ລິ້ງ ສຳຫລັບເຂົ້າຫາ

ສຫລ ຊ່ວຍປັບປຸງ ທັກສະ ໃນການເຮັດວຽກ ຢູ່ເຂດລຸ່ມແມ່ນໍ້າຂອງ


ອົງການພັດທະນາສາກົນ ຂອງສະຫະລັດ ຫລື USAID ປະກາດ ຄູ່ຮ່ວມພັດທະນາໃໝ່ ຈຳນວນ 12 ມະຫາວິທະຍາໄລ ແລະສະຖາບັນອາຊີວະສຶກສາ ທີ່ມີຊື່ສຽງ ໃນເຂດລຸ່ມແມ່ນ້ຳຂອງ.

ອົງການພັດທະນາສາກົນ ຂອງສະຫະລັດ ຫລື USAID ປະກາດ ຄູ່ຮ່ວມພັດທະນາໃໝ່ ຈຳນວນ 12 ມະຫາວິທະຍາໄລ ແລະສະຖາບັນອາຊີວະສຶກສາ ທີ່ມີຊື່ສຽງ ໃນເຂດລຸ່ມແມ່ນ້ຳຂອງ.

ອົງການ​ພັດທະນາ​ສາກົນຂອງສະຫະລັດ​ ຫຼື USAID ​ໄດ້​ປະ​ກາດ​ຄູ່​ຮ່ວມ​ພັດທະນາ​ໃໝ່​ ຈຳ​ນວນ 12 ມະຫາວິທະຍາ​ໄລ​ແລະ​ສະ​ຖາ​ບັນ​ອາຊີວະ​ສຶກສາ ທີ່​ມີ​ຊື່​ສຽງ​ໃນ​ຂົງ​ເຂດລຸ່ມ​ ແມ່​ນໍ້າ​ຂອງ​ເພື່ອ​ໃຫ້​ນັກ​ສຶກສາ​ໄດ້​ຮັບ​ການ​ຝຶກ​ຝົນ​ທັກ​ສະທີ່​ຈຳ​ເປັນໃນ​ການ​ເຮັດ​ວຽກ.

ບັນດາ​ສະ​ຖາ​ບັນ ​ທີ່​ໄດ້​ຮັບ​ການ​ຄັດ​ເລືອກ​ ໃນ​ການ​ແຂ່ງຂັນ​ເຂົ້າ​ຮ່ວມ​ໂຄງການ ເຊື່ອມ​ຕໍ່​ ແມ່​ນໍ້າຂອງ​ຜ່ານ​ການ​ສື​ກສາ​ແລະ​ຝຶກ​ອົບຮົມຫຼື USAID COMET ຈະ​ສ້າງ​ເຄື່ອຂ່າຍ​ຂອງ​ ສູນຮຽນ​ຮູ້​ແມ່​ນໍ້າຂອງ ໃນ​ສະ​ຖາ​ບັນ​ຂອງ​ພວກ​ເຂົາ​ເຈົ້າ. ສະ​ຖາ​ບັນ​ແລະ​ມະຫາວິທະຍາ​ໄລ​ເຫຼົ່ານີ້​ແມ່ນ​ປະກອບ​ດ້ວຍ.

ມະຫາວິທະຍາ​ໄລເຕັກ​ໂນ​ໂລ​ຈີ Yatanarpon Cyber ​ໃນມຽນມາ. ສະ​ຖາ​ບັນ​ເຕັກ​ໂນ​ໂລ​ຈີກຳ​ປູເຈຍ.
ມະຫາ​ວິທະຍະ​ໄລ​ເອ​ເຊຍຕາ​ເວັນ​ອອກສຽງ​ໃຕ້ ​ໃນກຳປູ​ເຈຍ.
ມະຫາວິທະຍາ​ໄລແຫ່ງ​ຊາດ​ ສປປ ລາວ.
ສະ​ຖາ​ບັນ​ທ່ອງ​ທ່ຽວ ​ແລະໂຮ​ງ​ແຮມ​ແຫ່ງ​ຊາດ ຂອງ ສປປ ລາວ.
ມະຫາວິທະຍາ​ໄລມະ​ທີ​ດົນ ຂອງ​ໄທ.
ວິທະຍາ​ໄລເຕັກນິກມາບ​ຕະພຸດ ​ຂອງ​ໄທ.
ມະຫາວິທະຍາ​ໄລ​ເຕັກ​ໂນ​ໂລ​ຈີ ​ແລະ​ການ​ສຶກສາ​ໂຮ​ຈີ​ມິນ ຂອງຫວຽດນາມ.
ມະຫາວິທະຍາ​ໄລ​ເສດຖະສາດ ​ໃນຫວຽດນາມ.
ມະຫາວິທະຍາ​ໄລ​ດາ​ນັງ ​ໃນຫວຽດນາມ.
ມະຫາວິທະຍາ​ໄລ​ວິທະຍາ​ສາດ ​ແລະ​ເຕັກ​ໂນ​ໂລ​ຈີ​ຮ່າ​ໂນ້ຍ ຂອງຫວຽດນາມ.
ວິທະຍາ​ໄລ​ອຸດສາຫະກຳ​ເຫວ້ ​ໃນຫວຽດນາມ.

