ລິ້ງ ສຳຫລັບເຂົ້າຫາ

ເຮືອບິນທີ່ບໍ່ມີຄົນຂັບ ສັງຫານຜູ້ນໍາເບີ 2 ຂອງ ອາລກາອີດາ


ນາຍ Abu Yahya al-Libi ຮອງຜູ້ບັນຊາການກຸ່ມກໍ່ການຮ້າຍ ອາລ ກາອີດາ ທີ່ຖືກສັງຫານໃນການໂຈມຕີ
ໂດບຍົນໂດຣນຂອງສະຫະລັດ..

ນາຍ Abu Yahya al-Libi ຮອງຜູ້ບັນຊາການກຸ່ມກໍ່ການຮ້າຍ ອາລ ກາອີດາ ທີ່ຖືກສັງຫານໃນການໂຈມຕີ ໂດບຍົນໂດຣນຂອງສະຫະລັດ..

ບັນດາເຈົ້າ​ໜ້າ​ທີ່ສະຫະ​ລັດກ່າວ​ວ່າ ​ການ​ໂຈມ​ຕີ​ໂດຍເຮືອ​ບິນບໍ່​ມີ​ຄົນ​ຂັບ​ໃນ​ພາກ​
ຕາ​ເວັນ​ຕົກ​ສຽງ​ເໜືອ​ຂອງປາ​ກິ​ສຖານ ທີ່ໄດ້​ສັງຫານ​ ນາຍ Abu Yahya al-Libi
ຮອງ​ຜູ້​ບັນຊາ​ການ ຂອງ​ກຸ່ມ​ກໍ່​ການ​ຮ້າຍ​ອາລກາ​ອີ​ດານັ້ນ ​“​ເປັນ​ການສ້າງຄວາມ​ເສຍ​
ຫາຍອັນ​ສໍາຄັນ” ​ໃຫ້​ແກ່​ກຸ່​ມກໍ່​ການ​ຮ້າຍດັ່ງກ່າວ.

ການຢືນຢັນ​ກ່ຽວ​ກັບ​ການ​ຕາຍ​ຂອງນາຍ al-Libi ໃນ​ວັນ​ອັງຄານ​ມື້ນີ້ ມີຂຶ້ນ​ນຶ່ງ​ມື້
ລຸນຫຼັງ​ໄດ້​ມີ​ການ​ຍິງ​ລູກສອນ​ໄຟ​ຈາກ​ເຮືອບິນ​ທີ່​ບໍ່​ມີ​ຄົນ​ຂັບ​ຂອງສະຫະ​ລັດໂຈມ​ຕີ
ລົດ​ຄັນ​ນຶ່ງ ​ແລະ​ຄ້າຍ​ຂອງ​ພວກ​ກໍ່​ການ​ຮ້າຍ​ຢູ່​ໃນ​ເຂດຊົນ​ເຜົ່າ Waziristan ເໜືອ
ຊຶ່ງໄດ້​ສັງຫານ​ຢ່າງ​ໜ້ອຍ 15 ຄົນ ຮວມ​ທັງ​ຊາວ​ຕ່າງປະ​ເທດນຳ​ດ້ວຍ. ລາຍ​ງານ
ຂ່າວ​ໄດ້​ອ້າງ​ຄຳ​ເວົ້າຂອງ​ພວກ​ຕາ​ລີ​ບານ​ໃນ​ປາ​ກິ​ສຖານ ທີ່​ໃຫ້ການ​ຢືນຢັນ​ກ່ຽວ​ກັບ
​ການ​ເສຍ​ຊີວິດ​ຂອງນາຍ al-Libi ​ແລະ​ໄດ້​ກ່າວວ່າ “ມັນ​ເປັນ​ການ​ສູນ​ເສຍ​ອັນໃຫ່​ຍ
ຫລວງ” ​ແກ່​ຕາໜ່າງການ​ກໍ່​ການ​ຮ້າຍດັ່ງກ່າວ.

