ມີບາງສິ່ງບາງຢ່າງແປກໆເກີດຂື້ນ ຢູ່ໃນລັດຖະສະພາສະຫະລັດ
ໃນອາທິດນີ້ ຄືພັກຣິພບັບລິກັນ ແລະເດໂມແຄຣັດ ໄດ້ເຫັນດີໃຫ້
ການສະໜັບສະໜູນໃນການເອົາບາດກ້າວຢ່າງໜັກແໜ້ນຕໍ່ເກົາ
ຫລີເໜືອ ຫລັງຈາກພຽງຢາງໄດ້ທຳການທ້າທາຍເປັນລຳດັບມາ.
ບັນດາສະມາຊິກສະພາຕໍ່າ ໄດ້ຮັບຜ່ານການລົງໂທດ ໃນຂອບ
ເຂດທີ່ກວ້າງຂວາງສະບັບໃໝ່ ຕໍ່ເກົາຫຼີເໜືອ ໃນວັນສຸກວານນີ້
ດ້ວຍຄະແນນສຽງ 408 ຕໍ່ 2 ສະພາສູງໄດ້ຮັບຮອງເອົາຮ່າງກົດ
ໝາຍການລົງໂທດ ໃນຕົ້ນອາທິດນີ້ ດ້ວຍຄະແນນສຽງ 96 ຕໍ່ 0
ທີ່ໝາຍຄວາມວ່າ ມາດຕະການດັ່ງກ່າວບັດນີ້ໄດ້ຖືກໄປຫາໂຕະ
ປະທານາທິບໍດີ ເພື່ອເຊັນຮັບເອົາ.
ຮ່າງກົດໝາຍນີ້ແມ່ນແນໃສ່ເປົ້າໝາຍໂດຍກົງ ໃສ່ພວກຟອກເງິນ ພວກລະເມີດສິດທິ
ມະນຸດ ພວກຄ້າຂາຍອາວຸດ ແລະສິນຄ້າທີ່ຫລູຫລາ ແລະຜູ້ໃດກໍຕາມ ທີ່ພົວພັນກັບ
ໂຄງການອາວຸດນິວເຄລຍ ຫລືວ່າ ຜູ້ໃດກໍຕາມທີ່ທຳການໂຈມຕີເຈາະ ຂໍ້ມູນທາງອິນເຕີ
ແນັດ. ນອກນັ້ນ ຮ່າງກົດໝາຍນີ້ ຍັງວາງການລົງໂທດລະດັບ ສອງຕໍ່ອົົງການຕ່າງໆ ທີ່
ສະໜັບສະໜູນ ແລະການຊ່ວຍເຫຼືອ ດ້ານການເງິນແກ່ການຮຸກຮານຂອງເກົາຫລີເໜືອ.
ຮ່າງກົດໝາຍນີ້ິ້ ຍັງຈະອະນຸມັດເງິນ 10 ລ້ານໂດລາຕໍ່ປີໃນໄລຍະຫ້າປີຕໍ່ໜ້າ ເພື່ອ
ຂະຫຍາຍການເຂົ້າຫາສື່ມວນຊົນຂອງຊາວເກົາຫລີເໜືອແລະໃຫ້ການຊ່ວຍເຫລືອດ້ານ
ມະນຸດສະທຳແກ່ອົບພະຍົບ.
ຮ່າງກົດໝາຍດັ່ງກ່າວນີ້ ໄດ້ຜ່ານທັງສອງສະພາຂອງສະຫະລັດ ຢ່າງວ່ອງໄວ ໜ້ອຍກວ່າ
ໜຶ່ງອາທິດ ຫລັງຈາກເກົາຫລີເໜືອ ໄດ້ຍິງລູກສອນໄຟ ໄລຍະໄກ. ບັນດາສະມາຊິກສະ
ພາ ຫຼາຍຄົນ ໄດ້ສະແດງຄວາມເປັນຫ່ວງວ່າ ປະຊາຄົມນາໆຊາດບໍ່ເຄື່ອນໄຫວໄວພຽງພໍ
ເພື່ອຮັບມືກັບໂຄງການນິວເຄລຍທີ່ເປັນອັນຕະລາຍ ຂອງພຽງຢາງ ທີ່ອາດຈະເປັນໄພ
ຂົ່ມຂູ່ຕໍ່ສະຫະລັດ ແລະບັນດາພັນທະມິດ.
ບັນດາເຈົ້າໜ້າທີ່ທຳນຽບຂາວ ໃຫ້ຮ່ອງຮອຍວ່າ ປະທານາທິບໍດີ Barack Obama ຈະ
ບໍ່ໃຊ້ສິດຍັບຢັ້ງຕໍ່ຮາງກົດໝາຍນີ້ ເພາະວ່າໄດ້ຮັບການສະໜັບ ສະໜູນຢ່າງຖ້ວມລົ້ນຢູ່ໃນລັດຖະສະພາ.
