ລິ້ງ ສຳຫລັບເຂົ້າຫາ

ພົນລະເມືອງອາເມຣິກັນ ທີ່ລັກລອບເຂົ້າໄປ ໃນເກົາຫຼີເໜືອ ອອກມາ ປະນາມ ສະຫະລັດ


ນາຍ Arturo Pierre Martinez ຖະແຫລງຂ່າວ ປະນາມ ສະຫະລັດ ທີ່ນະຄອນຫລວງພຽງຢ້າງ ຂອງເກົາຫຼີເໜືອ, ວັນທີ 14 ທັນວາ 2014.

ນາຍ Arturo Pierre Martinez ຖະແຫລງຂ່າວ ປະນາມ ສະຫະລັດ ທີ່ນະຄອນຫລວງພຽງຢ້າງ ຂອງເກົາຫຼີເໜືອ, ວັນທີ 14 ທັນວາ 2014.

ພົນລະ​ເມືອງ​ອາ​ເມຣິກັນ​ຄົນ​ນຶ່ງ ​ໄດ້ອອກ​ມາ​ຖະ​ແຫລ​ງ​ຂ່າວ​ໃນ​
ນະຄອນຫຼວງ​ພຽງ​ຢ້າງ ຂອງ​ເກົາຫຼີ​ເໜືອ ​ເພື່ອປະນາມ​ນະ​ໂຍ
ບາຍ​ພາຍ​ໃນ​ປະ​ເທດ ​ແລະ​ຕ່າງປະ​ເທດ​ ​ແລະ​ປະຫວັດ​ການ​
ເຄົາລົບນັບຖື​ສິດທິ​ມະນຸດ ​ຂອງ​ສະຫະລັດ.

ນາຍ Arturo Pierre Martinez ​ໄວ 29 ປີ​ຈາກ​ເມືອງ El
Paso ໃນ​ລັດ Texas ກ່າວ​ຕໍ່​ບັນດາ​ນັກ​ຂ່າວ​ໃນ​ວັນ​ອາທິດ​
ມື້​ນີ້​ວ່າ ຕົນໄດ້​ເຂົ້າ​ໄປ​ໃນ​ເກົາຫຼີ​ເໜືອ​ຢ່າງ​ຜິດ​ກົດໝາຍ ​ແລະ
​ຢາກໄປຂໍ​ລີ້​ໄພ​ທີ່​ປະ​ເທດ Venezuela.

ນາຍ Martinez ກ່າວ​ວ່າ “ຂ້ອຍ​ຊື່ວ່າ Arturo Pierre
Martinez ມີ​ອາຍຸ 29 ປີ ​ເປັນ​ພົນລະ​ເມືອງ​ຂອງ​ສະຫະລັດ ​ແລະ​ຂ້ອຍ​ໃຫຍ່​ແລະ​
ເກີດ​ທີ່​ເມືອງ El Paso ​ໃນ​ລັດ Texas. ຂ້ອຍ​ໄດ້​ສ່ຽງ​ໄພ​ ເດີນທາງ​ເຂົ້າ​ມາ​ໃນ​
ເກົາ​ຫຼີເໜືອ ​ເພື່ອ​ວ່າ​ຂ້ອຍ​ຈະ​ສາມາດບອກ​ຂ່າວ​ຂໍ້​ມູນ​ທີ່​ມີ​ຄຸນຄ່າ​ຫຼາຍ ​ແລະໜ້າ​
ຮ້ອນ​ໃຈ ທີ່​ຂ້ອຍ​ຮູ້ສຶກ​ວ່າ ລັດຖະບານ​ຂອງ​ເກົາ​ຫຼີເໜືອ​ ຈະຕ້ອງພໍ​ໃຈ​ນຳ.”

ຍັງ​ບໍ່​ເປັນ​ທີ່​ຈະ​ແຈ້ງວ່າ ລາວ​ເຂົ້າ​ໄປ​ໃນ​ເກົາຫຼີ​ເໜືອ​ໄດ້​ແນວ​ໃດ ຫຼື​ວ່າ​ຈະ​ໄດ້​ຮັບ​ອະນຸຍາດ​ໃຫ້ອອກ​ຈາກ​ປະ​ເທດ​ໄດ້​ຫຼື​ບໍ? ມີ​ລາຍ​ງານ​ວ່າ ພຽງ​ຢ້າງ​ໄດ້​ເວົ້າ​ວ່າ ນາຍ Martinez ​ເຂົ້າ​ໄປ​ໃນເກົາຫລີ​ເໜືອ​ຈາກປະ​ເທດຈີນ ​ໃນ​ເດືອນ​ແລ້ວ​ນີ້.

ນາງ Patricia Martinez ​ແມ່​ຂອງ​ນາຍ Martinez ກ່າ​ວຕໍ່​ຕາໜ່າງ​ໂທລະພາບ​ຂ່າວ
CNN ວ່າ ລູກ​ຊາຍ​ຂອງ​ລາວ​ເປັນ​ຄົນ​ຈິດ​ໃຈ​ບໍ່​ທ່ຽງ ​ມີ​ສອງ​ບຸກຄະ​ລິກ ແລະ​ລາວ​ໄດ້​ເດີນ
ທາງ​ໄປ​ຍັງ​ຈີນ​ໃນ​ເດືອນ​ພະຈິກ​ຜ່ານ​ມາ​ນີ້ ​ໃນ​ເວລາ​ບໍ່​ດົນ​ຫຼັງ​ຈາກ ລາວ​ຖືກ​ປ່ອຍອອກ​
ຈາກ​ໂຮງໝໍໂຣກຈິດ. ນາງກ່າວ​ອີກ​ວ່າ ລູກ​ຊາຍ​ຂອງ​ນາງ​ໄດ້​ພະຍາຍາມ​ຈະ​ລອຍຂ້າມ​ແມ່ນ້ຳ ​ເຂົ້າ​ໄປ​ໃນ​ເກົາຫລີ​ເໜືອ ​ແຕ່​ວ່າຖືກ​ຈັບໄດ້ ​ແລະ​ສົ່ງ​ກັບ​ຄືນ​ມາສະ​ຫະລັດ ​ແລະ​
ຖືກ​ສົ່ງ​ເຂົ້າ​ໂຮງໝໍ​ໂຣກຈິດ​ອີກ.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG