ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ການເຈລະຈາ ລະຫວ່າງ ສຫລ ແລະ ຄິວບາ ຄືບໜ້າ ແຕ່ ຍັງຕົກລົງ ຂັ້ນສຸດທ້າຍ ບໍ່ໄດ້


ລັດຖະມົນຕີຊ່ວຍວ່າການຕ່າງປະເທດ ສຫລ ທ່ານນາງ Roberta Jacobson (ຊ້າຍ) ແລະທ່ານນາງ Josefina Vidal (ຂວາ) ຫົວໜ້າຫ້ອງການສະຫະລັດ ຂອງກະຊວງຕ່າງປະເທດ ຄິວບາ.
ລັດຖະມົນຕີຊ່ວຍວ່າການຕ່າງປະເທດ ສຫລ ທ່ານນາງ Roberta Jacobson (ຊ້າຍ) ແລະທ່ານນາງ Josefina Vidal (ຂວາ) ຫົວໜ້າຫ້ອງການສະຫະລັດ ຂອງກະຊວງຕ່າງປະເທດ ຄິວບາ.

ບັນດາ​ເຈົ້າ​ໜ້າ​ທີ່ສະຫະລັດ ​ແລະ​ຄິວ​ບາ ກ່າວ​ວ່າ ​ເຂົາ​ເຈົ້າ​ໄດ້​
ທຳ​ຄວາມ​ຄືບ​ໜ້າ ​ໃນ​ການ​ຟື້ນ​ຟູ​ຄວາມສຳພັນ ດ້ານ​ການ​ທູດ
​ຄືນ​ໃໝ່ ​ແຕ່​ວ່າ​ຍັງ​ມີໜ້າ​ວຽກການ​ຫລາຍຢ່່າງ​ທີ່​ຈະ​ຕ້ອງ​ໄດ້​ປະ
ຕິບັດ.

ບັນ​ດາ​ເຈົ້າ​ໜ້າ​ທີ່​ໄດ້​ໃຫ້ຄວາມເຫັນ​ດັ່ງກ່າວ ໃນ​ວັນ​ສຸກວານນີ້
ຫລັງ​ຈາກ​ໄດ້ມ້ວນ​ທ້າຍ​ຮອບ​ທີ່ສີ່​ຂອງ​ການ​ເຈລະຈາຫາລື ທີ່ວໍ
​ຊິງ​ຕັນ.

ຢູ່ໃນການ​ປະຊຸມເປັນເວລາສອງ​ວັນ​ນັ້ນ ບັນດາ​ນັກ​ເຈລະ​ຈາ​ໄດ້​ເນັ້ນ​ໜັກ​ໃສ່​ບັນຫາຕ່າງໆ ທີ່​ຮວມທັງຂັ້ນຕອນໃນກນາເປີດ​ສະຖານທູດ​ຄືນ​ໃໝ່ ຫລັງ​ຈາກ​ທີ່ໄດ້​ມີການຕັດຄວາມ
ສຳພັນ​ຢ່າງເປັນທາງການ ລະຫ່າງສະຫະລັດແລະຄິວ​ບາເປັນ ເວລາ 50 ປີກວ່າໆ.

ທ່ານ​ນາງ Roberta Jacobson ຫົວ​ໜ້າ​ເຈລະຈາຝ່າຍສະຫະລັດ ກ່າວ​ວ່່າ “ຂ້າ​ພ​ະ​ເຈົ້າ
ຍັງ​ມອງ​ເຫັນໄປໃນ​ແງ່​ດີ ​ແຕ່​ວ່າ ຂ້າພ​ະ​ເຈົ້າກໍເປັນຄົນທີ່ຍອມຮັບ​ຄວາມ​ຈິງ​ກ່ຽວກັບ 54 ປີ​
ທີ່​ພວກ​ເຮົາຕ້ອງໄດ້​ເອົາຊະນະ”.

ທ່ານ​ນາງ Jacobson ​ລັດຖະມົນຕີຊ່ວຍວ່າການກະຊວງຕ່າງປະ​ເທດ ຮັບຜິດ ຊອບກິດ
ຈະການຊີກ​ໂລກຕາ​ເວັນ​ຕົກ ກ່າວ​ວ່າ ທັງ​ສອງ​ຝ່າຍ​ຍັງ​ມີ “ບາງເລື້ອງທີ່​ຈະຕ້ອງ​ໄດ້ຕົກ
ລົງກັນ” ​ແລະ​ກໍຈະດຳເນີນການດັ່ງກ່າວໂດຍໄວ​ເທົ່າ​ທີ່​ຈະ​ໄວ​ໄດ້.

ຄູ່​ຕຳ​ແໜ່​ງຝ່າຍຄິວ​ບາ ຂອງ​ທ່ານ​ນາງ Josefina Vidal ກ່າວ​ວ່າ ທັງ​ສອງ​ຝ່າຍ​ເຫັນ​ດີ​ທີ່
​ຈະ​ສືບ​ຕໍ່​ການ​ສົນທະນາ​ກ່ຽວ​ກັບ​ບັນ​ຫາ​ອັນ​ສຳຄັນ​ຕ່າງໆ.

ທ່ານ​ນາງ Vidal ຫົວໜ້າພະ​ແນ​ກສະຫະລັດ ຂອງ ກະຊວງ​ຕ່າ​ງປະ​ເທດ​ຄິວ​ບາ ກ່າວ​ວ່າ
“ຜູ້​ແທນ​ທັງ​ສອງຝ່າຍ ​ເຫັນ​ດີ​ສືບ​ຕໍ່​ການ​ແລກປ່ຽນຄວາມຄິດຄວາມເຫັນ ທີ່ພົວພັນ​ກັບ
ການ​ປະຕິບັດ​ງານດ້ານ​ການ​ທູດ.”

​ໃນການຖະແຫຼງຂ່າວ ໃນ​ວັນ​ສຸກ​ວານນີ້ ທ່ານ​ນາງ Jacobson ​ໄດ້ສະແດງໃຫ້ເຫັນ​ວ່າ
ການ​ເຂົ້າ​ເຖິງທາງ​ດ້ານການ​ທູດ ອາດ​ເປັນ​ນຶ່ງ​ຂອງ​ຈຸດ​ສຳຄັນ​ທີ່​ຍັງ​ຄ້າງ​ຄາ​ຢູ່.

ທ່ານ​ນາງ Jacobson ກ່າວ​ວ່າ “ມີ​ຫລາຍໆສະພາບ​ການ ທີ່ບັນດາ​ສະຖານທູດ ປະ​ຕິ​ບັດ
​ງານ​ຢູ່​ໃນ​ບັນຍາກາດ​ແບບຈຳກັດ.”

ທ່ານ​ນາງ Jacobson ກ່າວ​ເພີ້ມອີກ​ວ່າ “ພວກ​ເຮົາ​ມີ​ຄວາມ​ໝັ້ນ​ໃຈ​ວ່າ ​ເວລາ​ໃດ​ທີ່​ພວກ​ເຮົາ​ຕົກລົງ​ກັນ ສະຖານທູດ​ຂອງ​ພວກ​ເຮົາ​ຈະ​ສາມາດ​ປະຕິບັດ​ງານ ​ເພື່ອ​ໃຫ້​ພວກ​ເຈົ້າ
ໜ້າ​ທີ່ໄດ້ເຮັດ​ວຽກ​ຂອງ​ເຂົາ​ເຈົ້າ.”

US Cuba Talks
please wait
Embed

No media source currently available

0:00 0:01:56 0:00

XS
SM
MD
LG