ລິ້ງ ສຳຫລັບເຂົ້າຫາ

ສະຫະລັດແລະໂບລີເວຍ ຜູກສາຍພົວພັນ ທາງການທູດກັນ ຄືນໃໝ່.

  • ສິງ ບູຣົມມະວົງ

ພວກທະຫານ ພາກັນທໍາລາຍ ສວນປູກຕົ້ນໂກກາ ທີ່ໂບລີເວຍ.

ພວກທະຫານ ພາກັນທໍາລາຍ ສວນປູກຕົ້ນໂກກາ ທີ່ໂບລີເວຍ.

ໂບລີ​ເວ​ຍ​ແລະ​ສະຫະລັດ​ໄດ້​ຜູກ​ສາຍ​ພົວພັນ​ທາງ​ການ​ທູດ​ກັນໂດຍ​ເຕັມຄືນ​ໃໝ່​ໃນ​ວັນ​ຈັນ​ວານ​ນີ້ ​ເປັນ​ເທື່ອ​ທໍາ​ອິດ​ນັບ​ແຕ່​ປີ 2008 ​ເປັນ​ຕົ້ນ​ມາ. ​ເມື່ອ 3 ປີກ່ອນ​ນີ້ ​ລັດຖະບານປະ​ເທດໂບລີ​ເວ​ຍທີ່​ຕັ້ງ​ຢູ່​ໃນເຂດ​ພູ​ເຂົາ Andes ​ນັ້ນ ໄດ້ເນລະ​ເທດ​ເອກ​ອັກຄະ​ລັດຖະທູດ​ແລະ​ເຈົ້າ​ໜ້າ​ທີ່​ປາບ​ຢາ​ເສບ​ຕິດ(D.E.A) ​ຂອງສະຫະລັດ ​ແລະ​ສະຫະລັດ​ກໍ​ໄດ້ຕອບ​ໂຕ້ຄືນ​ໂດຍ​ການເນລະ​ເທດ​ເອກ​ອັກຄະ​ລັດຖະທູດໂບລີ​ເວ​ຍ​.

ປະທານາທິບໍດີ Evo Morales ​ແຫ່ງ​ໂບລີ​ເວ​ຍ ຊຶ່ງ​ເປັນ​ກະ​ເສດ​ຕະກອນ​ປູກ​ຕົ້ນ coca ກ່າວ​ຫາ​ພວກ​ອາ​ເມຣິກັນ​ວ່າ​ທໍາ​ການ​ຍຸຍົງ​ພວກ​ສັດຕູ​ທາງ​ດ້ານ​ການ​ເມືອງຂອງ​ທ່ານ​. ທ່ານ Morales ​ໄດ້​ຕໍາ​ໜິຕິຕຽນ​ ນະ​ໂຍບາຍ​ຂອງ​ສະຫະລັດ​ໃນ​ເຂດ​ອາ​ເມຣິກາ​ລາ​ຕິນ ຕະຫລອດມາ.

ຂໍ້​ຕົກລົງ​ດ້ານ​ການ​ທູດ​ສະບັບ​ໃໝ່​ແມ່ນ​ຮວມທັງ​ການ​ຮ່ວມ​ມື​ສອງ​ຊາດ​ໃນ​ສົງຄາມ​ຕໍ່ຕ້ານ​ຢາ​ເສບ​ຕິດ ​ແຕ່​ບໍ່​ໄດ້​ເວົ້າ​ເຖິງ​ວ່າ​ພວກ​ເຈົ້າ​ໜ້າ​ທີ່​ຢາ​ເສບ​ຕິດ​ອາ​ເມຣິກັນ​ ຈະກັບ​ຄືນ​ໄປ​ປະ​ຈໍາ​ການ​ຢູ່​ໃນ​ໂບລີ​ເວ​ຍອີກ​ຫລື​ບໍ່ ​ແລະ​ກໍບໍ່​ມີ​ການກໍານົດວັນ​ເວລາ​ທີ່​ເຈາະ​ຈົງ​ໄວ້​ ສໍາລັບ​ໃຫ້​ພວກ​ເອກ​ອັກຄະລັດຖະທູດ​ກັບ​ຄືນ​ໄປ​ປະ​ຈໍາ​ການ​ຢູ່​ສະຖານທູດ​ຂອງ​ກັນ​ແລະ​ກັນ​ນັ້ນ.

ໂບລີ​ເວ​ຍ​ເປັນ​ປະ​ເທດ​ຜະລິດ​ຢາ Cocain ໃຫຍ່​ອັນ​ດັບ​ສາມ​ຂອງໂລກ​ຮອງລົງ​ມາ​ຈາກ​ປະ​ເທດ​ເປຣູ​ແລະ​ໂຄ​ລໍາ​ເບຍ​.

ທ່ານ Morales ​ເປັນ​ພັນທະ​ມິດ​ທີ່​ໃກ້ຊິດ​ຂອງ​ປະທານາທິບໍດີ Hugo Chavez ​ແຫ່ງ Venezuela.

XS
SM
MD
LG