ລິ້ງ ສຳຫລັບເຂົ້າຫາ

ເຮືອບິນ ໄອພົ່ນ ສຫລ F-16 ບິນປະຕິບັດການ ໂຈມຕີ ຕໍ່ຕ້ານ ກຸ່ມ IS ຈາກເທີກີ


ເຮືອບິນ ໄອພົ່ນ ສຫລ F-16 Fighting Falcons ຫົກລຳ ຈາກ ຖານທັບອາກາດ Aviano ໃນອີຕາລີ ບິນໄປເຖິງ ຖານທັບອາກາດ Incirlik ໃນເທີກີ ເພື່ອປະກອບສ່ວນ ພາລະກິດການໂຈມຕີ ຕໍ່ຕ້ານກຸ່ມລັດອິສລາມ, ວັນທີ 9 ສິງຫາ 2015.

ເຮືອບິນ ໄອພົ່ນ ສຫລ F-16 Fighting Falcons ຫົກລຳ ຈາກ ຖານທັບອາກາດ Aviano ໃນອີຕາລີ ບິນໄປເຖິງ ຖານທັບອາກາດ Incirlik ໃນເທີກີ ເພື່ອປະກອບສ່ວນ ພາລະກິດການໂຈມຕີ ຕໍ່ຕ້ານກຸ່ມລັດອິສລາມ, ວັນທີ 9 ສິງຫາ 2015.

ສະຫະລັດ ກ່າວ​ວ່າ ຕົນ​ໄດ້​ເລີ້ມ​ຕົ້ນ ພາລະກິດ​ການບິນໂຈມຕີ​
ທາງ​ອາກາດ​ດ້ວຍ​ນັກ​ບິນ ຈາກ​ຖານ​ທັບ​ອາກາດ​ໃນ​ເທີ​ກີ ​ເພື່ອ​
ໂຈມ​ຕີ​ຕໍ່ ເປົ້າໝາຍ​ຕ່າງ​ໆ ຂອງ​ພວກ​ລັດ​ອິສລາມ​ໃນ​ຊີ​ເຣຍ.

ທຳນຽບຫ້າ​ແຈ ​ໄດ້​ອອກ ຖະ​ແຫລ​ງການ​ສະບັບ​ໜຶ່ງ​ເມື່ອ​ບ່າຍ​
ວັນ​ພຸດ​ວານ​ນີ້ ວ່າ ການ​ໂຈມ​ຕີ​ທາງ​ອາກາດ​ດ້ວຍ​ເຮືອ​ບິນ​ໄອ​ພົ່ນ
F-16 ​ໄດ້​ເ​ລີ້​ມຕົ້ນຂຶ້ນ ​ເມື່ອ​ຕອນ​ເຊົ້າມື້​ດຽວ​ກັນນັ້ນ ທີ່​ບິນ​ຂຶ້ນຈາກ
ຖານ​ທັບ​ອາກາດ​ Incirlik ຢູ່​ທາງ​ພາກ​ໃຕ້ຂອງ​ເທີ​ກີ.

ກອງກຳລັງປະສົມ ​ໄດ້​ເລີ້ມ​ຕົ້ນພາລະກິດ ​ການບິນທີ່ບໍ່​ມີ​ຄົນ​ຂັບ
ຈາກ​ຖານ​ທັບ​ດັ່ງກ່າວ​ເມື່ອ​ຕົ້ນ​ເດືອນ​ນີ້.

​ເທີ​ກີ ​ໄດ້​ຕົກລົງ ​ເມື່ອ​ເດືອນ​ແລ້ວ​ນີ້ ​ໃຫ້ກອງ​ກຳລັງ​ສະຫະລັດ ​ນຳ​ໃຊ້​ຖານ​ທັບ​ອາກາດ Incirlik ທີ່ຢູ່​ໃກ້ກັບຊາຍ​ແດນຕິດ​ກັບ​ຊີ​ເຣຍ ​ທາງ​ພາກ​ໃຕ້​ຂອງ​ເທີ​ກີ.

ບັນດາ​ເຈົ້າໜ້າ​ທີ່ ​ໄດ້​ອະທິບາຍ​ແຜນການ​ນັ້ນວ່າ ເປັນຄວາມ​ພະຍາຍາມ​ເພື່ອ​ສ້າງຕັ້ງ​
“​ເຂດ​ປອດ​ພວກ​ລັດ​ອິລາມ” ທີ່​ມີ​ຄວາມ​ຍາວ ຢຽດ​ອອກ​ໄປ​ທາງ​ພາກ​ເໜືອໃນ​ຊີ​ເຣຍ
ປະມານ 100 ກິ​ໂລ​ແມັດ. ມັນ​ຈະ​ບໍ່​ລວມ​ເຂດ​ຫ້າມ​ບິນ​ ຢູ່​ໃນ​ຂົງ​ເຂດ​ນັ້ນ ​ເຖິງ​ແມ່ນ​ວ່າ
ລັດຖະບານ​ເທີ​ກີ ຈະ​ໄດ້​ຮຽກຮ້ອງມາ​ຕະຫຼອດ ​ໃຫ້​ມີ​ເຂດ​ຫ້າມ​ບິນ​ກໍ​ຕາມ.

ສະຫະລັດ ​ໄດ້​ນຳພາ ກອງ​ກຳລັງ​ປະສົມ​ ຂອງ​ບັນດາ​ປະ​ເທດຕ່າງໆ ການ​ໂຈມ​ຕີ​ທາງ​
ອາກາດ​ຕໍ່ຕ້ານ​ ​ເປົ້າໝາຍ​ດັ່ງກ່າວ ທີ່​ເປັນພວກ​ລັດ​ອິສລາມ ​ໃນ​ຊີ​ເຣຍ ນັບ​ຕັ້ງ​ແຕ່​ເດືອນ​
ກັນຍາ ປີ​ກາຍ​ນີ້ ​ເປັນຕົ້ນມາ.

XS
SM
MD
LG