“ສະຫະລັດ​ມຸ້ງ​ໝັ້ນ ທີ່​ຈະ​ພັດທະນາ ທ່າ​ແຮງ​ຂອງ​ຊາວ​ໜຸ່ມ ​ໂດຍ​ສະ​ເພາະ​ ແມ່ນ​ແມ່ຍິງ” ທ່ານ​ Todd Sorenson ວ່າທີ່​ຜູ້​ອຳ​ນາວ​ຍການລະດັບ​ພາກ​ພື້​ນຂອງ​ອົງການ USAID ສຳ​ລັບ​ເອ​ເຊຍກ່າວ​ວ່າ “ຊາວ​ໜຸ່ມ​ຈຳ​ເປັນ​ຕ້ອງ​ມີ​ທັກ​ສະ​ຄວາມ​ສາມາດ​ດ້ານ​ວິຊາ​ການ ​ເຊັ່ນ​ດຽວ​ກັນ​ກັບ​ຄວາມສາມາດ​ຂອງ​ການ​ເຮັດ​ວຽກ ​ພ້ອມທັງ​ການ​ເຮັດ​ວຽກ​ເປັນ​ທິມການ​ ສື່ສານ ​ແລະ ​ການ​ປັບ​ຕົວ​ເພື່ອ​ຜົນສຳ​ເລັດ. ວິ​ທີການ​ທີ່ດີ​ສຸດ​ສຳລັບ​ຊາວ​ໜຸ່ມ ທີ່ຈະ​ຮຽນ​ຮູ້​ ທັກ​ສະ​ເຫຼົ່ານີ້ ​ແມ່ນ​ຜ່ານ​ປະສົບ​ການ ​ລົງມື​ເຮັດ​ວຽກ​ຕົວ​ຈິງ​ ກ່ຽວ​ກັບສະຖານະ​ການ​ເຮັດ​ ວຽກ​ທີ່​ແທ້​ຈິງ ​ໂດຍ​ການ​ເຊື່ອ​ມຕໍ່​ກັບ​ຜູ້​ໃຊ້ແຮງ​ງານ​ທີ່​ແທ້​ຈິງ ຄື​ກັນ​ກັບ​ບັນດາ​ຜູ້​ເຂົ້າ​ຮ່ວມ ກັບ​ພວກ​ເຮົາ​ໃນ​ໂຄງການ​ນີ້.”

ອີງ​ຕາມ​ການ​ຂະຫຍາຍ​ຕົວ​ທາງ​ດ້ານ​ອຸດສາຫະກຳ​ໃນ​ຂົງ​ເຂດ​ແມ່​ນໍ້າຂອງ​ຕອນ​ລຸ່ມ ​ແມ່ນ​ມີ​ ຄວາມ​ຕ້ອງການ​ຢ່າງ​ຈະ​ແຈ້ງສຳລັບ​ບັນດິດ​ຜູ້​ທີ່​ຮຽນ​ຈົບ ທີ່​ມີ​ຄວາມ​ຊຳນິ​ຊຳນານ. ອີງ​ຕາມ​ການ​ສຶກສາ​ຂໍ້​ມູນ​ຂອງ​ອົງການ USAID ທີ່​ຜ່ານ​ມາ​ຂອງ​ຜູ້​ໃຊ້​ແຮງ​ງານ​ ໃນ​ບັນດາ​ປະ​ເທດ ແມ່​ນໍ້າຂອງ​ຕອນ​ລຸ່ມ ຫຼາຍ​ກວ່າ 71% ຊີ້​ໃຫ້​ເຫັນ​ວ່າ ​ພວກ​ເຮົາ​ກຳລັງ​ຊອກ​ຫາ ​ທີ່​ຈະ​ຈ້າງ​ ພະນັກງານ​ໃໝ່ ​ເພື່ອ​ຈະ​ຂະຫຍາຍ​ທຸລະ​ກິດ​ຂອງ​ເຂົາ​ເຈົ້າ. ການ​ສຳ​ຫຼວດທາງ​ດ້ານ​ທຸລະ​ກິດ ຍັງ​ໄດ້​ໃຫ້​ຂໍ້​ສັງ​ເກດ​ວ່າ​ພວກ​ເຂົາ​ເຈົ້າ​ເຊື່ອ​ວ່າ 60% ຂອງ​ພະນັກງານ​ຍັງ​ຕ້ອງການ​ ການ​ຝຶກ​ອົບຮົມ​ທັກ​ສະເພື່ອ​ກະກຽມ​ຄວາມ​ພ້ອມ​ໃນ​ການ​ເຮັດ​ວຽກ.

