ລິ້ງ ສຳຫລັບເຂົ້າຫາ

ສະຫະລັດ ກ່າວປະນາມ ການໂຈມຕີ ໂຮງແຮມ ສອງແຫ່ງໃນ ໂຊມາລີ


ກຳລັງຮັກສາຄວາມປອດໄພ ແລະ ປະຊາຊົນເຕົ້າໂຮມກັນ ຢູ່ນອກ ໂຮງແຮມ Weheliye ຫຼັງຈາກຖືກໂຈມຕີໂດຍ ພວກຫົວຮຸນແຮງໃນເມືອງ Mogadishu, ໂຊມາລີ, 10 ກໍລະກົດ, 2015.

ກຳລັງຮັກສາຄວາມປອດໄພ ແລະ ປະຊາຊົນເຕົ້າໂຮມກັນ ຢູ່ນອກ ໂຮງແຮມ Weheliye ຫຼັງຈາກຖືກໂຈມຕີໂດຍ ພວກຫົວຮຸນແຮງໃນເມືອງ Mogadishu, ໂຊມາລີ, 10 ກໍລະກົດ, 2015.

ສະຫະລັດ ກ່າວ​ວ່າ ຕົນ​ປະນາມ​ຢ່າງຮຸ​ນແຮງ​ ຕໍ່​ການ​ໂຈມ​ຕີໂຮງ​ແຮມ​ສອງແຫ່ງ ໂດຍ​ພວກ​ຫົວ​ຮຸນ​ແຮງ al-Shabab ເມື່ອ​ບໍ່​ດົນ​ມາ​ນີ້ ແລະ ທີ່ຕັ້ງຂອງທະຫານສະຫະພາບ ອາຟຣິກາ ໃນນະຄອນຫຼວງ Mogadishu ຂອງ ​ໂຊ​ມາລີ.

​ມີ​ຢ່າງ​ໜ້ອຍ 16 ຄົນ​ຖືກຂ້າ​ຕາຍ​ໃນ​ການ​ໂຈມ​ຕີ​ຫຼາຍ​ຄັ້ງຢູ່ໂຮງ​ແຮ​ມ Weheliye ​ແລະ Siyad ​ໃນ​ວັນ​ສຸກ​ທີ່​ຜ່ານ​ມາ.

ການ​ໂຈ​ມຕີ​ໃນ​ວັນ​ສຸກ​ທີ່​ຜ່ານ​ມາ​ລວ​ມ​ມີ​ການ​ຍິງ​ປືນ​ຄົກ​ໃສ່​ສະໜາມ​ກິລາ​ບານ​ເຕະ​ເກົ່າ, ​ເຊິ່ງຕອນ​ນີ້​ໃຊ້​ເປັນ​ຖານ​ທັບ​ທີ່​ສຳ​ຄັນ​ໃຫ້​ແກ່ ທະຫານສະຫະພາບ ອາຟຣິກາ. ​ໃນ​ການ​ໂຈມ​ຕີ​ດັ່ງກ່າວ​ບໍ່​ໄດ້​ມີ​ການ​ລາຍ​ງານ​ເຖິງ​ຄວາມ​ເສຍຫາຍ​ໃດ​ໆ.

ຖະ​ແຫຼງການ​ຂອງ​ກະຊວງ​ການ​ຕ່າງປະ​ເທດ ສະຫະລັດ ສະບັບ​ໜຶ່ງ​ໄດ້​ກ່າວ​ໃນ​ວັນ​ອາທິດ​ວານ​ນີ້​ວ່າ “ພວກ​ຫົວ​ຮຸນ​ແຮງ al-Shabab ອີກ​ຄັ້ງ​ໜຶ່ງ​ ໄດ້​ສະ​ແດງຄວາມໂຫດ​ຮ້າຍຂອງຕົນ ​ແລະ ການ​ປະຕິເສດ​ໂດຍ​ສິ້ນ​ເຊີງຕໍ່ສັງຄົມ​ ​ໂຊ​ມາລີ ທີ່ປາສະຈາກ​ຄວາມ​ຮຸນ​ແຮງ ​ແລະ ການ​ກົດ​ຂີ່​ຂູດ​ຮີດ.”

ຖະ​ແຫຼ​ງການ​ໄດ້​ກ່າ​ວ​ເພີ່ມ​ເຕີມ​ວ່າ “ສະຫະລັດ ຍັງ​ຄົງ​ໃຫ້​ຄຳ​ໝັ້ນ​ສັນຍາ​ທີ່​ຈະ​ເຮັດ​ວຽກ​ກັບ​ປະຊາຊົນ ​ໂຊ​ມາລີ, ລັດຖະບານ​ຂອງ​ພວກ​ເຂົາ​ເຈົ້າ, ​ແລະ ຄູ່​ຮ່ວມ​ສາກົນ​ເພື່ອ​ສືບ​ຕໍ່​ໃນ​ການພັດ​ທະ​ນາ, ຄວາມ​ຈະ​ເລີ​ນຮຸ່ງ​ເຮືອງ ​ແລະ ຄວາມ​ມີ​ສະຖຽນ​ລະ​ພາບ.”

XS
SM
MD
LG