ລິ້ງ ສຳຫລັບເຂົ້າຫາ

ສະຫະລັດ ວ່າ ປາກິສຖານ ຮາວີ ນັກການທູດຂອງຕົນ

  • ໄພສານ ວໍຣະຈັກ

ແຜນທີ່ປາກິສຖານ

ລາຍ​ງານ​ພາຍ​ໃນ​ຂອງ​ກະຊວງ​ການ​ຕ່າງປະ​ເທດ​ສະຫະລັດ​ແຈ້ງວ່າ ພວກ​ນັກ​ການ​ທູດ​ຂອງ
​ສະຫະລັດ​ໃນ​ປາ​ກິ​ສຖານພວມ​ປະ​ເຊີນ​ກັບ​ການ​ຮາວີ​ລົບ​ກວນ ໂດຍ​ເຈດ​ຕະນາ ຈົງ​ໃຈ ​ແລະ
​ເປັນ​ລະບົບ ​ດ້ວຍ​ນໍ້າມື​ຂອງລັດຖະບານປາ​ກິ​ສຖານ ຫຼັງຈາກໄດ້​ມີການ​ສັງຫານ​ນາຍ Osa-
ma bin-Laden ​ໃນ​ປີກາຍ​ນີ້.

ລາຍ​ງານ​ສະບັບ​ນີ້ພົບວ່າ ອົງການ​ຕ່າງໆ​ຂອງ​ສະຫະລັດ​ ໃນ​ປາ​ກິ​ສຖານ ​ໄດ້​ຖືກຂັດຂວາງ​
ໜັກ​ຜິດ​ປົກກະຕິເຖິງ​ລະດັບ​ເຂັ້ມຂຸ້ນ​ໃໝ່ນັບ​ຕັ້ງ​ແຕ່​ໜ່ວຍ​ກ້າ​ຕາຍຂອງກອງທັບເຮືອ​ສະຫະ
ລັດ ໄດ້​ບຸກ​ເຂົ້າ​ໄປ​ສັງຫານ​ ນາຍ bin-Laden ທີ່​ເຮືອນ​ຂອງລາວ​ ໃນ​ເມືອງ Abbottabad ​
ໃນ​ເດືອນພຶດສະພາ​ປີ​ກາຍ​ນີ້. ລາຍ​ງານ​ແຈ້ງວ່າ ບັນຫາ​ຕ່າງໆ​ທີ​ພວກ​ນັກ​ການ​ທູດ​ສະຫະ
ລັດ​ປະ​ເຊີນ​ນັ້ນ ​ແມ່ນ​ຮວມທັງ​ ການ​ຊັກຊ້າ​ ໃນ​ການ​ອອກ​ວີ​ຊ່າ ການ​ຂັດຂວາງ​ໃນ​ການ​ສົ່ງ​
ເຄື່ອງ​ໄປ​ໃຫ້ ທັງສຳຫຼັບ​ໂຄງການ​ໃຫ້ການ​ຊ່ອຍ​ເຫຼືອ​ແລະ​ໂຄງການ​ກໍ່ສ້າງ​ຕ່າງໆ ຕະຫຼອດ
ທັງ​ການ​ສອດສ່ອງ​ກວດກາ ​ແລະ​ການ​ແຊກ​ແຊງ​ເຂົ້າ​ໃນ​ປະຕິບັດ​ງານ ​ຂອງ​ພວກ​ເຈົ້າໜ້າ​ທີ່​
ແລະພວກ​ສັນຍາ​ຈ້າງຂອງ​ທາງ​ສະຖານທູດ.

​ແຕ່​ຫຼາຍໆ​ພາກສ່ວນ​ທີ່​ໃຫ້​ລາຍ​ລະອຽດ​ຢ່າງ​ຍືດຍາວ ກ່ຽວ​ກັບ​ການ​ຮາວີ​ລົບ​ກວນ​ໄດ້​ຖືກ​
ຂີດຂ້າ​ອອກ ພ້ອມ​ກັບ​ຄຳ​ສະ​ເໜີ​ແນະ​ຫຼາຍໆ​ຢ່າງ ​ເພື່ອ​ແກ້​ໄຂ​ສະຖານະການ​ໃຫ້​ດີ​ຂຶ້ນ.

ການ​ພົບ​ເຫັນເຫຼົ່າ​ນີ້​ແມ່ນ​ຮວມຢູ່​ໃນ​ລາຍ​ງານ​ຂອງ​ຄະນະ​ກວດກາ​ທົ່ວ​ໄປ​ຂອງ​ກະຊວງ​ການ
​ຕ່າງປະ​ເທດ​ສະຫະລັດກ່ຽວ​ກັບການ​ປະຕິບັດ​ງານ​ຂອງ​ສະຖານທູດ​ທີ່ນະຄອນຫຼວງອິສລາ
ມາ​ບັດ. ລາຍ​ງານ​ຂອງ​ຄະນະ​ກວດ​ດັ່ງກ່າວ​ໄດ້​ຊົມ​ເຊີຍ​ສະຖານ​ທູດ​ສະຫະລັດທີ່​ມີ​ຄວາມ​ສຳ
ພັນ​ແບບ​ສະ​ລັບ​ຊັບຊ້ອນ ​ໃນ​ການ​ເປັນ​ພາຄີ ແບບ​ອ່ອນ​ນອກແຂງໃນທີ່​ມີ​ການ​ປ່ຽນ​ແປງ​
ໄປ​ມາ​ລະຫວ່າງ​ການ​ເປັນ​ພັນທະ​ມິດ​ແລະ​ເປັນ​ປໍ​ລະ​ປັກ.

ຄວາມ​ສຳພັນ​ລະຫວ່າງ​ວໍ​ຊິງ​ຕັນ​ ແລະ​ອິສລາມາ​ບັດ ​ໄດ້​ຊຸດ​ໂຊມ​ລົງ​ຍ້ອນ​ເຫດ​ຮ້າຍຫຼາຍໆ
​ຢ່າງຮວມທັງ​ການ​ຍິງ​ຊາວ​ປາ​ກິ​ສຖານ ​2 ຄົນ​ໂດຍ​ຄົນ​ງານ​ສະຫະລັດ​ ໃນເດືອນ​ມັງກອນ​ປີ​
ກາຍ ການ​ໂຈມ​ຕີ​ສະຖານທູດ​ສະຫະລັດ ທີ່​ນະຄອນຫຼວງກາ​ບູລ ​ໃນ​ເດືອນ​ກັນຍາ ​ປີ​ກາຍ​
​ໂດຍ​ພວກ​ຫົວ​ຮຸນ​ແຮງ​ຈັດ​ທີ່​ເຊື່ອ​ກັນ​ວ່າມີ​ຄວາມ​ສຳພັນກັບ​ໜ່ວຍ​ສືບ​ລັບ​ປາ​ກິ​ສຖານບວກ
​ໃສ່​ກັບ​ການ​ບຸກສັງຫານ​ນາຍ bin-Laden.

XS
SM
MD
LG