ການສົ່ງນໍ້າມັນດິບອອກເທື່ອທຳອິດຂອງ ສະຫະລັດ ໃນຮອບສີ່
ທົດສະວັດ ໄດ້ເລີ້ມອອກຈາກທ່າເຮືອລັດເທັກຊັສໃນວັນພະຫັດ
ວານນີ້ ພຽງບໍ່ເທົ່າໃດອາທິດຫຼັງຈາກການຫ້າມສົ່ງອອກດັ່ງກ່າວ
ໄດ້ຖືກຍົກເລີກ.
ກໍາປັ່ນບັນທຸກ ຂົນສົ່ງນໍ້າມັນ ຈາກບໍ່ນໍ້າມັນບໍລິສັດ Conoco
Phillips ຢູ່ພາກໃຕ້ຂອງລັດເທັກຊັສທີ່ໄດ້ຂາຍໃຫ້ແກ່ບໍລິສັດ
ການຄ້າສະວິດ Vitol Group.
ໃນຕົ້ນເດືອນທັນວາຜ່ານມານີ້ ປະທານາທິບໍດີ Barack Oba-
ma ໄດ້ລົງນາມໃນຮ່າງກົດໝາຍຍົກເລີກການຫ້າມ ທີ່ໄດ້ວາງ
ໄວ້ລະຫວ່າງກາງຊຸມປີ 1970 ຫລັງຈາກໄດ້ມີການຫ້າມນໍ້າມັນຂອງປະເທດອາຣັບ.
ການຫ້າມຂາຍນ້ຳມັນ ທີ່ໄດ້ເລີ້ມຂຶ້ນໃນປີ 1973 ໄດ້ມີຜົນກະທົບ ທັງໃນໄລຍະສັ້ນ ແລະ
ໄລຍະຍາວ ຕໍ່ການເມືອງ ແລະເສດຖະກິດຂອງໂລກ.
ໃນເວລາທີ່ການຫ້າມດັ່ງກ່າວ ສິ້ນສຸດລົງໃນປີ 1974 ລາຄານໍ້າມັນໄດ້ຖີບຂື້ນຈາກ 3 ໂດ
ລາຕໍ່ຖັງຂຶ້ນເປັນເກືອບ 12 ໂດລາຢູ່ໃນທົ່ວໂລກ ລາຄາຢູ່ໃນສະຫະລັດແມ່ນສູງກວ່ານັ້ນ
ອີກ.
ປັດຈຸບັນນີ້ ລາຄານໍ້າມັນດິບ ແມ່ນຢູ່ໃນລະຫວ່າງ 37 ໂດລາຕໍ່ຖັງ.
