ລິ້ງ ສຳຫລັບເຂົ້າຫາ

ຜູ້ບັນຊາການທະຫານ ສຫລ ແລະ NATO ໃນອັຟການິສຖານ ຢ້ຽມຢາມ ປາກິສຖານ (ວີດີໂອກ່ຽວຂ້ອງ)


ຜູ້ບັນຊາການກໍາລັງທະຫານສະຫະລັດ ອາເມຣິກາ ແລະ NATO ທ່ານນາຍພົນ Jonh Allen ຢ້ຽມຢາມນາຍພົນ Ashfag Parvez Kayani (ຂວາ) ທີ່ປາກິສຖານໃນວັນພະຫັດ ທີ 2 ສິງຫາ, 2012

ຜູ້​ບັນຊາ​ການ​ກໍາລັງ​ທະຫານສະຫະລັດ ແລະ NATO ທີ່ ອັຟກາ​ນິສຖານ ກໍາລັງ​ປະຊຸ​ມກັນ
ກັບ​ບັນດາ​ເຈົ້າ​ໜ້າ​ທີ່​ປາ​ກິ​ສຖານ ຢູ່​ນະຄອນຫລວງ​ອິສລາມາ​ບັດ ​ໃນ​ວັນ​ພະຫັດມື້​ນີ້ ​ເປັນ​ຄັ້ງ​
ທໍາ​ອິດ​ ນັບ​ຕັ້ງ​ແຕ່ປາ​ກິ​ສຖານ ​ໄດ້​ສີ້​ນສຸດ​ການ​ກີດ​ກັ້ນ​ ​ເປັນເວລາ 6 ​ເດືອນ​ ບໍ່​ໃຫ້ຂົນ​ສົ່ງສໍາ
ພາລະ​ຂອງ NATO ​ຜ່ານ​ດິນ​ຂອງ​ຕົນ ເຂົ້າ​ໄປຍັງ​ອັກາ​ນິສຖານ​ນັ້ນ.

​ກອງທັບປາ​ກິ​ສຖານ ກ່າວ​ວ່າ ນາຍ​ພົນ John Allen ຈະ​ພົບປະ​ກັບຜູ້ບັນຊາ​ການທະຫານ
ປາ​ກິ​ສຖານ ນາຍ​ພົນ Ashfaq Parvez Kayani ​ແລະວ່າ ການ​ສົນທະນາ​ຈະກວມ​ເອົາ​
ເລື່ອງ​ການ​ຊອກ​ຫາ​ຊ່ອງ​ທາງ​ເພື່ອປັບ​ປຸ​ງການ​ປະສານ​ງານ ​ຢູ່ຕາມຊາຍ​ແດນ​ລະ​ຫວ່າງ
ອັຟກາ​ນິສຖານ ​ແລະ​ປາ​ກິ​ສຖານ.

ປາ​ກິ​ສຖານ ​ໄດ້​ປິດ​ເສັ້ນທາງ​ລໍາລຽງ​ສໍາພາລະ​ໄປ​ຫາ ອັຟກາ​ນິສຖານ ໃນ​ເດືອນ​ພະຈິກ ປີ​
ກາຍ​ນີ້ ຫລັງ​ຈາກສະຫະລັດໄດ້​ໂຈມ​ຕີ​ທາງ​ອາກາດ​ຢ່າງຜິດພາດ ເຮັດ​ໃຫ້​ທະຫານປາ​ກິ​ສ
ຖານ ​ເສຍ​ຊີວິດໄປ 24 ຄົນ. ປາ​ກິ​ສຖານ ​ໄດ້​ຕົກລົງ​ເປີດ​ເສັ້ນທາງ​ຄືນ​ໃໝ່ ​ໃນ​ຕົ້ນ​ເດືອນ​ແລ້ວ
​ນີ້ ຫລັງ​ຈາກສະຫະລັດ ​ໄດ້​ກ່າວ​ສະ​ແດງ “​ຄວາມ​ເສຍ​ໃຈ” ກ່ຽວ​ກັບ​ການ​ຕາຍເຫລົ່າ​ນັ້ນ.

ການຢ້ຽມຢາມ​ຂອງ ນາຍ​ພົນ Allen ມີຂື້ນ​ຫລັງ​ຈາກ ສະຫະລັດແລະປາ​ກິ​ສ ຖານ ​ໄດ້ເຊັນ
ຂໍ້​ຕົກລົງ​ກັນໃນ​ວັນ​ອັງຄານຜ່ານ​ມາ ກ່ຽວ​ກັບການ​ເຄື່ອນ​ໄຫວຂອງ ຂະ​ບວນລົດ​ບັນທຸກ
​ສໍາພາລະ​ຂອງ NATO ຜ່ານ​ເຂົ້າໄປ​ຍັງອັຟກາ​ນິສຖານ ຈົນ​ຮອດ​ທ້າຍ​ປີ 2015.

ວີດີໂອລາຍງານກ່ຽວກັບ ກອງປະຊຸມລະຫວ່າງຫົວໜ້າຝ່າຍສືບລັບຂອງສະຫະລັດ
ແລະປາກິສຖານ:

XS
SM
MD
LG