ລິ້ງ ສຳຫລັບເຂົ້າຫາ

ສຫລ ຮຽກຮ້ອງ ໃຫ້ມີ ການຮ່ວມມື ຢ່າງໃກ້ຊິດ ກັບຈີນ (ວີດີໂອ)


ທ່ານ Tom Donilon ທີ່ປຶກສາດ້ານຄວາມປອດໄພແຫ່ງຊາດ ຂອງ ສະຫະລັດ ພົບປະກັບນາຍພົນ Fan Changlong ທີ່ກຸງປັກກິ່ງ

ທ່ານ Tom Donilon ທີ່ປຶກສາດ້ານຄວາມປອດໄພແຫ່ງຊາດ ຂອງ ສະຫະລັດ ພົບປະກັບນາຍພົນ Fan Changlong ທີ່ກຸງປັກກິ່ງ

ສະຫະລັດ ​ຮຽກຮ້ອງ​ໃຫ້​ມີ​ການ​ຮ່ວ​ມມື​ຢ່າງໃກ້​ຊິດ​ກັບຈີນ ​ເຖິງ​
ແມ່ນ​ວ່າລາ​ຍງານໃໝ່ໆ ກ່ຽວ​ກັບການ​ໂຈມ​ຕີ​ທາງ​ອິນ​ເຕີແນັດ
ຂອງ​ຈີນຕໍ່​ລະ​ບົບປ້ອງ​ກັນ​ປະ​ເທດສະຫະລັດພວມ​ສ້າງ​ຄວາມ​
ເຄັ່ງ​ຕຶງລະຫວ່າງປະ​ເທດ​ມະຫາ​ອໍານາດ​ທັງ​ສອງກໍ​ຕາມ.

ທີ່​ປຶ​ກສາ​ດ້ານຄວາມ​ປອດ​ໄພ​ແຫ່ງ​ຊາດຂອງທໍານຽບຂາວ ທ່ານ
Tom Donilon ກ່າວ​ໃນ​ວັນ​ອັງຄານມື້ນີ້​ວ່າ ທັງສອງ​ຝ່າຍ​ຄວນ
​ຈະຊຸກຍູ້ໃຫ້​ມີ​ການ​ຮ່ວມ​ມື​ກ່ຽວ​ກັບ ກິດຈະການ​ຕ່າງໆ​ທາງ​ດ້ານ
​ທະຫານ “ທີ່​ບໍ່​ເຄີຍ​ມີ​ມາ​ກ່ອນ” ​ເຊັ່ນ​ວ່າ ການ​ຮັກສາ​ສັນຕິ​ພາບ
ການ​ປາບ​ໂຈນ​ທະ​ເລແລະ​ການ​ບັນ​ເທົາ​ທຸກ​ໄພພິບັດ. ທ່ານໃຫ້​
ຄວາມ ​ເຫັນ​ດັ່ງກ່າວຢູ່ທີ່​ກຸງ​ປັກ​ກິ່ງ ຮ່ວມ​ກັບນາຍ​ພົນ​ອະ​ວຸ​ໂສ
ຂອງ​ຈີນ ທ່ານ Fan Changlon.

ໃນ​ວັນ​ຈັນ​ວານ​ນີ້ ທ່ານ Donilon ໄດ້​ພົບ​ປະ​ກັບປະທານ​ປະ​
ເທດຈີນ ທ່ານ Xi Jinpingຜູ້​ທີ່​ກ່າວ​ວ່າຄວາມສໍາພັນ​ລະຫວ່າງ
ປັກ​ກິ່ງ ​ກັບວໍ​ຊິງ​ຕັນ ພວມຕົກ​ຢູ່ “​ໃນ​ຂັ້ນ​ຫົວລ້ຽວຫົວ​ຕໍ່​.”

ການ​ຢ້ຽມຢາມ​ຈີນ​ເປັນ​ເວລາ​ສອງ​ມື້ຂອງທ່ານ Donilon ແມ່ນເພື່ອວາງ​ພື້ນຖານ​ ສໍາລັບ
ການ​ພົບ​ປະສຸດ​ຍອດ ລະຫວ່າງ ທ່ານ Xi ​ແລະ ປະທານາທິບໍດີສະຫະລັດ ທ່ານ Barack
Obama ໃນ​ອາທິດ​ໜ້າ ຢູ່​ທີ່ລັດ California.

​ໃນ​ຕອນ​ເຊົ້າ​ຂອງ​ວັນ​ຈັນວານ​ນີ້ ລາຍ​ງານລັບກ່ຽວ​ກັບການປ້ອງ​ກັນ​ປະ​ເທດ ທີ່​ໜ້າ ​ເຊື່ອ​
ຖືໄດ້ ​ແຈ້ງ​ໃຫ້ໜັງສືພິມທີ່​ສໍາ​ຄັນ​ສະບັບ​ນຶ່ງຂອງ​ສະຫະລັດ ໂດຍກ່າວ​ຫາວ່າ​ການຈາລະ​ກຳ
ທາງ​ອິນເຕີ​ແນັດ​ຂອງຈີນ​ແມ່ນ​ເປັນ​ໄພ​ອັນຕະລາຍ​ຕໍ່​ຄວາມ​ລັບ​ສຸດຍອດ​ບາງ​ຢ່າງ​ແລະ​ລະ
ບົບ​ອາວຸດທີ່​ກ້າວໜ້າ​ທັນ​ສະ​ໄໝ​ຂອງ​ວໍ​ຊິງ​ຕັນ. ​

ຢູ່​ໃນ​ພາກສ່ວນ​ທີ່​ເປັນຄວາມ​ລັບ​ ຂອງລາຍ​ງານຄະນະ​ກໍາມະການວິ​ທະຍາ​ສາດ​ ດ້ານປ້ອງ
ກັນປະ​ເທດສະຫະລັດ ທີ່​ພິມເຜີຍ​ແຜ່​ໂດຍໜັງ​ສື​ພິມ the Washington Post ໄດ້​ແຈ້ງ​ໃຫ້
ຊາບ​ກ່ຽວ​ກັບ​ລະບົບອາວຸດ​ລັບ​ສຸດ​ຍອດ 20 ກວ່າ​ຊະນິດທີ່ໄດ້​ມີ​ການ​ລັກຂະ​ໂມ​ຍ​ເອົາ​ ໂດຍ​
ພວກ​ໂຈມຕີ​ເຈາະ​ຂໍ້​ມູນ​ທາງ​ອິນ​ເຕີແນັດຂອງ​ຈີນ ຮວມທັງຫລາຍໆຊະນິດທີ່​ຍັງ​ບໍ່​ເຄີຍເປີດ​
ເຜີຍ​ໃຫ້​ຊາບມາ​ກ່ອນ.​

XS
SM
MD
LG