ສ້າງ​ຂຶ້ນ​ ໂດຍ​ໂຄງການ​ເຊື່ອມ​ຕໍ່​ແມ່​ນໍ້າຂອງ ​ຜ່ານ​ການ​ສຶກສາ ​ແລະ​ຝື​ກອົບຮົມ USAID COMET ​ເຄືອຂ່າຍ MekongSkills2Work ​ເຂົ້າ​ສູ່ການ​ຮ່ວມ​ມື​ໂດຍ​ຜ່ານ​ສູນ​ການ​ຮຽນ​ ຮູ້​ແມ່ນໍ້າຂອງ ຢູ່​ໃນ​ມະຫາວິທະຍາ​ໄລ ​ແລະສະ​ຖາ​ບັນ​ການ​ຝຶກ​ອົບຮົມ. ສູນ​ເຫຼົ່າ​ນີ້​ ຈະ​ເຮັດ​ ວຽກ​ຮ່ວມ​ກັບ​ຄູ່​ຮ່ວມ​ງານ​ພາກ​ອຸດສາຫະກຳ​ເຊັ່ນ Cisco, Intel, Google ​ແລະ Micro- soft ​ເຊັ່ນດຽວ​ກັນ​ກັບ​ນາຍ​ຈ້າງ​ອຶ່ນໆ​ໃນ​ທ້ອງ​ຖິ່ນ​ເພື່ອ​ຮັບປະກັນ​ໃຫ້​ບັນດາ​ນັກ​ສຶກສາ​ໄດ້​ ຮັບ​ໂອກາດ​ທີ່​ຈະ​ຮຽນ​ຮູ້​ຈາກ​ຜູ້ນຳ ທີ່​ມີ​ຄວາ​ມຊຳນິ​ຊຳນານ​ໃນ​ຂົງ​ເຂດວຽກ​ງານ​ນີ້.

​ໃນ​ການປະກາດຢູ່​ກອງ​ປະຊຸມ​ສຸດ​ຍອດ​ ຜູ້ນຳ​ຂອງອົງການ USAID COMET ທີ່​ບາງ ກອກ ສະ​ຖາ​ບັນ​ຕ່າງໆ​ທີ່​ມີ​ສູນ​ກາງ​ຮຽນ​ຮູ້​ແມ່​ນໍ້າຂອງ ຈະ​ໄດ້​ຮັບ​ການ​ຝຶກ​ອົບຮົມ ​ແລະ​ ຊັບພະຍາກອນ​ກວມ​ເອົາ​ການ​ພັດທະນາ​ກຳລັງ​ແຮງ​ງານ ການ​ຮຽນ ການ​ສອນ ​ແລະ​ເຕັກ ​ໂນ​ໂລ​ຈີ ລວມທັງ​ມາດ​ຕະການ​ໃນ​ການ​ສອນ ​ແລະ ​ອຸປະ ກອນ​ຕ່າງໆ ທີ່​ຈະ​ຊ່ວຍ​ໃຫ້​ຄູ​ ອາຈານດຳເນີນການ​ສອນ​ຢ່າງ​ມີ​ປະສິດທິ​ຜົນ ​ເພື່ອ​ ກະກຽມ​ນັກຮຽນ​ໃຫ້​ມີ​ຄວາມ​ພ້ອມ ສຳລັບ​ຄວາມ​ຕ້ອງການຂອງຕະ​ຫຼາດ​ແຮງ​ງານ​ໃນ​ອະນາຄົດ.

ຜ່າ​ນການ​ລົງມື​ປະຕິບັດ​ຕົວ​ຈິງ​ພາຍ​ໃນ​ໜຶ່ງ​ປີ ​ໃນ​ສະ​ຖາ​ບັນ​ຂ​ອງພວກ​ເຂົາ​ເຈົ້າ ສູນ​ກາງ​ ຮຽນ​ຮູ້​ແມ່​ນໍ້າຂອງ​ຈະ​ໄດ້​ເຮັດ​ວຽກ​ຕາ​ມຮູບ​ແບບ MekongSkill2Work ​ແລະ​ສ້າງ​ເຄືອ​ ຂ່າຍ​ລະດັບ​ພາກ​ພື້ນ​ຂອງ​ຜູ້ນຳ​ໃນ​ຂົງ​ເຂດ​ວຽກ​ງານ​ວິທະຍາສາດ ​ເຕັກ​ໂນ​ໂລ​ຈີ ວິ​ສະ​ວະ ກຳ ຄະນິດສາດ ການ​ບັນຊີແລະ​ການ​ທ່ອງ​ທ່ຽວ. ບັນດາ​ຄູ​ອາຈານ​ພັດທະນາແລະ​ປະຕິ ບັດ​ວີີ​ທີການ​ຮຽນ​ຮູ້​ໂດຍ​ຜ່ານ​ການ​ສິດສອນ​ຮໍ່​າຮຽນ​ໃນ​ຫ້ອງຮຽນ ​ແລະ​ໃນ​ທົ່ວ​ສະ​ຖາ​ບັນ​ ຂອງ​ພວກເຂົາ​ເຈົ້າ.

ສະແດງຄວາມເຫັນໃຫ້ເບິ່ງ

XS
SM
MD
LG