ລິ້ງ ສຳຫລັບເຂົ້າຫາ

ນັກການທູດ ແລະຜູ້ແທນ ສະຫະລັດ ຈະໄປຢ້ຽມຢາມ ມຽນມາ (ເບິ່ງວີດີໂອ)

  • ສິງ ບູຣົມມະວົງ

ທ່ານ Michael Posner ລັດຖະມົນຕີຊ່ອຍວ່າກາຕ່າງປະເທດສະຫະລັດ
ວ່າດ້ວຍສິດທິມະນຸດແລະແຮງງານ, ທ່ານ Derek Mitchell (ກາງ) ທູດພິເສດຂອງສະຫະລັດກ່ຽວກັບມຽນມາ ພົບປະກັບ ທ່ານນາງ Aung San Suu Kyi ທີ່ຢ້າງກຸ້ງ ໃນລະຫວ່າງການຢ້ຽມຢາມມຽນມາໃນເດືອນພະຈິກ 2011.

ທ່ານ Michael Posner ລັດຖະມົນຕີຊ່ອຍວ່າກາຕ່າງປະເທດສະຫະລັດ ວ່າດ້ວຍສິດທິມະນຸດແລະແຮງງານ, ທ່ານ Derek Mitchell (ກາງ) ທູດພິເສດຂອງສະຫະລັດກ່ຽວກັບມຽນມາ ພົບປະກັບ ທ່ານນາງ Aung San Suu Kyi ທີ່ຢ້າງກຸ້ງ ໃນລະຫວ່າງການຢ້ຽມຢາມມຽນມາໃນເດືອນພະຈິກ 2011.

ນັກ​ການ​ທູດ​ຂັ້ນ​ອາວຸ​ໂສ​ຂອງ​ສະຫະລັດ 2 ທ່ານ​ແລະ​ສະມາຊິກ​ສະພາ​ຕໍ່າສະຫະລັດ​ທ່ານ​
ນຶ່ງ ຈະ​ເດີນທາງ​ໄປ​ຢ້ຽມຢາມ​ມຽນມາ​ຄົນ​ລະ​ເທື່ອ​ໃນ​ສັບປະດາ​ໜ້າ ​ເພື່ອຊຸກຍູ້​ໃຫ້​ລັດຖະ
ບານ​ໃໝ່ມຽນມາ​ດໍາ​ເນີນໄປ​ຕາມ​ເສ້ນ​ທາງ​ການປະຕິ​ຮູບ​ຕໍ່​ໄປ.

ສະມາຊິກ​ສະພາ​ຕໍ່າ​ສະຫະລັດ Joe Crowley ​ຈະ​ເດີນທາງ​ຢ້ຽມຢາມ​ມຽນມາ​ເປັນ​ເວລາ
2 ມື້ ​ໃນ​ວັນ​ທີ 12 ​ເດືອນ​ນີ້ ​ເພື່ອ​ທໍາ​ການ​ໂອ້​ລົມ​ສົນທະນາ​ກັບ​ບັນດາ​ເຈົ້າ​ໜ້າ​ທີ່​ລັດຖະ
ບານພ້ອມ​ທັງ​ພວກ​ຜູ້ນໍາຊົນ​ກຸ່ມ​ນ້ອຍ​ ແລະ​ທ່ານ​ນາງ​ອອງຊານ​ຊູ​ຈີ ຜູ້​ນໍາ​ຝ່າຍ​ຄ້ານ​ທີ່​ສໍາ
ຄັນຂອງ​ມຽນມາ. ຜ່ານ​ມາ ທ່ານ Crowley ​ໄດ້​ຮຽກຮ້ອງໃຫ້​ລົງ​ໂທດ​ຢ່າງ​ແຮງ​ຂຶ້ນຕໍ່​ພວກ​
ອະດີດ​ຜູ້ນໍາ​ກອງທັບ​ມຽນມາທີ່​ທໍາ​ການ​ປາບ​ປາມ​ເສລີພາບ​ແລະ​ສິດທິ​ມະນຸດ​ນັ້ນ.

ທ່ານ Derek Mitchell ທີ່​ເຄີຍ​ຢ້ຽມຢາມ​ມຽນມາ​ມາ​ຫລາຍ​ເທື່ອ​ນັບແຕ່​ທ່ານ​ໄດ້​ຖືກ​ແຕ່ງ​
ຕັ້ງ​ໃນ​ເດືອນ​ສິງຫາ​ຜ່ານ​ມາ​ ໃຫ້​ເປັນ​ທູດ​ພິ​ເສດ​ກ່ຽວກັບ​ມຽນມາ ຈະ​ເດີນທາງ​ໄປ​ຍັງ​ມຽນ
ມາ​ໃນ​ວັນ​ຈັນ​ມື້​ອື່ນ​ນີ້. ນອກຈາກ​ທໍາການ​ຢ້ຽມຢາມນະຄອນຫລວງ Naypiidaw ​ແລະ​ນະ
ຄອນ​ຢ້າງ​ກຸ້​ງ ເມືອງ​ໃຫຍ່​ທີ່​ສຸດ​ຂອງ​ມຽນມາ​ແລ້ວ ທ່ານ Mitchell ຍັງຈະ​ເດີນທາງ​ໄປຍັງ​
ເມືອງ Bagan ເພື່ອ​ໄປ​ເບິ່ງ​ໂຄງການ​ການ​ເງິນ​ຂະໜາດ​ນ້ອຍ​ໆ ແລະ​ວຽກ​ການ​ພັດທະນາ​
ອື່ນໆ.

