ລິ້ງ ສຳຫລັບເຂົ້າຫາ

ກົມພາສີ ສປປ ລາວ ຈັດສຳມະນາ ພະນັກງານ ເປັນເວລາ 2 ມື້


ກົມພາສີ ກະຊວງການເງິນ ສປປ ລາວ ຈັດສຳມະນາ ເປັນເວລາ 2 ມື້ ໂດຍໄດ້ຮັບການສະໜັບສະໜູນ ຈາກສະຖານທູດ ສຫລ.

ກົມພາສີ ກະຊວງການເງິນ ສປປ ລາວ ຈັດສຳມະນາ ເປັນເວລາ 2 ມື້ ໂດຍໄດ້ຮັບການສະໜັບສະໜູນ ຈາກສະຖານທູດ ສຫລ.

ໂດຍການສະໜັບສະໜູນຈາກສະຖານທູດສະຫະລັດປະຈຳ ສປປ ລາວ ກົມພາສີກະຊວງ ການເງິນແລະສະພາທະນາຍຄວາມອາເມຣິກັນ ຂະແໜງການລິເລີ່ມຫລັກແຫ່ງກົດໝາຍ​ໄດ້ຈັດການສຳມະນາໃຫ້ພະນັກງານອາວຸໂສທີ່ມາຈາກກົມພາສີເພື່ອສ້າງຄວາມເຂັ້ມແຂງ ​ແກ່ລະບົບພາສີ ອີງ​ຕາມ​ລາຍ​ງານ​ເຟສບຸກ ຂອງສະຖານ​ທູດ​ສະຫະລັດ.

ການສຳມະນາສອງວັນ ເຊິ່ງ​ໄດ້ຈັດຂຶ້ນໃນວັນທີ ​28 ​ແລະ 29 ພຶດສະພາ ທີ່ຜ່ານມາ ຢູ່ນະ ຄອນຫຼວງວຽງຈັນ ​ໂດຍໄດ້ຍົກໃຫ້ເຫັນ ບັນຫາອັນສຳຄັນຫຼາຍອັນ ໃນຂະແໜງການວຽກ ງານພາສີ. ໃນພິທີເປີດສຳມະນາທ່ານ ສົມພິດ ແສງມະນີວົງຮອງຫົວໜ້າກົມພາສີ​ໄດ້ກ່າວ ເນັ້ນ​ເຖິງ​ຄວາມ​ສຳຄັນ ​ໃນ​ການ​ຮ່ວມ​ມື ​ຕອນນຶ່ງວ່າ ນີ້ຖືວ່າເປັນຂົງເຂດວຽກ​ງານໃໝ່ທີ່ສຳ ຄັນ ທີ່ພວກເຮົາຈະ​ໄດ້ເຮັດວຽກຮ່ວມກັນ.

ຕາງໜ້າສະຖານທູດສະຫະລັດ ທ່ານ Noah Geesman ​ໄດ້ກ່າວວ່າ ລັດຖະບານສະຫະ ລັດມີຄວາມພູມໃຈ ໃຫ້ການຊ່ວຍເຫຼືອຕາມການຮ້ອງຂໍຈາກກົມພາສີ​ເພື່ອຈັດການຝຶກອົບ ຮົມຄັ້ງນີ້. ທ່ານໄດ້ກ່າວຕື່ມອີກວ່າພວກຂ້າພະເຈົ້າດີໃຈທີ່ທາງສະຖານທູດຮ່ວມກັບສະພາ ທະນາຍຄວາມອາ​ເມຣິກັນ ທີ່ໃຫ້ການສະໜັບສະໜູນ ໃນການສ້າງພາວະ ການ​ເປັນຜູ້ນຳ ຂອງກົມພາສີ ໃຫ້ມີຄວາມເຂັ້ມແຂງກວ່າເກົ່າໃຫ້ມີປະສິທິພາບຫຼາຍຂື້ນກວ່າເກົ່າແລະເຮັດ ໃຫ້ການບໍລິການນັບມື້ນັບທັນສະ​ໄໝຫຼາຍຂື້ນ. ນອກນັ້ນຍັງຊ່ວຍໃຫ້ເສດຖະກິດຂອງລາວ ສືບຕໍ່ເຕີບໃຫຍ່ຂະຫຍາຍຕົວ.

XS
SM
MD
LG