ລິ້ງ ສຳຫລັບເຂົ້າຫາ

ສຫລ ມີ “ຄວາມ​ກັງ​ວົນ ຢ່າງ​ເລິກ​ເຊິ່ງ” ຕໍ່ການຕັດສິນໂທດ ປະຫານຊີວິດ ທ່ານ Morsi


ປະທານາທິບໍດີ ຂອງອີຈິບ ຜູ້ເຄັ່ງສາສະໜາອິສລາມ ທ່ານ Mohammed Morsi ທີ່ໄດ້ຖືກໂຄ່ນລົ້ມອອກຈາກຕຳແໜ່ງ ນັ່ງຢູ່ຫ້ອງຂັງກັນສຽງ ໃນຫ້ອງພິພາກສາຄະດີ ທີ່ສ້າງຂຶ້ນມາ ຢູ່ທີ່ໂຮງຮຽນຕຳຫຼວດແຫ່ງຊາດຂອງອີຈິບ ໃນນະຄອນຫຼວງ ໄຄໂຣ ປະເທດອີຈິບ, ວັນທີ 21 ເມສາ 2015.

ປະທານາທິບໍດີ ຂອງອີຈິບ ຜູ້ເຄັ່ງສາສະໜາອິສລາມ ທ່ານ Mohammed Morsi ທີ່ໄດ້ຖືກໂຄ່ນລົ້ມອອກຈາກຕຳແໜ່ງ ນັ່ງຢູ່ຫ້ອງຂັງກັນສຽງ ໃນຫ້ອງພິພາກສາຄະດີ ທີ່ສ້າງຂຶ້ນມາ ຢູ່ທີ່ໂຮງຮຽນຕຳຫຼວດແຫ່ງຊາດຂອງອີຈິບ ໃນນະຄອນຫຼວງ ໄຄໂຣ ປະເທດອີຈິບ, ວັນທີ 21 ເມສາ 2015.

ສະຫະລັດ​ກ່າວ​ວ່າ ຕົນ​ມີ “ຄວາມ​ກັງ​ວົນ​ຢ່າງ​ເລິກ​ເຊິ່ງ” ກ່ຽວ​ກັບ
​ການ​ຕັດສິນ​ໂທດ​ປະຫານ​ຊີວິດ ອະດີດ​ປະທານາທິບໍດີ​ອີ​ຈິບ ທ່ານ
Mohamed Morsi ​ແລະ ຈຳ​ເລີຍຫຼາຍກວ່າ 100 ຄົນ ​ໃນ​ຄະດີ​ທີ່​
ພົວພັນ​ກັບ ການ​ແຫກ​ຄຸກລວມໝູ່ ​ເມື່ອ​ປີ 2011.

​ເຈົ້າໜ້າ​ທີ່​ກະຊວງ​ການ​ຕ່າງປະ​ເທດທ່ານ​ໜຶ່ງ ​ກ່າວ​ໃນ​ວັນ​ອາທິດ
​ມື້​ນີ້ ວ່າ “ພວກ​ເຮົາ​ໄດ້​ກ່າວ​ຕໍ່ຕ້ານ​ການ​ດຳ​ເນີນ​ຄະດີ ​ແລະ
ການ​ຕັດສິນ​ລວມໝູ່ ຢ່າງ​ສະ​ເໝີ​ຕົ້ນສະ​ເໝີ​ປາຍ ຊຶ່ງ​ເປັນ​
ການ​ດຳ​ເນີນ​ການ​ໃນ​ລັກສະນະ ທີ່ວ່າ ບໍ່​ສອດຄ່ອງ​ກັບ
​ພັນທະ​ຕໍ່​ນາໆ​ຊາດ​ຂອງ​ອີ​ຈິບ ​ແລະ ການ​ປົກຄອງ​ດ້ວຍ
​ກົດໝາຍ.”

ສານແຫ່ງ​ໜຶ່ງໃນນະຄອນຫຼວງ Cairo ​ໄດ້​ຕັດສິນລົງ​ໂທດພວກ​ກ່ຽວ​ ​ໃນ​ວັນ​ເສົາ​ວານ​ນີ້.

ພະ​ມະຫາ Mufti ຜູ້ນຳ​ທາງ​ສາສະໜາ​ສູງ​ສຸດ​ຂອງ​ອີ​ຈິບ ຈະ​ເປັນ​ຜູ້​ຕັດສິນ​ ​ຂັ້ນສຸດ​ທ້າຍ
​ກ່ຽວ​ກັບໂທດ​ປະຫານ​ຊີວິດ​ດັ່ງກ່າວ ​ໃນ​ວັນ​ທີ 2 ມີ​ຖຸນາ ປີ​ນີ້.

ອະດີດ​ປະທານາທິບໍດີອີ​ຈິ​ບ ​ແມ່ນຍັງ​ປະ​ເຊີນ​ກັບ ຂໍ້​ຫາ ຖານ​ທຳ​ການເຄື່ອນ​ໄຫວ​ສອດ​ແນມ​ອີກ.

ທະນາຍຄວາມ​ຂອງ​ທ່ານ Morsi ກ່າວ​ວ່າ ທ່ານ​ຈະ​ຂໍ​ອຸທອນ​ຕໍ່​ຄຳ​ຕັດສິນ​ໂທດ​ປະຫານ
​ຊີ​ວິດ ທ່ານ Morsi.

ພວກ​ສະໜັບ​ສະ​ໜຸນ ພັກ​ພະລາດອນພາບ​ມຸສລິ​ມ ຫຼື Muslim Brotherhood ​ໄດ້ຮຽກຮ້ອງ ​ໃຫ້ປະຊາຊົນ ທຳ​ການ​ປະ​ທ້ວງ ຕໍ່​ຄຳ​ຕັດສິນ​ໂທດ​ປະຫານ​ຊີ​ວິດ ທ່ານ Morsi ​ດັ່ງກ່າວນັ້ນ.

ສານ Cairo ຍັງ​ອອກ​ຄຳ​ພິພາກສາ​ຕ່າງຫາກ ຕໍ່​ບັນດາ​ຜູ້ນຳລະດັບ​ສູງ​ຂອງພັກພະລາດອນ ພາບ​ມຸສລິ​ມ ອີກຫຼາຍຄົນ ​ໃນຖານ​ສົມຮູ້​ຮ່ວມ​ຄິດ​ກັບ ກັບ​ກຸ່ມ Hamas ​ແລະ Hezbollah ຈັດວາງ​ແຜນການ​ແຫກ​ຄຸກດັ່ງກ່າວ​ນັ້ນ.

XS
SM
MD
LG