ລິ້ງ ສຳຫລັບເຂົ້າຫາ

ລມຕ ປ້ອງກັນປະເທດ ສຫລ ແລະຈີນ ພົບປະກັນ ທີ່ ກຸງວໍຊິງຕັນ


ລັດຖະມົນຕີ ປ້ອງກັນປະເທດ ສະຫະລັດ ທ່ານ Chuck Hagel ແລະ ນາຍພົນ Chang Wanquan ພົບປະກັນ ທີ່ກຸງວໍຊິງຕັນ

ລັດຖະມົນຕີ ປ້ອງກັນປະເທດ ສະຫະລັດ ທ່ານ Chuck Hagel ແລະ ນາຍພົນ Chang Wanquan ພົບປະກັນ ທີ່ກຸງວໍຊິງຕັນ

ລັດຖະມົນຕີປ້ອງ​ກັນ​ປະ​ເທດ​ສະຫະລັດ ​ແລະ​ຈີນ ​ໄດ້​ພົບ​ປະກັນ
ທີ່​ກຸງ​ວໍ​ຊິງ​ຕັນ​ໃນ​ວັນ​ຈັນ​ວານ​ນີ້ ຊຶ່ງ​ທັງ​ສອງທ່ານ​ຕ່າງ​ກໍໃຫ້​ຄໍາ
​ໝັ້ນ​ສັນ​ຍາ ທີ່​ຈະ​ເສີມ​ຂະຫຍາຍ​ການຮ່ວມ​ມື​ທາງ​ດ້ານ​ທະຫານ
​ໃຫ້​ແໜ້ນ​ແຟ້ນຂຶ້ນ ລ​ະຫວ່າງມະຫາ​ອໍານາດ​ທັງ​ສອງ.

ລັດຖະມົນ​ຕີປ້ອງ​ກັນ​ປະ​ເທດສະຫະລັດທ່ານ Chuck Hagel
ກ່າວ​ວ່າ ວໍ​ຊິງຕັນ ​ມີ​ຄວາມ​ໝາຍ​ໝັ້ນ​ ຕໍ່​ການ​ “ມີ​ຄວາມ​ສຳພັນ
ໃນ​ທາງ​ບວກແລະ​ສ້າງສັນ” ​ກັບຈີນ ແລະ​ການ​ຕິດຕໍ່​ລະຫວ່າງ
ກອງທັບ​ກັບ​ກອງທັບຂອງປະ​ເທດ​ທັງ​ສອງ ​ແມ່ນ​ໄດ້​ມີບົດບາດ
​ອັນ​ສໍາຄັນ.

ທ່ານ​ Hagel ກ່າວ​ວ່າ “ຄວາມ​ສຳພັນ​ລະຫວ່າງ​ກອງ​ທັບ​ກັບກອງທັບແບບ​ຍືນ​ຍົງ ​ແລະ​ມີ​ແກ່ນສານ ​ເປັນ​ພື້ນຖານ​ທີ່​ສໍາຄັນ​ອັນນຶ່ງ​ຕໍ່​ການມີ​ຄວາມ​ສຳພັນ​ສອງ​ຝ່າຍ​ທີ່​ເຂັ້ມ​ແຂງ​.

ຄູ່​ຕໍາ​ແໜ່​ງຂອງທ່ານ Hagel ນາຍ​ພົນ Chang Wanquan ກ່າວ​ວ່າ ປັກ​ກິ່ງ​ຕ້ອງການ ທີ່​ຈະ​ດຳ​ເນີນ​ງານກ່ຽວ​ກັບ​ການ​ປ້ອງ​ກັນ​ປະ​ເທດກັບ​ສະຫະລັດ ​ເພື່ອ “ຍົກ​ລະດັບ ​ໃຫ້​ສູງຂື້ນ ແບບ​ບໍ່​ເຄີຍ​ມີ​ມາ​ກ່ອນ.” ​ແຕ່ທ່ານ​ກໍກ່າວ​ວ່າ ຈະ​ຕ້ອງບໍ່​ເປັນ “ຄວາມສໍາພັນທີ່​ຄອບ​ງຳ​ໂດຍ​ຝ່າຍ​ໃດຝ່າຍ​ນຶ່ງ.”

ທ່ານ Chang ກ່າວ​ວ່າ ຄວາມ​ສຳພັນ​ລະຫວ່າງກອງທັບສະຫະລັດກັບຈີນ ຄວນຈະ​ອີງ​ໃສ່​ຄວາມໄວ້​ເນື້ອ​ເຊື່ອ​ໃຈຊຶ່ງ​ກັນ​ແລະ​ກັນ “ບໍ່​ແມ່ນຄວາມສໍາພັນໃນ​ຄວາມສົງ​ໄສ​ກັນ​.” ທັງ​ທ່ານ Hagel ​ແລະທ່ານ Chang ກ່າວ​ວ່າ ກໍາລັງ​ທະຫານ​ໃນ​ປະ​ເທດທັງ​ສອງ ຈະ ​ເພີ້​ມການ​ຊ້ອມ​ລົບ​ຮ່ວມ​ກັນ ຮວມ​ທັງ​ການເຝິກ​ຊ້ອມທາງ​ທະ​ເລ ​ໃນ​ບໍ່​ຊ້າ​ນີ້ ​ຢູ່​ທີ່​ອ່າວ Aden.

ການ​ພົບ​ປະຂອງທ່ານ Hagel ກັບທ່ານ Chang ​ເປັນ​ພາກ​ສ່ວນນຶ່ງໃນ​ການ​ດຳ​ເນີນ​ຄວາມ​ພະຍາຍາມ​ຂອງສະຫະລັດ ທີ່​ຈະ​ເພັ່ງ​ເລັງ​ຄວາມ​ສຳຄັນ​ຂອງ​ຕົນ ຫຼາຍຂຶ້ນ​ໄປ​ຍັງ​ເຂດ​ເອ​ເຊຍ ເຖິງ​ແມ່ນ ໃນ​ຂະນະ​ທີ່ກໍາລັງ​ມີບັນຫາ​ຂັດແຍ້​ງກັນ ​ແລະຄວາມ​ບໍ່​ແນ່ນອນ
ຢູ່​ໃນພາກ​ຕາ​ເວັນ​ອອກ​ກາງຄອບ​ງຳ​ຫົວ​ຂໍ້​ຂ່າວ​ຂອງ​ໂລກ ກໍຕາມ.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG