ລິ້ງ ສຳຫລັບເຂົ້າຫາ

ທ່ານໂອບາມາຮຽກຮ້ອງ ໃຫ້ມີການຮ່ວມມື ຈາກພັກຣີພັບບລິກັນ

  • ບົວສະຫວັນ

ທ່ານປະທານາທິບໍດີ ບາຣັກ ໂອບາມາ ຕອບຄໍາຖາມ ໃນໂອກາດ ໃຫ້ສໍາພາດຂ່າວ ຢູ່ທໍານຽນຂາວ ທີ່ກຸງວໍຊິງຕັນ ໃນວັນທີ 3 ພະຈິກ, 2010. (AP Photo/Pablo Martinez Monsivias)

ປະທານາທິບໍດີສະຫະລັດ ທ່ານ​ບາຣັກ ​ໂອ​ບາ​ມາ ​ໄດ້ຮຽກ
ຮ້ອງ​ໃຫ້​ມີການ​ປ​ານີ​ປານ​ອມກັນ ​ກັບພວກ​ພັກຣີພັບບ​ລິກັນ
ພາຍຫລັງທີ່​ພັກ​ຂອງ​ທ່ານ​ໄດ້ປະສົບ​ກັບ​ການ​ເສຍ​ໄຊ​ຢ່າງ​
ໃຫຍ່ ​ໃນ​ການເລືອກ​ຕັ້ງ​ລັດຖະສະພາ ​ແຕ່​ພວກຣີພັບ​ບລິ
ກັນ​ເວົ້າວ່າ ການຮ່​ວມມືຈະ​ມີ​ຂຶ້ນ​ໄດ້​ ກໍ​ຕໍ່​ເມື່ອທ່ານ​ປະທານາ
ທິບໍດີ​ມີ​ການ​ເຄື່ອນ​ໄຫວໄປ​ຕາມ​ທິດທາງ​ຂອງ​ພວກເຂົາ​ເຈົ້າ
ເທົ່າ​ນັ້ນ.

ຜູ້​ນໍາ​ພັກຣີພັບ​ບຣິກັນ​ໃນ​ສະພາ​ສູງ ທ່ານ Mitch McConnell ຈະ​ເນ້ນ​ໜັກ​ໃສ່​ຂໍ້​ນີ ​ເວ​ລາ​ທ່ານກ່າວ​ຄໍາ​ປາ​ໃສ ຕໍ່​ມູນ​ນິທີ​ອານຸລັກ​ນິຍົມ Heritage Foundation ທີ່​ນະຄອນຫລວງ​ວໍ​ຊິງ​ຕັນ ​ໃນ​ວັນ​ພະຫັດນີ້ ຄື​ໃນ​ອີກບໍ່​ເທົ່າ​ໃດ​ຊົ່ວໂມງ​ຂ້າງ​ໜ້າ​ນີ້.

ພັກຣີພັບ​ບລິກັນ ​ໄດ້​ຍາດ​ເອົາ​ຕໍາແໜ່​ງພັກ​ສຽງ​ຂ້າງ​ຫລາຍ
ໃນສະພາ​ຕໍ່າ ຄືນມາ​ໄດ້ ​ໃນ​ການ​ເລືອກ​ຕັ້ງ​ໃນ​ມື້ວັນອັງ​ຄານ
ນັ້ນ. ນອກ​ນີ້ ພວກ​ເຂົາ​ເຈົ້າຍັງໄດ້​ຊະນະ​ຫລາຍ​ບ່ອນ​ນັ່ງໃນ​ສະພາ​ສູງອີກ​ ເຖິງ​ແມ່ນ​ວ່າ
ພວກ​ພັກ Democrat ຈະຍັງມີ​ສຽງ​ສ່ວນ​ຫລາຍ ​ແລະຄວບ​ຄຸມ​ສະພາສູງໄວ້​ຢູ່​ກໍ​ຕາມ.

ທ່ານ ໂອ​ບາ​ມາ ຮັບຮູ້ວ່າ ພັກ​ຂອງ​ທ່ານ​ໄດ້​ຮັບ ອັນ​ທີ່​ທ່ານ​ເອີ້ນ​ວ່າ ​ການ​ປະລາ​ໄຊຢ່າງ​ “ໝົດ​ເປືອກ​” ​ໃນການ​ເລືອກ​ຕັ້ງ​ນັ້ນ ​ແລະ​ວ່າ​ ການ​ເສຍ​ໄຊ​ຂອງ​ພັກ Democrat ​ສະ​ທ້ອນ
ໃຫ້​ເຫັນ​ເຖິງ​ຄວາມ​ບໍ່ພໍ​ໃຈ​ຂອງ​ປະຊາຊົນ​ອາ​ເມຣິກັນ ຕໍ່ສະພາບ​ເສດຖະກິດທີ່​ມີ​ບັນຫາ​ຢູ່​ ໃນ
ປັດຈຸບັນນີ້.

XS
SM
MD
LG