ລິ້ງ ສຳຫລັບເຂົ້າຫາ

ສປຊ ຮ້ອງຂໍທຶນ ມູນ​ຄ່າ 111 ລ້ານ​ດອນ​ລາ​ ເພື່ອລ້ຽງດູ ພົນລະເມືອງ ເກົາຫຼີເໜືອ


ຊາວເກົາຫຼີເໜືອ ແຈກຢາຍ ເປົາແປ້ງທີ່ນຳເຂົ້າມາຢູ່ແຄມຝັ່ງ ແມ່ນ້ຳ Yalu ໃກ້ໆກັບເມືອງ Sinuiju ຂອງເກົາຫຼີເໜືອ ກົງກັນຂ້າມກັບ ຊາຍແດນຈີນ ເມືອງ Dandong, ວັນທີ 27 ມັງກອນ 2014.

ຊາວເກົາຫຼີເໜືອ ແຈກຢາຍ ເປົາແປ້ງທີ່ນຳເຂົ້າມາຢູ່ແຄມຝັ່ງ ແມ່ນ້ຳ Yalu ໃກ້ໆກັບເມືອງ Sinuiju ຂອງເກົາຫຼີເໜືອ ກົງກັນຂ້າມກັບ ຊາຍແດນຈີນ ເມືອງ Dandong, ວັນທີ 27 ມັງກອນ 2014.

ອົງການ​ສະຫະ​ປະຊາ​ຊາດ ຫຼື UN ​ໄດ້​ຮ້ອງຂໍທຶນມູນ​ຄ່າ 111
ລ້ານ​ດອນ​ລາ​ ເພື່ອ​ຊ່ອຍ​ເຫຼືອພົນລະ​ເມືອງ​ ຂອງເກົາຫຼີ​ເໜືອ
ເປັນຈຳນວນ ຫຼວງຫຼາຍ ທີ່​ກຳລັງ​ປະ​ເຊີນ​ກັບ​ວິ​ກິດ​ການ​ຂາດ
​ແຄນອາຫານ​ການ​ກິນ.

ຜູ້​ປະສານ​ງານ ​ດ້ານ​ມະນຸດສະທຳ​ຂອງ​ອົງການ​ສະຫະ​ປະຊາ​ຊາດ ຮັບຜິດຊອບກ່ຽວກັບເກົາຫຼີ​ເໜືອ ທ່ານ Ghulam Isaczai ກ່າວ​ຕໍ່
ຜູ້​ສື່​ຂ່າວ​ວີ​ໂອ​ເອ Margaret Besheer ວ່າ ທຶນ​ດັ່ງກ່າວ ຈະ​ຊ່ອຍ
5 ອົງການ​ຊ່ອຍ​ເຫຼືອ ຂອງ UN ທີ່​ກຳລັງ​ເຮັດ​ວຽກຢູ່ໃນເກົາຫຼີເໜືອ
ສືບ​ຕໍ່​ສະໜອງ​ອາຫານການ​ກິນ ນ້ຳສະອາດ ​ແລະ ​ປັດໄຈ ທີ່
ຈຳເປັນ​ຕ່າງໆ ​ໃນ​ປີ 2015.

ທ່ານ​ Isaczai ​ເວົ້າ​ໃນ​ວັນ​ພຸດ​ວານ​ນີ້ວ່າ “ພວກ​ເຮົາ ​ຮ້ອງ​ຂໍການ​ຊ່ອຍ​ເຫຼືອ ​ແລະ ການ​
ສະໜັບ​ສະ​ໜຸນເພີ້ມຕື່ມ ​ເພື່ອ​ໃຫ້ການປະຕິບັດ​ພາ​ລະ​ກິດ​ຂອງ UN ​ດຳເນີນ​ຕໍ່​ໄປ.
​ແລະ ຖ້າ​ຫາກ​ພວກ​ເຮົາ ບໍ່​ສະໜອງ​ການ​ສະໜັບສະໜຸນ​ແລ້ວ ສິ່ງ​ທີ່​ພວກ​ເຮົາ​ໄດ້​
ເຮັດ​ມາ ​ໃນ​ໄລຍະ​ຫຼາຍໆ​ປີຜ່ານມານັ້ນ ກໍຈະ​ຕ່າວປີ້ນ​ຄືນ.”

UN ກ່າວ​ວ່າ 70 ​ເປີ​ເຊັນ ​ຂອງ​ພົນລະ​ເມືອງ​ເກົາຫຼີ​ເໜືອ​ ຫຼື 18 ລ້ານ​ຄົນນັ້ນ ​ແມ່ນ​ບໍ່​ມີ​ຄວາມ​ໝັ້ນຄົງ​ດ້ານ​ອາຫານ​ການ​ກິນ ​ແລະ ຂາດ​ແຄນ​ຄວາມ​ຫລາກຫຼາຍ ໃນ​ດ້ານ​ໂພຊະ​ນາ​ການ.

​ແຕ່​ທ່ານ​ Isaczai ກ່າວ​ວ່າ ຈຳນວນ​ຂອງ​ຄົນ​ເຫຼົ່ານັ້ນ ​ເກືອບ 2 ລ້ານ​ຄົນ​ ສ່ວນ​ໃຫຍ່ແລ້ວ ແມ່ນພວກເດັກ​ນ້ອຍ ​ແມ່ຍິງ​ທີ່​ຕັ້ງຄັນ ​ແລະ ​ແມ່​ຍິງທີ່​ກຳ​ລັງ​ລ້ຽງ​ລູກ​ດ້ວຍ​ນົມ ແລະ ຜູ້​ເຖົ້າຜູ້​ແກ່ ​ແມ່ນ​ຕ້ອງການ​ການ​ຊ່ວຍ​ເຫຼືອດ້ານ​ອາຫານ​ການ​ກິນຫຼາຍທີ່​ສຸດ ​ແລະ ພວກ​ແມ່ຍິງ ​ແລະ ​ເດັກ​ນ້ອຍອີກຈຳນວນ 350,000 ຄົນ ​ແມ່ນ​ຕ້ອງການ​ ການສັກ​ຢາ​ວັກ ຊີນ ​ແລະ ຄວາມຊ່ອຍ
ເຫລືອ​ທາງດ້ານ​ການ​ແພດຕ່າງໆ.

XS
SM
MD
LG