ລິ້ງ ສຳຫລັບເຂົ້າຫາ

ຜູ້ນຳ ສປຊ ຮຽກຮ້ອງໃຫ້ເປີດການໂອ້ລົມ ຫາທາງຫຼຸດຜ່ອນ ຄວາມເຄັ່ງຕືງ ໃນກຳປູເຈຍ


ບັນດາເຈົ້າໜ້າທີ່ສານ ຕ້ອງການສອບຖາມຜູ້ນຳພັກກູ້ຊາດ
ກຳປູ​ເຈຍ​ ຫຼື CNRP ທ່ານ Kem Sokha,

ບັນດາເຈົ້າໜ້າທີ່ສານ ຕ້ອງການສອບຖາມຜູ້ນຳພັກກູ້ຊາດ ກຳປູ​ເຈຍ​ ຫຼື CNRP ທ່ານ Kem Sokha,

ເລຂາທິການ​ໃຫຍ່​ສະຫະ​ປະຊາ​ຊາດ ທ່ານ Ban Ki-moon ​ໃນ​ວັນພ​ະຫັດ​ວານ ນີ້ ​ໄດ້​ອອກ​ຖະ​ແຫລ​ງການ ຮຽກຮ້ອງ​ໃຫ້ເປີດການ​ສົນທະນາ ​ແລະ​ເຈລະຈາ​ລ​ະ ຫວ່າງ ​ພັກ​ກູ້​ຊາດ​ກຳປູ​ເຈຍ​ ຫຼື CNRP ທີ່​ເປັນ​ຝ່າຍ​ຄ້ານແລະ​ພັກ​ປະຊາຊົນ​ກໍາ ປູເຈ​ຍ ຫລື CPP ທີ່ເປັນ​ພັກ​ລັດຖະບານ.

ຖະ​ແຫລ​ງການມີ​ຂຶ້ນ ຫລັງ​ຈາກ​ທີ່ໄດ້​ມີ​ການ​ຮຽກຮ້ອງຄ້າຍຄື​ກັນ​ນີ້ ຈາກສະຫະ​ລັດ ​ແລະ​ສະຫະພາບ​ຢູ​ໂຣບ.

ກຳລັງ​ຮັກສາ​ຄວາມ​ປອດ​ໄພພະຍາ​ມທີ່​ຈະ​ຈັບ​ປະທານ​ຊົ່ວຄາວ​ຂອງ​ພັກ CNRP ທ່ານ Kem Sokha ​ໃນ​ໄລຍະ​ສອງ​ສາມມື້ຜ່ານມາ​ນີ້ ທ່າມກາງຄວາມ​ພະຍາ ຍາມໂດຍສານ​ປະຈຳ​ເຂດ ​ເພື່ອ​ນຳ​ເອົາ​ທ່ານ​ມາສ​ອບຖາມກ່ຽວ​ກັບ​ການ​ກ່າວ​ຫາໃນ​ການໂຄສະນາຊັກ​ຊວນ ​ແລະ​ບໍ່​ຫົວຊາ​ກັບ​ການ​ຮຽກ​ໂຕ​ມາຂຶ້ນ​ສານ​ເທຶ່ອກ່ອນ.

ຖະ​ແຫລ​ງການ​ຂອງ​ທ່ານ Ban ​ມີຂຶ້ນ​ຫລັງ​ຈາກ​ໄດ້​ເກີດຄວາມ​ເຄັ່ງ​ຕືງດ້ານ​ການ​ເມືອງ​ລະຫວ່າງ ພັກ​ລັດຖະບານຂອງນາຍົກລັດຖະມົນ​ຕີ Hun Sen ​ແລະ​ພັກ ຝ່າຍ​ຄ້ານ. ຫວ່າງ​ບໍ່​ເທົ່າ​ໃດ​ເດືອນ​ທີ່​ຜ່ານ​ມາ​ນີ້ ສະມາຊິກ​ຢ່າງ​ໜ້ອຍ 20 ຄົນ​ຂອງ​ບັນດາອົງການຈັດ
ຕັ້ງ ສັງຄົມ​ພົນລະ​ເຮືອນ ບັນດາ​ກຸ່ມປົກປ້ອງ​ສິດທິມະນຸດ ​ແລະ​ສະມາຊິກ ​ແລະ​ພວກ​ສະໜັບສະໜູນ​ພັກ CNRP ​ໄດ້​ຖືກ​ຈັບ​ໃສ່​ຄຸກ​ໃນ​ຂໍ້​ຫາ​ນັບ​ແຕ່​ຍຸ​ແຍ່​ໃຫ້​ເກີດ​ຄວາມ​ບໍ່​ສະຫງົບ ​ແລະ​ຊື້​ຈ້າງ​ຈອບ​ອອຍ.

ທ່ານ Ban ​ໄດ້​ກ່າວ​ລະຫວ່າງ​ໂທລະສັບໂອ້​ລົມ​ກັບລັດຖະມົນຕີ​ຕ່າງປະ​ເທດ Prak Sokhon ຊຶ່ງ​ເນື້ອໄນ​ໃຈຄວາມ​ຂອງ​ການ​ໂອ້​ລົມ​ດັ່ງກ່າວ​ໄດ້​ຖືກ​ພິມ​ເຜີຍແຜ່​ໃນ​ເວລາ​ຕໍ່​ມາ
​ຢູ່ໜ້າ​ເວັບ​ໄຊ​ຂອງສະຫະ​ປະຊາ​ຊາດ​ໃນ​ວັນ​ພຸດ​ທີ່​ຜ່ານ​ມາ. ​ເວັບ​ໄຊ​ກ່າວ​ວ່າ ທ່ານ Ban “​ໄດ້​ສະ​ແດງ​ຄວາມ​ເປັນ​ຫ່ວງ” ກ່ຽວ​ກັບ​ຄວາມສຳ ພັນ​ທີ່​ໄດ້​ແຕກ​ຫັກ​ລົງ​ລະຫວ່າງ​ພັກ ​ແລະ​ການ​ຈັບ​ກຸມ​ຄຸມ​ຂັງ​ພວກ​ຄັດຄ້ານ.​

ອ່ານຂ່າວນີເພີ້ມເປັນພາສາອັງກິດ

XS
SM
MD
LG