ລິ້ງ ສຳຫລັບເຂົ້າຫາ

ສະຫະລັດ ສະຫຼອງ ວັນພັກ Presidents' Day


ທ້າວ Lewis Bliss, ອາຍຸ 10 ປີ ຈາກເມືອງ Burke ລັດ Virginia ໃສ່ເຄື່ອງແບບນັກດົນຕີ ໃນປາງສົງຄາມປະຕິວັດ ສະຫະລັດ ພົບປະກັບທ່ານ Dean Malissa ທີ່ແຕ່ງໂຕເປັນ ປະທານາທິບໍດີ George Washington ຢູ່ບ້ານພັກ​ ຢູ່ Mount Vernon ຂອງ​ທ່ານວໍຊິງຕັນ ໃນລັດ Virginia.
ພວກ​ພະນັກງານ ​ແລະ​ເດັກນ້ອຍນັກຮຽນ ຈຳນວນ​ຫຼາຍ​
ລ້າ​ນຄົນ​ໃນ​ສະຫະລັດ ​ໄດ້​ຢຸດ​ພັກຢູ່​ບ້ານ​ ​ເປັນ​ເວລາ​ນຶ່ງ​ມື້​
ໃນ​ວັນ​ຈັນ​ມື້​ນີ້ ເນື່ອງ​ໃນ​ວັນ​ພັກ​ປະຈຳ​ປີ​ທີ່​ເອີ້ນ​ວ່າ Presi
dents’ Day ເພື່ອ​ສະຫຼອງວັນ​ເກີດ​ຂອງ​ປະທານາທິບໍດີ
ສະຫະລັດ.

ວັນ Presidents’ Day ​ໄດ້​ກາຍ​ມາ​ເປັນ​ວັນ​ພັກ​ຂອງ​ລັດ
ຖະບານ​ກາງ ​ໃນ​ປີ 1879 ​ເພື່ອ​ສະຫຼອງວັນ​ເກີດວັນ​ທີ 22
ກຸມພາ​ ຂອງ​ທ່ານ George Washington ປະທານາທິບໍ
ດີ​ສະຫະລັດ​ຄົນ​ທຳ​ອິດ.

ພາບຂອງ ມື້ລາງ ປະທານາທິບໍດີ George Washington.
ພາບຂອງ ມື້ລາງ ປະທານາທິບໍດີ George Washington.

ເປັນ​ເວລາ​ເກືອບ​ນຶ່ງ​ສັດຕະວັດ​ຕໍ່ມາ ​ໃນ​ປີ 1968 ລັດຖະສະພາ
ສະຫະລັດ​ໄດ້​ຮັບ​ຜ່ານ​ຮ່າງ​ກົດໝາຍ​ສະບັບ​ນຶ່ງ ເພື່ອປ່ຽນການ
ສະ​ເຫຼີ​ມສະຫຼອງ​ວັນພັກ​ທາງ​ການ​ຫຼາຍ​ວັນ ຈາກມື້ສະເພາະ​ຂອງ​
ໂອ​ກາດ​ນັ້ນໆ ​ໄປ​ໃສ່ວັນ​ຈັນ​ທີ່ກຳນົດໄວ້​ກ່ອນ ​ເພື່ອ​ອຳນວຍ​ໃຫ້​
ພວກ​ພະນັກງານ​ ໄດ້ພັກ 3 ມື້​ລຽນຕິດ​ກັນ.

ພວກ​ຮ້ານ​ຄ້າ​ຮ້ານ​ຂາຍຍ່ອຍ ກໍ​ພາກັນ​ຖື​ໂອກາດ​ເອົາ​ວັນພັກ
Presidents’ Day ຊຶ່ງ​ມີ​ຂຶ້ນ​ໃນ​ວັນ​ຈັນອາທິ​ດ​ທີ 3 ຂອງ​ເດືອນ​
ກຸມພາ ​ເປັນ​ມື້​ຫາ​ທາງ​ເພີ້​ມຍອດຂາຍ​ແລະ​ລາຍ​ໄດ້ ໂດຍ​ການ​
ໂຄສະນາ​ລຸດ​ລາຄາ​ສິນຄ້າລົງ​ຢ່າງ​ໃຫຍ່.

​ເຖິງແມ່ນວັນພັກມື້​ນີ້ ​ເປັນ​ທີ່​ຮູ້ຈັກ​ກັນ​ຢ່າງ​ເປັນ​ທາງ​ການ​ວ່າ ວັນ​ເກີດ​ຂອງ​ມື້​ລາງປະທານາ
ທິບໍດີ​ວໍ​ຊິງ​ຕັນ​ ຫລື Washington’s Day ກໍ​ຈິງຢູ່ ແຕ່​ມັນ​ກໍ​ໄດ້​ປ່ຽນ​ມາ​ເປັນ​ວັນ​ເກີດລວ​ມ ​
ເອີ້ນ​ວ່າ Presidents’ Day ​ເພື່ອ​ສະ​ເຫຼີ​ມສະຫຼອງ​ວັນ​ເກີດ​ທັງ​ຂອງ​ທ່ານວໍ​ຊິງ​ຕັນ ແລະ​
ທ່ານ Abraham Lincoln ປະທານາທິບໍດີ​ຄົນທີ 16 ຂອງ​ສະຫະລັດ ຊຶ່ງ​ວັນ​ເກີດແທ້ໆ ​
ຂອງ​ທ່ານ​ ​ແມ່ນ​ວັນ​ທີ 12 ກຸມພາ​. ວັນ​ເກີດ​ຂອງ​ທ່ານ Lincoln ບໍ່​ເຄີຍ​ເປັນ​ວັນພັກຂອງ
ລັດຖະບານ​ກາງ​ຢ່າງ​ເປັນ​ທາງ​ການ​ຈັກ​ເທື່ອ ​ແຕ່ກໍ​ມີ​ຫຼາຍໆ​ລັດ ທີ່ພາກັນສະຫຼອງ​ວັນ​ເກີດ
ຂອງ​ທ່ານ.

ບັດ​ນີ້ ວັນ Presidents’ Day ​ແມ່ນ​ຖື​ກັນຢ່າງ​ແຜ່​ຫຼາຍ ວ່າ​ເປັນ​ວັນພັກ​ເພື່ອ​ສະຫຼອງ ​ວັນ​
ເກີດ​ຂອງ​ປະທານາທິບໍດີ​ສະຫະລັດ​ໝົດ​ສູ່​ຄົນ​ ທັງໃນ​ອະດີດ ​ແລະ​ໃນ​ປັດຈຸບັນ.
XS
SM
MD
LG