ລິ້ງ ສຳຫລັບເຂົ້າຫາ

ປ. Barack Obama ຮຽກຮ້ອງ ໃຫ້ຮ່າງກົດໝາຍ ວ່າ​ດ້ວຍ ຄວາມປອດໄພ ທາງອິນເຕີແນັດ


ປະທານາທິບໍດີໂອບາມາ ພວມຖະແຫຼງ ໃກ້ໆກັບລັດຖະມົນຕີ ຄວາມປອດໄພພາຍໃນ ທ່ານJeh Johnson (ຊ້າຍ) ທີ່ສູນກາງຮ່ວມດ້ານຄວາມປອດໄພທາງອິນເຕີແນັດ ແລະການສື່ສານຄົມມະນາຄົມແຫ່ງຊາດ ທີ່ເມືອງອາຣ໌ລິງຕັນ ລັດເວີຈີເນຍ (13 ມັງກອນ 2015)

ປະທານາທິບໍດີ ສະຫະລັດ ທ່ານ Barack Obama ກຳລັງ
ຮຽກຮ້ອງໃຫ້ຮ່າງ​ກົດໝາຍ​ໃໝ່​ກ່ຽວ​ກັບ​ຄວາມ​ປອດ​ໄພ​ທາງ​
ອິນ​ເຕີແນັດ ​ເພື່ອ​ສົ່ງ​ເສີມ ​ການ​ແບ່ງປັນ​ຂໍ້ມູນເພີ້ມ​ຂື້ນ ລະ
ຫວ່າງລັດຖະບານ ​ແລະ​ບັນດາ​ບໍລິສັດເອກ​ກະ​ຊົນ.

ໃນການຖະແຫຼງ ເມື່ອ​ວັນ​ອັງຄານ​ວານນີ້ ຢູ່​ທີ່ ສູນກາງ​ຮ່ວມ
ດ້ານຄວາມ​ປອດ​ໄພ​ທາງອິນເຕີແນັດ ແລະສື່ສານຄົມມະນາ
ຄົມແຫ່ງຊາດຂອງລັດຖະບານນັ້ນປະທານາ​ທິບໍດີ Obama
ກ່າວ​ວ່າ ມັນເຖິງເວລາແລ້ວໃນເວລາ​ນີ້ ຊຶ່ງເປັນການ “ຍາກ​
ຫລາຍ” ໃນບາງ​ຄັ້ງ​ບາງ​ຄາວທີ່ທັງ​ສອງ​ຝ່າຍ​ຈະແລກປ່ຽນ​ຂໍ້
ມູນເພາະວ່າມີບັນຫາດ້ານກົດໝາຍແລະ​ບັນຫາ​ຮັບຜິດຊອບ
​ຕໍ່​ຄວາມ​ເສຍ​ຫາຍ ​ແລະ​ຄວາມ​ເປັນ​ຫ່ວງຂອງ​ບໍລິ​ສັດຕ່າງໆກ່ຽວກັບການ​ເປີດ​ເຜິີຍຄວາມ ອ່ອນແອທີ່ຕົນມີ.

ທ່ານ Obama ກ່າວ​ວ່າ ທ່ານ​ໄດ້​ຍົກເອົາບັນຫາ​ນີ້ຂື້ນມາ​ໂອ້ລົມໃນ​ວັນ​ອັງຄານວານນີ້ ກັບ​
ບັນດາ​ຜູ້ນຳ​ຊຸດໃໝ່ຂອງ​ພັກຣີພັບ​ບລິ​ກັນ ທີ່​ຄວບ​ຄຸມສະພາ ຮວມທັງ ປະທານ​ສະພາຕ່ຳ
ທ່ານ John Boehner ​ແລະ​ຜູ້ນຳ​ສຽງ​ສ່ວນ​ຫຼາຍໃນສະພາ​ສູງ ທ່ານ Mitch McConnell
​ແລະ​ພວກທ່ານຕ່າງກໍເຫັນ​ດີ​ນຳວ່າ “ນີ້​ເປັນ​ການ​ຂົ່ມຂູ່​ທີ່​ຈະ​ຕ້ອງໄດ້ຮັບການແກ້ໄຂ.”

ຜູູ້​ນຳ​ສະຫະລັດ ກ່າວ​ວ່າ ທ່ານ​ມີ​ຄວາມ “ໝັ້ນ​ໃຈ” ​ໃນຮ່າງ​ກົດໝາຍ​ທີ່ທັງ​ສອງ​ຝ່າຍຈະຮ່າງ
ຂຶ້ນໃນ​ບໍ່​ຊ້າ​ນີ້ ​ເພື່ອຈະ​ປ້ອງ​ກັນ​ບັນດາ​ບໍ​ລິ​ສັດ​ຕ່າງໆ​ ທີ່​ແບ່ງປັນຂໍ້ ມູນທາງອິນເຕີແນັດ
ຮ່ວມກັນ ຈາກ​ການ​ຖືກຟ້ອງ​ຮ້ອງ ພ້ອມ​ດ້ວຍ​ການ​ຄໍ້າປະ ກັນຂອງລັດຖະບານທີ່ຈະປົກປ້ອງ
ຄວາມ​ລັບຂອງສ່ວນບຸກຄົນ​ ​ແລະເສລີພາບ ຂອງ​ພົນລະ​ເມືອງ ​ເຖິງແມ່ນໃນ​ຂະນະ​ທີີ່ລັດ
ຖະບານພວມດຳເນີນງານເພື່ອປົກ​ປ້ອງ​ຕາໜ່າງຂໍ້ມູນ​ຂອງ​ປະ​ເທດ. ທ່ານ​ໄດ້​ຮຽກຮ້ອງໃຫ້
ລັດຖະສະພາ ​ໃຫ້​ທືນ ສະໜັບສະໜຸນຢ່າງ​ເຕັມ​ສ່ວນ ​ແກ່ກະຊວງ​ຮັກສາ​ຄວາມ​ປອດ​ໄພ
​ພາຍ​ໃນ​ຂອງ ສະຫະລັດ “ປາດ​ສະ​ຈາກ​ການ​ລ້າ​ຊ້າໃດໆ” ​ໂດຍ​ກ່າວ​ວ່າ ຄວາມ​ປອ​ດ​ໄພ
ແຫ່ງ​ຊາດ​ຂອງສະຫະລັດ “ບໍ່​ສົມ​ຄວນ​ເລີຍ​ທີ່​ຈະ​ເປັນ​ບັນຫາຈາກເກ​ມການ​ເມືອງຂອງ​
ພັກໃດພັກນຶ່ງ.”

ການ​ຊຸ​ກຍູ້ຂອງປະທານາທິບໍດີ ​ໄດ້ມີ​ຂື້ນ​ນຶ່ງມຶື້ ຫລັງ​ຈາກ​ພວກເຈາະຂໍ້ມູນໂຈມ​ຕີບັນຊີ
Twitter ​ແລະ YouTube ຂອງກອງ​ບັນຊາ​ການ​ທະຫານ​ສະຫະລັດ ​ໃນ​ເຂດ​ພາກ​ຕາ​ເວັນ
​ອອກ​ກາງ ອ​າຟຣິກາ​ເໜືອແລະເອເຊຍກາງ ຫລື CENTCOM ທີ່​ດູ​ແລນຳພາການ​ໂຈມ
​ຕີທາງ​ອາກາດຂອງສະຫະລັດ ​ໃສ່ພວກ ກະບົດລັດ​ອິສລາມ​ໃນອີຣັກ ​ແລະ​ຊີ​ເຣຍ. ພວກ
​ໂຈມຕີ​ກ່າວ​ວ່າ ​ເຂົາ​ເຈົ້າ​ຈົງ​ຮັກ​ພັກດີ​ຕໍ່ລັດ​ອິສລາມ.

XS
SM
MD
LG