ລິ້ງ ສຳຫລັບເຂົ້າຫາ

ວັນພະຫັດ, ໒໘ ມີນາ ໒໐໒໔

ປະທານາທິບໍດີ ໂອບາມາ ເປີດເຜີຍ ຮ່າງງົບປະມານ ປີ 2013 (ເບິ່ງວີດີໂອ)


ປະທານາທິບໍດີສະຫະລັດ ທ່ານບາຣັກ ໂອບາມາ ຖະແຫຼງທີ່ມະຫາວິທະຍາໄລຊຸມຊົນແຫ່ງນຶ່ງ ໃກ້ໆກຸງວໍຊິງຕັນ ກ່ຽວກັບຮ່າງງົບປະມານຂອງທ່ານ (13 ກຸມພາ 2012)
ປະທານາທິບໍດີສະຫະລັດ ທ່ານບາຣັກ ໂອບາມາ ຖະແຫຼງທີ່ມະຫາວິທະຍາໄລຊຸມຊົນແຫ່ງນຶ່ງ ໃກ້ໆກຸງວໍຊິງຕັນ ກ່ຽວກັບຮ່າງງົບປະມານຂອງທ່ານ (13 ກຸມພາ 2012)

ປະທານາທິບໍດີ ບາຣັກ ໂອບາມາ ໄດ້ເປີດເຜີຍຮ່າງງົບປະມານຂອງທ່ານ ທີ່ທ່ານເວົ້າວ່າ ຈະເສີມຂະຫຍາຍເສດຖະກິດຂອງສະຫະລັດໃນໄລຍະສັ້ນແລະຕັດການຂາດດຸນງົບປະມານ ຢ່າງມະຫາສານຂອງລັດຖະບານກາງສະຫະລັດລົງໃນໄລຍະຍາວ. ແຕ່ພັກຣີພັບບລີກັນຊຶ່ງ ເປັນພັກຝ່າຍຄ້ານ ທີ່ຄວບຄຸມສະພາຕໍ່າຂອງສະຫະລັດນັ້ນ ໄດ້ກ່າວໂຈມຕີຮ່າງງົບປະມານ ຂອງທ່ານໂອບາມາວ່າບໍ່ມີຄວາມຮັບຜິດຊອບໃນດ້ານງົບປະມານເລີຍ ແລະເວົ້າວ່າບໍ່ມີທາງ ທີ່ຈະກາຍເປັນ ກົດໝາຍໄດ້. ຜູ້ສື່ຂ່າວວີໂອເອ Michael Bowman ມີລາຍງານກ່ຽວກັບ ເລື່ອງນີ້

ປະທານາທິບໍດີ​ໂອ​ບາ​ມາ​ ໄດ້​ໄປຖະ​ແຫລ​ງທີ່​ມະຫາວິທະຍາ​ໄລ​ຊຸມ​ຊົນ​ແຫ່ງ​ນຶ່ງໃກ້ໆ​ກຸງ​ວໍ​ຊິງ
ຕັນ ເພື່ອ​ໃຫ້​ເຫດຜົນ​ສໍາລັບແຜນ​ເສີມ​ຂະຫຍາຍ​ເສດຖະກິດ​ຂອງ​ສະຫະລັດເຖິງແມ່ນວ່າ​ປະ
ເທດ​ຊາດ​ພວມກ້າວ​ເຂົ້າສູ່​ຍຸກ​ສ​ະ​ໄໝ​ໃນ​ການ​ຕັດ​ງົບປະມານ​ກໍ​ຕາມ.

ປະທານາທິບໍດີ​ໂອ​ບາ​ມາ​ເວົ້າວ່າ “ພວກ​ເຮົາ​ຕ້ອງ​ໄດ້​ເຮັດທຸກ​ສິ່ງ​ຢ່າງ​ ທີ່ຢູ່​ໃນອຳນາດ​
ຂອງ​ພວກ​ເຮົາ ເພື່ອ​ໃຫ້ການ​ຟື້ນ​ໂຕ​ຄືນ​ຂອງ​ເສດຖະກິດ​ດຳ​ເນີນ​ຕໍ່​ໄປສ່ວນ​ນຶ່ງ​ຂອງ
ວຽກ​ງານ​ພວກ​ເຮົາ​ ກໍ​ແມ່ນ​ຕັດ​ການ​ຂາດ​ດຸນ​ງົບປະມານ​ໃຫ້ຫຼຸດຕໍ່າລົງ ​ແລະ​ຖ້າ​ລັດ
ຖະສະພາ​ ຫາກ​ຮັບ​ຜ່ານຮ່າງ​ງົບປະມານ​ສະບັບ​ນີ້ ແລະພ້ອມໆ​ກັບ​ ການ​ຕັດລາຍ​
ຈ່າຍ​ຕ່າງໆ​ ທີ່​ພວກ​ເຮົາ​ໄດ້ເຮັດມາ​ແລ້ວນັ້ນ ພວກ​ເຮົາ​ກໍຈະ​ສາມາດ​ຫຼຸດການຂາດ​
ດຸນ​ງົບປະມານ​ລົງ​ໄດ້ 4 ພັນຕື້​ໂດ​ລາ ພາຍ​ໃນ​ປີ 2022.”

