ລິ້ງ ສຳຫລັບເຂົ້າຫາ

ອີຣ່ານ ຕ້ອງພິສູດວ່າ ຕົນເປັນບ່ອນ ທີ່ປອດໄພ ໃນການເຮັດທຸລະກິດ


ປະທານາທິບໍດີ ບາຣັກ ໂອບາມາ ພ້ອມດ້ວຍ ລັດຖະມົນຕີ ການຕ່າງປະເທດ John Kerry (ຊ້າຍ) ຮອງປະທານາທິບໍດີ Joe Biden ແລະທີ່ປຶກສາ ດ້ານຄວາມໝັ້ນຄົງແຫ່ງຊາດ ທ່ານນາງ Susan Rice ພວມຖະແຫຼງ ໃນລະຫວ່າງ ກອງປະຊຸມກັບປະທານປະເທດຈີນ ທ່ານສີ ຈິ້ນຜິງ.

ປະທານາທິບໍດີ ບາຣັກ ໂອບາມາ ພ້ອມດ້ວຍ ລັດຖະມົນຕີ ການຕ່າງປະເທດ John Kerry (ຊ້າຍ) ຮອງປະທານາທິບໍດີ Joe Biden ແລະທີ່ປຶກສາ ດ້ານຄວາມໝັ້ນຄົງແຫ່ງຊາດ ທ່ານນາງ Susan Rice ພວມຖະແຫຼງ ໃນລະຫວ່າງ ກອງປະຊຸມກັບປະທານປະເທດຈີນ ທ່ານສີ ຈິ້ນຜິງ.

ປະທານາທິບໍດີ​ສະຫະລັດ ທ່ານ​ບາຣັກ ​ໂອບ​າມາ ກ່າວ​ວ່າ ​ເຕຫະຣ່ານ ຕ້ອງ​ໄດ້ດຳ​ເນີນ ການ​ເພີ້ມຕື່ມ​ເພື່ອ​ພິສູ​ດ​ໃຫ້​ບໍລິສັດ​ຕ່າງໆ​ໃນ​ໂລກ​ເຫັນ​ວ່າອີຣ່ານ​ເປັນ​ສະຖານ​ທີ່​ປອດ​ໄພ ທີ່ຈະ​ເຮັດ​ທຸລະ​ກິດ.

​ໃນ​ຕອນ​ປິດ​ກອງ​ປະຊຸມ​ສຸດ​ຍອດ​ວ່າ​ດ້ວຍ​ຄວາມ​ໝັ້ນຄົງ​ດ້ານ​ນິວ​ເຄລຍທີ່​ນະຄອນຫຼວງ ວໍຊິງ​ຕັນ​ ໃນ​ວັນ​ສຸກ​ວາ​ນນີ້ ປະທານາທິບໍດີ​ໂອ​ບາ​ມາ ກ່າວ​ວ່າ ມາ​ຮອດເວລາ​ນີ້ ອີຣ່ານ ແມ່ນ​ຍັງ​ປະຕິບັດ​ຕາມ​ເງື່ອນ​ໄຂ​ຂອງ​ຂໍ້​ຕົກລົງ​ນິວ​ເຄລຍ ກັບ​ຫົກ​ປະ​ເທດມະຫາ​ອຳນາດ ຂອງໂລກ​ຢູ່ ​ແຕ່​ການ​ກະທຳ​ແບບ​ທ້າ​ທາຍ​ຂອງ​ອີ​ຣ່ານ ອາດ​ສ້າງ​ຄວາມ​ຢ້ານ​ກົວ​ໃຫ້​ແກ່ ບັນດາ​ທຸລະ​ກິດຕ່າງໆ.

ທ່ານ​ໂອ​ບາ​ມາ ກ່າວ​ວ່າ ​ເວລາ​ພວກ​ເຂົາ​ເຈົ້າຍິງ​ລູກ​ສອນ​ໄຟ​ຂີປະ​ນາ​ວຸດ ດ້ວຍ​ຄຳ​ຂວັນ ທີ່ຮຽກຮ້ອງ​ໃຫ້​ທຳລາຍ​ອິສຣາ​ແອ​ລນັ້ນ ​ໄດ້​ສ້າງ​ຄວາມ​ກັງວົນ​ໃຈ​ໃຫ້​ແກ່ທຸລະ​ກິດ.

ພວກຜູ້ນຳ​ອີຣ່ານ​ໄດ້​ພາກັນ​ຈົ່ມ​ວ່າ ​ເຂົາ​ເຈົ້າຍັງ​ບໍ່​ທັນ​ໄດ້​ຮັບ​ຜົນ​ປະ​ໂຫຍ​ດ​ໃດໆ ໃນດ້ານ ເສດຖະກິດ​ເທື່ອ ທີ່​ພວກ​ເຂົາ​ເຈົ້າຄາດ​ວ່າ​ຈະ​ໄດ້​ຮັບ ​ເວລາ​ການ​ລົງ​ໂທດ​ຈຳນວນ​ນຶ່ງ​ໄດ້ ຖືກຍົກ​ເລີກເພື່ອ​ເປັນ​ການ​ແລກປ່ຽນ​ກັບ​ການ​ຫຼຸດຜ່ອນກ່ຽວ​ກັບ​ໂຄງການ​ນິວ​ເຄລຍຂອງ​ ອີຣ່ານ.

ປະທານາທິບໍດີ​ໂອ​ບາ​ມາ​ກ່າວ​ວ່າ ລັດຖະມົນຕີ​ກະຊວງ​ການ​ເງິ​ນຂອງ​ສະຫະລັດຈະ​ເຮັດ ວຽກ​ຮ່ວມ​ກັບ​ບັນດາ​ລັດຖະມົນຕີ​ການ​ເງິນ​ ຂອງ​ຫ້າ​ປະ​ເທດ ທີ່​ລົງ​ນາມ​ ໃນຂໍ້​ຕົກລົງ​ນິວ ເຄລຍ ​ເພື່ອ​ໃຫ້​ເປັນ​ທີ່​ຈະ​ແຈ້ງວ່າ ການ​ຕົກລົງ​ດ້ານ​ການ​ເງິນ​ແບບ​ໃດ​ກັບ​ອີຣ່ານ ຈຶ່ງ​ຈະ ໄດ້ຮັບ​ອະນຸຍາດ​ພາຍ​ໃຕ້​ຂໍ້​ຕົກລົງ​ສະບັບ​ນີ້.

ຂະນະ​ດຽວ​ກັນ ບັນດາ​ສະມາຊິກ​ສະພາ​ສັງກັດ​ພັກຣີພັບ​ບລີ​ກັນຕ່າງ​ກໍ​ມີ​ຄວາມ​ວິຕົກ​ກັງ ວົນ​ກ່ຽວ​ກັບ​ລາຍ​ງານ​ຂ່າວ​ທີ່​ວ່າລັດຖະບານ​ທ່ານ​ໂອ​ບາ​ມາ​ກຳລັງ​ພິຈາລະນາທີ່​ຈະຜ່ອນ ຜັນການ​ຈຳກັດ​ຮັດ​ແຄບ​ດ້ານ​ການ​ເງິນ​ຕໍ່​ອີຣ່ານ.

ອົງການ​ຂ່າວ​ເອພີ​ ແລະ​ໜັງສືພິມ Wall Street Journal ລາຍ​ງານ​ໃນ​ອາທິດນີ້ວ່າ ກະ ຊວງການ​ເງິນ ​ອາດ​ຈະ​ອອກ​ໃບ​ອະນຸຍາດ ​ໃຫ້​ທະນາຄານ​ຕ່າງໆ ທີ່ຢູ່​ນອກປະ​ເທດ ໃຊ້ ເງິນໂດ​ລາ​ເວລາໂອນ​ເງິນ​ໃນ​ການ​ເຮັດ​ທຸລະ​ກິດລະຫວ່າງ​ອີຣ່ານ​ແລະ​ບໍລິສັດ​ຕ່າງໆ​ທີ່​ບໍ່ ແມ່ນ​ຂອງ​ສະຫະລັດ.

ອີຣ່ານຍັງ​ຖືກ​ຫ້າມ​ບໍ່​ໃຫ້​ເຂົ້າ​ເຖິງ​ລະບົບ​ການ​ເງິນ​ຂອງ​ສະຫະລັດ ​ແຕ່​ຕ້ອງການຢາກ​ຊື້ ຂາຍ​ເປັນ​ເງິນ​ໂດ​ລາ ​ແທນ​ທີ່​ຈະ​ໃຊ້​ເງິນ​ໃນ​ສະກຸນ​ຕ່າງໆ​ທີ່​ອ່ອນ​ແອກ​ວ່າ​ນັ້ນ.

XS
SM
MD
LG