອງ​ຝ່າຍ ການ​ຫາລືຫລາຍ​ຝ່າຍແລະ​ເອົາ​ມາດ​ຕະການ ​ສ້າງ​ຄວ​າມໄວ້ເນື້ອ​ເຊື່ອ​ໃຈ​ຊຶ່ງ​ກັນ​ແລະ​ກັນ.”

ນັກ​ການ​ທູດ​ສູງ​ສຸດ​ສະຫະລັດ ກ່າວ​ວ່າ ​ຈີນ​ໄດ້​ສະ​ແດງ​ໃຫ້​ເຫັນເຖິງ​ຄວາມເຕັມ​ໃຈ ​ແລະພ້​ອມ​ແລ້ວທີ່​ຈະ​ທຳ​ການ​ເຈລະ​ຈາ​ສອງ​ຝ່າຍ​ກັບ​ຟິລິບ​ປີນ​ໃນ​ວັນ​ອັງຄານ ວານ​ນີ້ ນຶ່ງ​ມື້​ຫຼັງ​ຈາກ​ທ່ານ Kerry ​ໄດ້​ພົບ​ປະ​ກັບ​ລັດຖະມມົນຕີ​ຕ່າງປະ​ເທດ​ຈີນ ທ່ານ Wang Yi.

ລັດຖະມົນຕີຕ່າງປະເທດສະຫະລັດ ທ່ານ John Kerry ຖະແຫລງຕໍ່ ລັດຖະມົນຕີຕ່າງປະເທດຈີນ ທ່ານ Wang Yi ແລະຄະນະຜູ້ຕິດຕາມ.

ລັດຖະມົນຕີຕ່າງປະເທດສະຫະລັດ ທ່ານ John Kerry ຖະແຫລງຕໍ່ ລັດຖະມົນຕີຕ່າງປະເທດຈີນ ທ່ານ Wang Yi ແລະຄະນະຜູ້ຕິດຕາມ.

ໃນ​ຂະນະ​ທີ່ມີ​ການ​ເບິ່ງ​ກັນ​ໂດຍ​ຜູ້​ຄົນ​ຈຳນວນ​ນຶ່ງ​ວ່າ ​ເປັນການ​ປັບ​ປ່ຽນ​ທ່າ​ທີຂອງ​ສະຫະ ລັດ ​ແຕ່​ເຈົ້າ​ໜ້າ​ທີ່​ອາວຸ​ໂສ​ຄົນ​ນຶ່ງ ​ຂອງກະຊວງຕ່າງປະ​ເທດ​ສະຫະລັດ ກ່າວ​ວ່າ ວໍ​ຊິງ​ຕັນ ບໍ່​ເຄີ​ຍຄັດ​ຄ້ານການເຈລະຈາ​ໂດຍ​ກົງ​ລະຫວ່າງ​ຈີນ ​ແລະ​ມະນີ​ລາ ​ແລະ​ການເຈລະຈາ ສອງ​ຝ່າຍ ​ແມ່ນ​ເປັນ​ທາງ​ເລືອກ​ຢູ່​ຕະຫລອດ​ມາ.

​ເຈົ້າ​ໜ້າ​ທີ່​ຄົນ​ດັ່ງ​ກ່າວ ​ໄດ້​ກ່າວ​ຢ້ຳ​ໃນ​ອັນ​ທີ່​ສະຫະລັດຄັດຄ້າ​ນນັ້ນກໍ​ຄື​ການ​ເຈລະ​ ຈາ​ໂດຍ​ກົງ ​ລະຫວ່າງ​ບັນດາ​ປະ​ເທດ​ທີ່​ອ້າງກຳມະສິດ ​ເປັນ​ເງື່ອນ​ໄຂ​ລ່ວງ​ໜ້າ.

ຈີນ​ໄດ້​ກ່າວ​ມາ​ເປັນ​ເວລາດົນ​ນານ​ແລ້ວ​ວ່າ ຕົນ​ຈະແກ້​ໄຂ​ບັນຫາ​ຂັດແຍ້​ງ​ເລື້ອງ​ເຂດ​ນ້ຳ​ແດນ​ດິນ​ໃນທະ​ເລ​ຈີນໃຕ້ ​ໂດຍຜ່ານ​ການ​ເຈລະຈາສອງ​ຝ່າຍ ​ແລະປະຕິ​ເສດ​ຕໍ່​ການ​ຮ້ອງ​ໃຫ້​ມີ​ການ​ແກ້​ໄຂ​ຫລາຍ​ຝ່າຍ.

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG