ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ສະຫະລັດຮ້ອງຂໍ ໃຫ້ຈີນ ຊ່ອຍສະກັດກັ້ນ ການໂຈມຕີ ທາງອິນເຕີແນັດ ຈາກເກົາຫຼີເໜືອ


ເຈົ້າໜ້າທີ່ຍາມຢືນທີ່ທາງເຂົ້າຫາ ໂຮງສາຍຮູບເງົາ United Artists theater ໃນລະຫວ່າງການສາຍຟິມຮູບເງົາ "The Interview" ທີ່ນະຄອນ Los Angeles, ລັດ California ວັນທີ 11 ທັນວາ 2014.
ເຈົ້າໜ້າທີ່ຍາມຢືນທີ່ທາງເຂົ້າຫາ ໂຮງສາຍຮູບເງົາ United Artists theater ໃນລະຫວ່າງການສາຍຟິມຮູບເງົາ "The Interview" ທີ່ນະຄອນ Los Angeles, ລັດ California ວັນທີ 11 ທັນວາ 2014.

ສະຫະລັດ​ໄດ້​ປະຕິ​ເສດ ຕໍ່​ຂໍ້​ສະ​ເໜີ​ຂອງ​ເກົາຫລີ​ເໜືອ ທີ່​ຈະ​
ຮ່ວມ​ທຳ​ການ​ສອບ​ສວນ​ກັບ​ສະຫະລັດ ກ່ຽວ​ກັບ​ການ​ລັກລອບ
​ເຈາະ​ເອົາ​ຂໍ້​ມູນ ທາງ​ຄອມ​ພິວ​ເຕີ ຂອງ​ບໍລິສັດ​ຜະລິດຮູບ​ເງົາ
Sony Pictures ນັ້ນ​ແລະ​ໄດ້​ຮ້ອງຂໍ​ໃຫ້ຈີ​ນ ​ຊ່ວຍ​ສະກັດ​ກັ້ນ​
ການ​ໂຈມ​ຕີ ທາງ cyber ຫລື​ທາງ​ອິນ​ເຕີ​ແນັດ ຈາກ​ພຽງຢາງ.

​ເ​ຈົ້າໜ້າ​ທີ່​ສະຫະລັດ​ທ່ານ​ໜຶຶ່ງ​ກ່າວ​ວ່າ ​ໃນ​ການ​ສົນທະນາ​
ເລື້ອງ​ຄວາມ​ໝັ້ນຄົງ​ກັບ​ຈີນ​ນັ້ນ ທັງ​ສອງ​ຝ່າຍ​ໄດ້ເຫັນ​ພ້ອມ​ນຳ​
ກັນ​ວ່າ ການ​ທຳ​ການ​ໂຈມ​ຕີ​ທາງອິນ​ເຕີ​ແນັດ ທີ່​ສ້າງ​ຄວາມ​
ເສຍ​ຫາຍ​ນັ້ນ ​ບໍ່​ແມ່ນ​ການ​ປະພຶດ ຂອງ​ປະ​ເທດ​ທີ່​ສິວິ​ໄລ.

​ແຕ່​ວ່າຄຳ​ຮ້ອງ​ຂໍ​ດັ່ງກ່າວ​ນັ້ນ​ອາດ​ຈະ​ມີ​ບັນຫາ ​ເພາະວ່າ​ວໍ​ຊິງ​ຕັນ​ໄດ້​ກ່າວ​ ມາ​ເປັນ​ເວລາ
​ດົນ​ນານ​ແລ້ວ​ວ່າ ​ການ​ໂຈມ​ຕີ ລັກລອບເຈາະຂໍ້​ມູນ​ທາງ​ຄອມ​ພິວ​ເຕີ​ຂອງ​ຈີນ ​ໄດ້​ຂົ່ມຂູ່​ຕໍ່ຄວາມ​ລັບ​ດ້ານ​ການ​ປ້ອງ​ກັນ​ຂອງ​ສະຫະລັດ ສ້າງ​ຄວາມ​ເສຍ​ຫາຍ​ໃຫ້​ແກ່​ຄວາມ​ສາ
ມາດແຂ່ງຂັນ​ຂອງບັນດາ​ບໍລິສັດ​ອາ​ເມຣິກັນ ​ແລະ​ເຮັດ​ໃຫ້​ຊາວ​ອາ​ເມຣິກັນ​ສູນ​ເສຍວຽກ​ງານ.

ປ. ໂອບາມາ ວ່າ ສຫລ ຈະຕອບໂຕ້ ຕໍ່ເກົາຫລີເໜືອ:

Obama to N. Korea: US Will Respond to Hack Attack
please wait

No media source currently available

0:00 0:01:47 0:00

ເກົາຫຼີ​ເໜືອ​ປະຕິ​ເສດ​ວ່າ ຕົນ​ບໍ່​ໄດ້​ມີ​ສ່ວນໃດໆໃນການລັກລອບ​ເອົາ​ຂໍ້​ມູນ​ໃນ​ເຄືອ​ຂ່າຍ​ຄອມພິວ​ເຕີ​ຂອງ​ບໍລິສັດ Sony Pictures ​ແລະ​ການ​ເຜີຍ​ແຜ່ emails ທີ່​ສ້າງ​ຄວາມ​ອັບອາຍ​ ​ແລະ​ຂໍ້​ມູນ​ທາງ​ສ່ວນ​ຕົວອື່ນໆ ​ຕະຫລອດ​ທັງ​ນຳເອົາຮູບ​ເງົາ​ທີ່ Sony ຍັງ​ບໍ່​ມີ​
ແຜນ​ຈະ​ນຳ​ອອກ​ສາຍ​ນັ້ນ ​ອອກເຜີຍ​ແຜ່ທາງ​ອິນ​ເຕີ​ແນັດ​.

​ເຖິງ​ຢ່າງ​ໃດ​ກໍ​ດີ ​ເກົາຫຼີ​ເໜືອ ​ໄດ້​ກ່າວ​ຊົມ​ເຊີຍ​ການ​ໂຈມ​ຕີ​ທາງ​ຄອມ​ພິວ​ເຕີນັ້ນ ວ່າ
“​ເປັນ​ການ​ກະທຳ​ທີ່​ຖືກຕ້ອງ​ແລ້ວ.”

​ພຽງ​ຢາງຍັງ​ກ່າວ​ວ່າ ຕົນ​ສາມາດ​ພິສູດ​ໄດ້​ວ່າ ​ຕົນ​ບໍ່​ໄດ້​ມີ​ສ່ວນພົວພັນໃນ​ການ​ໂຈມ​ຕີ​ນັ້ນ ແລະເຕືອນ​ວ່າ ຈະ​ມີ “​ຜົນ​ສະທ້ອນ​ທີ່​ຮ້າຍ​ແຮງ​ຕິດຕາມ​ມາ” ຖ້າ​ຫາກ​ວໍ​ຊິງ​ຕັນ​ບໍ່​ຮັບ​
ເອົາ​ຄຳ​ສະ​ເໜີ​ຂອງ​ຕົນ ທີີ່ຈະ​ເຂົ້າ​ຮ່ວມ​ທຳ​ການ​ສືບສວນ​ສອບ​ສວນ​ນັ້ນ.

sonyhackers21december14
please wait

No media source currently available

0:00 0:00:23 0:00

XS
SM
MD
LG