ງົບປະມານ​ຂອງ​ປະທານາ​ທິບໍດີ​ໂອ​ບາ​ມາທີ່​ມີ​ມູນ​ຄ່າ 3 ພັນ 800 ຕື້​ໂດ​ລາສຳ​ຫຼັບສົກ​ງົບປະ
ມານ​ປີ 2013 ​ນັ້ນ ​ແມ່ນເພີ່ມ​ການ​ໃຊ້​ຈ່າຍ​ໃນ​ດ້ານ​ໂຄງ​ລ່າງ​ພື້ນຖານ​ແລະ​ການ​ສຶກສາຂະນະ​
ດຽວ​ກັນ​ກໍ​ຕັດ​ການ​ໃຊ້​ຈ່າຍ​ໃນ​ດ້ານ​ປ້ອງ​ກັນ​ປະ​ເທດ​ ແລະ​ດ້ານ​ອື່ນໆ​ລົງ. ຈຸດ​ໃຫຍ່​ໃນ​ການປະ
ຢັດ​ການ​ໃຊ້​ຈ່າຍ​ເງິນ​ຂອງ​ທ່ານ​ ກໍແມ່ນ​ການຍຸດຕິ​ ການ​ປະຕິບັດ​ງານ​ທາງ​ທະຫານ​ຢູ່​ໃນອີຣັກ
ແລະຫຼຸດ​ການປະຕິບັດ​ງານ​ທາງ​ທະຫານໃນ​ອັຟກາ​ນິສຖານ.

ທ່ານ​ໂອ​ບາ​ມາ​ໄດ້​ເນ້ນ​ເຖິງ​ຄວາມ​ຈຳ​ເປັນ​ໃນ​ການ​ຄວບ​ຄຸມ​ການ​ໃຊ້​ຈ່າຍ​ແຕ່ກໍ​ກ່າວ​ວ່າການ​ຕັດ​
ການ​ໃຊ້​ຈ່າຍ​ເຫຼົ່ານີ້ຕ້ອງ​ໄດ້​ດຳ​ເນີນ​ໄປ​ດ້ວຍ​ຄວາມ​ລະມັດລະວັງ.

ທ່ານໂອ​ບາ​ມາ​ກ່າວ​ວ່າ “ພວກ​ເຮົາ​ຈະຕັດ​ການ​ໃຊ້​ຈ່າຍ​ທີ່​ສະໜັບສະໜຸນ​ການ​ເຕີບໂຕ
ຂອງ​ເສດຖະກິດບໍ່​ໄດ້. ພວກ​ເຮົາ​ສາມາດ​ຕັດ​ໃນ​ສິ່ງ​ຕ່າງໆ ​ທີ່​ພວກ​ເຮົາ​ເຫັນ​ວ່າ​ ບໍ່​
ມີ​ຄວາມ​ຈຳ​ເປັນ. ​ແຕ່​ພວກ​ເຮົາ​ຕ້ອງ​ໄດ້​ໃຫ້​ເປັນ​ທີ່​ແນ່​ໃຈ​ຄື​ກັນ​ວ່າທຸກໆ​ຄົນ​ກໍ​ມີ​ສ່ວນ
ຮັບຜິດຊອບຮັບ​ພາລະ​ທໍ່ໆ​ກັນໃນສິ່ງ​ຕ່າງໆ​ທີ່​ພວກ​ເຮົາ​ເຫັນ​ວ່າ​ມີ​ຄວາມ​ຈຳ​ເປັນ​ນັ້ນ.”

ເພື່ອເປົ້າ​ໝາຍ​ດັ່ງກ່າວ​ນີ້ ປະທານາທິບໍດີ​ໂອ​ບາ​ມາ​ໄດ້​ສະ​ເໜີ​ໃຫ້​ຂຶ້ນພາສີ​ພວກຄົນ​ຮັ່ງ​ມີ​ແລະ​
ຢຸດເຊົາ​ການຫຼຸດພາສີລາຍ​ໄດ້ໃຫ້​ແກ່​ບໍ​ລິ​ສັດການ​ຄ້າ​ໃຫຍ່ໆ​.