ນອກ​ນີ້ ອອກ​ເດີນທາງ​ຢ້ຽມຢາມ​ມຽນມາ​ໃນ​ວັນ​ຈັນ​ມື້​ອື່ນ​ນີ້​ເຊ່ນ​ກັນ ກໍ​ຈະ​ມີ​ທ່ານ Luis
CdeBaca ທູ​ດພິ​ເສດ​ວ່າ​ດ້ວຍ​ການຕໍ່ສູ້​ຕ້ານ​ການ​ຄ້າມະນຸດ​ຂອງກະຊວງ​ການ​ຕ່າງປະ​ເທດ
ສະຫະລັດ ຊຶ່ງ​ເປົ້າ​ໝາຍ​ຂອງ​ການ​ຢ້ຽມຢາມ​ຂອງ​ທ່ານ ​ແມ່ນ​ເພື່ອ​ທໍາ​ການ​ປະ​ເມິ​ນ​ເບິ່ງ​
ສະຖານະ​ການດ້ານ​ການຄ້າມະນຸດ ​ແລະ​ຫາ​ຊ່ອງ​ທາງ​ຕ່າງໆ​ເພື່ອ​ຊ່ອຍ​ໃນຄວາມພະຍາຍາມ​
ຂອງ​ລັດຖະບານມຽນມາ​ໃນ​ການຕໍ່ສູ້​ກັບ​ການ​ຄ້າ​ມະນຸດ​ນັ້ນ. ທີ່​ນະຄອນຫລວງ Naypyidaw
ທ່ານ Luis CdeBaca ຈະ​ຮ່ວມ​ກັບ​ທ່ານ Mitchell ​ໃນ​ການ​ໂອ້​ລົມ​ສົນທະນາ​ກັນ​ເລື້ອງ​
ບາດກ້າວຕ່າງໆ​ເພື່ອ​ແກ້​ໄຂ​ບັນຫາການ​ຄ້າປະ​ເວ​ນີ​ຂ້າມ​ຊາດ ​ແລະ​ປັບປຸງ​ສະພາບ​ການ​ດ້ານ​
ແຮງ​ງານໃຫ້​ດີ​ຂຶ້ນ.

ການ​ຢ້ຽມຢາມ​ຂອງບັນດາ​ເຈົ້າ​ໜ້າ​ທີ່​ສະຫະລັດ​ ໃນ​ປະ​ເທດ​ໃນ​ພາກ​ພື້ນເອ​ເຊຍ​ຕາ​ເວັນ​
ອອກສຽງໃຕ້​ແຫ່ງ​ນີ້ ມີ​ຂຶ້ນ​ຫລັງ​ຈາກ​ການ​ຢ້ຽມຢາມ​ຂອງລັດຖະມົນຕີ​ການ​ຕ່າງປະ​ເທດ​ອັງ
ກິດ William Hague ທີ່ເສັດ​ສິ້ນ​ການ​ຢ້ຽມຢາມຂອງ​ທ່ານ​ເປັນ​ເວລາ 2 ມື້​ໃນ​ສັບປະດາ​
ແລ້ວນີ້. ທ່ານ Hague ​ໄດ້ຮຽກຮ້ອງ​ຊໍ້າ​ແລ້ວ​ຊໍ້າ​ອີກ ​ໃຫ້​ລັດຖະບານ​ໃໝ່​ມຽນມາ ຊຶ່ງ​ຂຶ້ນ​ກໍາ​
ອໍານາ​ດ​ໃນເດືອ​ນມີນາ​ຜ່ານ​ມາໃຫ້​ປ່ອຍ​ພວກ​ນັກ​ໂທດ​ການ​ເມືອງ​ທັງ​ໝົດ​ທີ່​ຍັງ​ຖືກ​ກັກ​ຂັງ​ຢູ່
ນັ້ນ. ​ໃນ​ການຖະ​ແຫລ​ງຕໍ່​ພວກ​ນັກຂ່າວ​ໃນ​ວັນ​ສຸກ​ຜ່ານ​ມາ​ນີ້ ທ່ານ Hague ກ່າວ​ວ່າ ບໍ່​ມີ
ເຫດຜົນ​ໃດໆ​ທີ່ຈະ​ຊັກ​ຊ້າ​ກ່ຽວ​ກັບ​ເລື້ອງ​ນີ້.

ເບິ່ງວີດີໂອກ່ຽວກັບການຢ້ຽມຢາມຂອງລັດຖະມົນຕີຕ່າງປະເທດອັງກິດ William Hague:

XS
SM
MD
LG