ຍົນໂດຣນທີ່ບໍ່ມີຄົນຂັບ ທໍາການໂຈມຕີດ້ວຍລູກສອນໄຟ.

ຍົນໂດຣນທີ່ບໍ່ມີຄົນຂັບ ທໍາການໂຈມຕີດ້ວຍລູກສອນໄຟ.

​ບັນດາ​ເຈົ້າ​ໜ້າ​ທີ່​ປາ​ກິ​ສຖານ​ລາຍ
​ງານ​ວ່າ ​ເຂົາ​ເຈົ້າ​ໄດ້​ດັກ​ຟັງການ
​ສົນທະນາ​ທາງ​ໂທ​ລະສັບ ຊຶ່ງ​
ພວກຫົວ​ຮຸນ​ແຮງ​ໄດ້​ໂອ້​ລົມ​ກັນ
ເຖິງ​ການ​ຕາຍ​ຂອງ​ຊາວ​ອາຣັບ
ຄົນ​ນຶ່ງ ​ແລະ​ກ່າວອີກ​ວ່າ ຊາວ
ບ້ານ​ຢູ່​ໃນ​ຂົງ​ເຂດ​ດັ່ງກ່າວ​ເຊື່ອ
ກັນ​ວ່າ ນາຍ al-Libi ​ໄດ້​ຢູ່​ໃນ​
ຄ້າຍໃນ​ເວລາ​ທີ່​ມີ​ການ​ໂຈມ​ຕີ
​ເກີດ​ຂຶ້ນ. ມີ​ລາຍ​ງານ​ວ່າຮອງ​
ຜູ້ນຳ​ຂອງ​ກຸ່ມກໍ່​ການ​ຮ້າຍ​ ອາລ
ກາ​ອີ​ດາ ທີ່ເປັນຊາວ​ລີ​ເບຍຄົນ
ນີ້ໄດ້ຮັບ​ບາດ​ເຈັບຈາກ​ການ​
ໂຈມ​ຕີໂດຍ​ເຮືອບິນ​ບໍ່​ມີ​ຄົນ​ຂັບ
ຂອງສ​ະຫະລັດຄັ້ງກ່ອນ ​ໃນເຂດ Waziristan ​ເໜືອ​ເມື່ອ​ວັນ​ທີ 28 ພຶດສະພາຜ່ານ​ມາ.

ໂຄສົກ​ທໍານຽບຂາວ ທ່ານ Jay Carney ກ່າວ​ຕໍ່​ບັນດາ​ນັກ​ຂ່າວວ່າ ການ​ຕາຍ​ຂອງນາຍ
al-Libi ແມ່ນ​ໄດ້​ຮັບ​ການ​ຢືນຢັນ​ແລ້ວ ​ໂດ​ຍອ້າງແຫ່ລງຂ່າ​ວສືບ​ລັບຂອງ​ສະຫະລັດ. ທ່ານ
Carney ​ບັນ​ລະ​ຍາຍ​ວ່າ ນາຍ al-Libi ປຽບ​ດັ່ງ “ຜູ້​ຈັດການ​ທົ່ວ​ໄປ” ຂອງ​ກຸ່ມກໍ່​ການຮ້າຍ
al-Qaida. ທ່ານ​ກ່າວອີກ​ວ່າ ຜູ້ກ່ຽວມີປະສົບປະການທີ່ຍາກ ທີ່​ຈະຊອກ​ຫາຄົນອື່ນມາ
​ແທນ​ໄດ້​ ​ແລະ “ຍັງ​ບໍ່​ເປັນ​ທີ່​ແຈ້ງ​ຂາວ​ ກ່ຽວ​ກັບ​ຜູ້​ທີ່​ຈະມາ​ກໍາ​ໜ້າ​ທີ່ແທນລາວ​.”

XS
SM
MD
LG