ຮ່າງ​ງົບປະມານ​ຂອງ​ປະທາ​ນາ​ທິບໍດີໂອ​ບາ​ມາ​ ແມ່ນ​ເປັນ​ການ​ສະ​ແດງ​ອອກ ​ໃນຂອບ​ເຂດ​ທີ່​
ກວ້າງຂວາງເຖິງ​ນະ​ໂຍບາຍຂອງ​ລັດຖະບານ ກ່ຽວ​ກັບ​ການ​ໃຊ້​ຈ່າຍທີ່​ເປັນຄວາມ​ໄຝ່ຝັນຂອງ
ທຳນຽບຂາວຊຶ່ງ​ໄດ້​ຖືກ​ໂຈມ​ຕີໂດຍ​ສະມາຊິກ​ສະພາພັກ​ຝ່າຍ​ຄ້ານນັ້ນ. ທ່ານ John Boeh-
ner ປະທານ​ສະພາ​ຕໍ່າ​ສະຫະລັດສັງ​ກັດ​ພັກຣີພັບບລີ​ກັນກ່າວ​ຫາ​ທ່ານ​ໂອ​ບາ​ມາ​ວ່ານຳ​ໃຊ້​ເລ່
ກົນ​ແລະການ​ຂຶ້ນພາສີ​ທີ່​ຈະ​ເຮັ​ດ​ໃຫ້​ເສດຖະກິດ​ຂອງ​ສະຫະລັດຊຸດ​ໂຊມ​ລົງ​ຕື່ມ.

ສະມາຊິກ​ສະພາ​ສູງ​ສັງກັດ​ພັກຣີພັບ​ບລີ​ກັນກໍ​ໄດ້​ທຳ​ການ​ເຕືອນ​ໃນ​ທຳນອງ​ດຽວກັນນີ້. ສະມາ
ຊິກ​ສະພາ​ສູງ John Barrasso ​ມີ​ຂໍ້​ໂຕ້​ແຍ້​ງກ່ຽວ​ກັບ​ໂຕ​ເລກ​ຂອງປະທານ​າທິບໍດີ​ໂອ​ບາ​ມາ.

ຮ່າງງົບປະມານ 2013 ຂອງປະທານາທິບໍດີໂອບາມາ

  • 525.4 ຕື້ໂດລາ ສຳລັບກະຊວງປ້ອງກັນປະເທດ - 5.1 ຕື້ໂດລາ ຕໍ່າກວ່າທີ່ສະພາອະນຸມັດໃຫ້ ສຳລັບ
    ປີ 2012.
  • 76.4 ຕື້ໂດລາ ສຳລັບກະຊວງສາທາລະນະສຸກແລະ ບໍລິການມະນຸດ - 300 ລ້ານໂດລາ ຫຼາຍກວ່າທີ່ສະ
    ພາອະນຸມັດ ໃຫ້ສຳລັບປີ 2012.
  • 51.6 ຕື້ໂດລາ ສຳລັບກະຊວງການຕ່າງປະເທດແລະ ອົງການຢູເສດ ເພີ່ມຂຶ້ນຈາກປີກາຍ 1.6%.
  • 720 ລ້ານໂດລາ ສຳລັບຄະນະກຳມະການອອກອາ ກາດ ຊຶ່ງເປັນຜູ້ກຳກັບນຳວິທະຍຸວີໂອເອ - ຫຼຸດລົງ
    27 ລ້ານໂດລາ ຈາກລະດັບປີ 2012.
  • 39.5 ຕື້ໂດລາ ສຳລັບກະຊວງຮັກສາຄວາມປອດໄພ ພາຍໃນຂອງສະຫະລັດ ຫຼື Homeland Security - ເຄິ່ງເປີເຊັນຫຼື 191 ລ້ານໂດລາ ໜ້ອຍກວ່າລະດັບປີ 2012.

ສະມາຊິກ​ສະພາ​ສູງ Barrasso ​
ເວົ້າວ່າ “ປະທານາທິບໍດີ​ພວມ
ດັກ​ໂຈມ​ຕີ​ ປະຊາຊົນອາ​ເມຣິ
ກັນ ໂດຍ​ໃຫ້​ຄຳ​ໝັ້ນສັນຍາ​ທີ່​
ຈະ​ຕັດ​ ການ​ຂາດ​ດຸນ​ ງົບປະ
ມານ​ລົງ 4 ພັນຕື້​ໂດ​ລາພາຍ
ໃນ​ໄລຍະ​ເວລາ 10 ປີ ແຕ່​
ຄວາມ​ຈິງ​ແລ້ວ ທ່ານ​ຈະ​ເພີ່ມ
ໜີ້​ສິນຂອງ​ປະ​ເທດຂຶ້ນຕື່ມ​ອີກ
11 ພັນ​ຕື້​ໂດ​ລາ.”

