ສະຫະລັດກ່າວວ່າ ຈີນຕ້ອງເຂົ້າຮ່ວມກັບໂລກທັງໝົດ ເພື່ອທຳ
ການລົງໂທດຢ່າງໜັກຕໍ່ເກົາຫລີເໜືອ ກ່ຽວກັບການທົດລອງນິວ
ເຄລຍຄັ້ງຫລ້າສຸດໃນເມື່ອວ່າ ຈີນມີ “ຄວາມສຳພັນພິເສດ” ກັບ
ລະບອບການປົກຄອງ ທີ່ໂດດດ່ຽວດັ່ງກ່າວ.
ຮອງລັດຖະມົນຕີ ຕ່າງປະເທດ ສະຫະລັດ ທ່ານ Anthony
Blinken ໄດ້ຮຽກຮ້ອງໃນວັນພຸດມື້ນີ້ ທີ່ນະຄອນຫຼວງໂຊລ ໃນ
ລະຫວ່າງການພົບປະກັບລັດຖະມົນຕີການຕ່າງປະເທດເກົາຫລີ
ໃຕ້ ທ່ານ Yun Byung-se. ພຽງຢາງໄດ້ສ້າງໂກດແຄ້ນໃຫ້ແກ່
ປະຊາຄົມນາໆຊາດ ເວລາປະ ເທດດັ່ງກ່າວໄດ້ປະກາດກ່ຽວກັບ
ທົດລອງລະເບີດໄຮໂດຣເຈັນເປັນເທື່ອທຳອິດ ໃນວັນທີ 6 ມັງ
ກອນ ທັງໆທີ່ໄດ້ຢູ່ພາຍໃຕ້ການລົງໂທດຂອງ ສະຫະປະຊາຊາດກ່ຽວກັບການທົດລອງ
ສາມຄັ້ງທີ່ຜ່ານມາ.
ຈີນ ເປັນພັນທະມິດໃກ້ຊິດທີ່ສຸດຂອງເກົາຫລີເໜືອ ທາງດ້ານການທູດ ແລະເສດຖະກິດ
ແຕ່ວ່າ ຄວາມສຳພັນລະຫວ່າງປະເທດທັງສອງຝ່າຍໄດ້ຊຸດໂຊມລົງ ຍ້ອນເກົາຫລີເໜືອບໍ່
ຍອມຍຸດຕິຄວາມໄຝ່ຝັນທາງດ້ານ ນິວເຄລຍຂອງຕົນ. ແຕ່ປັກກິ່ງ ຍັງມີຄວາມເປັນຫ່ວງ
ວ່າ ການລົງໂລດທາງເສດຖະກິດທີ່ຮ້າຍແຮງຕໍ່ເກົາຫຼີເໜືອນັ້ນ ອາດຈະເຮັດໃຫ້ລະບອບ
ການປົກຄອງດັ່ງບກ່າວພັງທະລາຍລົງ ແລະສົ່ງພວກອົບພະຍົບມາສູ່ຊາຍແດນຂອງ
ປະເທດທັງສອງ.
ທ່ານ Yun ເຫັນດີກັບການຮຽກຮ້ອງຂອງ ທ່ານ Blinken ເພື່ອໃຫ້ລົງໂທດໜັກຂື້ນຕໍ່ພຽງຢາງ ໂດຍທ່ານກ່າວວ່າ “ນີ້ແມ່ນເກົາຫລີເໜືອຕ້ານ ກັບປະຊາຄົມນາໆຊາດ.”
ທ່ານ Blinken ຈະເດີນທາງໄປ ຈີນ ໃນຕອນແລງວັນພຸດມື້ນີ້ ເພື່ອຫາລືກັບເຈົ້າໜ້າທີ່ຈີນກ່ຽວກັບເລື້ອງດັ່ງກ່າວ. ລັດຖະມົນຕີຕ່າງປະເທດ ສະຫະລັດ ທ່ານ John Kerry ຈະເດີທາງໄປປັກກິ່ງ ໃນອາທິດໜ້ານີ້ ເພື່ອຫາລືເພີ້ມຕື່ມກັບຄູ່ຕຳແໜ່ງຝ່າຍຈີນຂອງທ່ານ.
