ສະຫະລັດແລະອີກຫລາຍໆປະເທດໄດ້ເຊັນຂໍ້ຕົກລົງສະບັບນຶ່ງທີ່ແນເປົ້າໝາຍໃສ່ການປາບ
ປາມການບຸກຈີ້ກໍ່າປັ່ນ ແລະການລັກຂະໂມຍຊັບສິນທາງປັນຍາ.
ທ່ານ Koichiro Gemba ລັດຖະມົນຕີຕ່າງປະເທດຍີ່ປຸ່ນ ໄດ້ເປັນເຈົ້າພາບພິທີເຊັນຂໍ້ຕົກ
ລົງດັ່ງກ່າວໃນວັນເສົາວານນີ້ ທີ່ນະຄອນຫລວງໂຕກຽວ ທ່ານນາງ Miriam Sapiro ຮອງລັດມົນຕີກະຊວງການຄ້າສະຫະລັດ ເປັນຜູ້ຕ່າງໜ້າສະຫະລັດ ເຂົ້າຮ່ວມໃນພິທີ
ດັ່ງກ່າວ.
ສະຫະລັດ ອອສເຕຣເລຍ ຄານາດາ ສະຫະພາບຢູໂຣບ ຍີ່ປຸ່ນ ແມ໊ກຊິໂກ ໂມຣ໊ອກໂກ
ນີວຊີແລນດ໌ ສິງຄະໂປ ເກົາຫລີໃຕ້ ແລະ ສວິດເຊີແລນດ໌ ໄດ້ເຈລະຈາເຮັດຂໍ້ຕົກລົງສະບັບ
ນີ້ ທີ່ເອີ້ນວ່າ ACTA ນັ້ນ ມາເປັນເວລາຫລາຍປີ.
ແຕ່ກຸ່ມ 27 ປະເທດສະຫະພາບຢູໂຣບ ກັບແມ໊ກຊິໂກແລະສວິດເຊີແລນດ໌ ຍັງບໍ່ໄດ້ເຊັນ
ຂໍ້ຕົກລົງດັ່ງກ່າວໃນວັນເສົາວານນີ້ ແຕ່ຄາດວວ່າພວກເຂົາ ເຈົ້າຈະເຂົ້າຮ່ວມເປັນພາຄີ
ພາຍໃນເດືອນພຶດສະພາ ປີ 2013.
ຄາດວ່າຂໍ້ຕົກລົງກັນດັ່ງກ່າວນີ້ ຈະຊ່ວຍສ້າງຄວາມເຂັ້ມແຂງໃຫ້ແກ່ການຟ້ອງຮ້ອງ
ທາງຄະດີແພ່ງແລະອາຊະຍາກໍາ ຕໍ່ຕ້ານພວກຜະລິດສິນຄ້າປອມແລະພວກລັກລອບ
ຄ້າຂາຍຍີ່ຫໍ້ປອມຕ່າງໆ ເວລາເລິ່ມມີຜົນບັງຄັບໃຊ້ພາຍໃນບໍ່ເທົ່າໃດເດືອນຕໍ່ໜ້ານີ້.