ການ​ຢັ່ງ​ຫາ​ງສຽງ​ສະ​ແດງ​ໃຫ້​ເຫັນ
ວ່າ ຊາວ​ອາ​ເມຣິກັນ​ສ່ວນ​ໃຫຍ່
ເຫັນ​ພ້ອມ​ກັບການ​ຂຶ້ນພາສີ​ພວກ
ຄົນ​ຮັ່ງມີ. ນອກ​ນັ້ນ​ແລ້ວຊາວ​ອາ
ເມຣິ​ກັນ​ສ່ວນ​ຫຼາຍ ຍັງ​ເຫັນພ້ອມ​
ນຳ​ການສະ​ເໜີ ​ໃຫ້​ຕັດ​ການ​ໃຊ້​
ຈ່າຍ​ລົງແຕ່​ບໍ່​ແມ່ນ​ໂຄງການ​ຕ່າງໆ
ທີ່ເປັນປະ​ໂຫຍ​ດສຳ​ຫຼັບພວກເຂົາ​ເຈົ້າ.

ທ່ານ Bill Myhre ຊຶ່ງ​ເປັນ​ທະນາຍຄວາມ​ກ່າວ​ວ່າ “​ແນ່ນອນຂ້ອຍບໍ່ຢາກໃຫ້​ມີ​ການ​ຕັດ​
ໂຄງການ​ຕ່າງໆ​ກ່ຽວ​ກັບ​ການ​ໃຫ້​ຄວາມ​ຊ່ອຍ​ເຫຼືອພາຍ​ໃນ​ປະ​ເທດ ຂ້ອຍ​ຄິດ​ວ່າຍັງ​
ມີຫຼາຍໆ​ບ່ອນຢູ່​ທີ່​ຍັງ​ສາມາດ​ຕັດ​ລົງ​ໄດ້​ ໃນ​ງົບປະມານດ້ານ​ປ້ອງກັນ​ປະ​ເທດນັ້ນ.”

ສ່ວນ​ທ່ານ Karl Phillips ນັກທຸລະກິດ​ຈາກ​ລັດ​ເວີ​ຈີ​ເນຍ​ເວົ້າວ່າ “ຂ້ອຍ​ຄິດ​ວ່າພວກ​ເຮົາ​
ຈຳ​ເປັນຕ້ອງ​ໄດ້​ລົງທຶນ​ເພີ່ມ​ຕື່ມໃສ່ໂຄງ​ລ່າງ​ພື້ນຖານ​ຂອງ​ເຮົາ. ຂ້ອຍ​ຫວັງ​ວ່າສົງ
ຄາມ​ຕ່າງໆ​ຈະ​ຍຸຕິ​ລົງ ​ເພື່ອ​ວ່າພວກ​ເຮົາ ​ຈະ​ບໍ່ຕ້ອງ​ໄດ້​ໃຊ້​ຈ່າຍ​ຢ່າງ​ຫຼວງຫຼາຍສຳ
ລັບ​ກອງທັບ.”

ເປັນ​ທີ່​ຄາດ​ກັນ​ວ່າ ສະມາຊິກ​ລັດຖະສະພາ​ຂອງ​ພັກຣີພັບ​ບລີ​ກັນ ກໍຈະ​ຮ່າງ​ງົບປະມານ​ຂອງ​
ພວກຕົນ​ຂຶ້ນ​ເອງ. ​ໃນ​ໄລຍະ​ສອງ​ສາມ​ປີຜ່ານມາ​ນີ້ ຄວາມ​ບໍ່​ສາມາດ​ທີ່​ຈະຕົກລົງ​ກັນ​ໄດ້​ຂອງ​
ທັງ​ສອງ​ພັກການ​ເມືອງ ກ່ຽວ​ກັບ​ແຜນການ​ໃຊ້​ຈ່າຍ​ຕ່າງໆ​ນັ້ນ​ ໄດ້​ພາ​ໃຫ້​ມີ​ການ​ຂົ່ມຂູ່​ວ່າຈະ
ມີ​ການອັດ​ການ​ປະຕິບັດ​ງານ​ຂອງ​ລັດຖະບານ​ລົງ​ແລະພາ​ໃຫ້​ມີ​ການ​ຕັດ​ການ​ໃຊ້ຈ່າຍ​ຂອງ​ລັດ
ຖະບານ​ແບ​ບອັດຕະ​ໂນ​ມັດທີ່​ອາດ​ຈະ​ມີ​ຜົນ​ບັງຄັບ​ເລີ່​ມ​ແຕ່​ປີໜ້ານີ້​ເປັນຕົ້ນ​ໄປ.

XS
SM
MD
LG