ລິ້ງ ສຳຫລັບເຂົ້າຫາ

ວັນພະຫັດ, ໒໘ ມີນາ ໒໐໒໔

ທູດ​ພິ​ເສດ​ ສປຊ ​ ກ່າວ​ວ່າ ປະຊາຊົນ​ ລີ​ເບຍ ຕ້ອງຖືເອົາ ປີ 2017 ເປັນປີ ການຕັດສິນໃຈ


ماہی گیر سمندر سے شکار کے بعد بڑی مچھلیاں مارکیٹ میں ترتیب سے رکھ دیتے ہیں۔
ماہی گیر سمندر سے شکار کے بعد بڑی مچھلیاں مارکیٹ میں ترتیب سے رکھ دیتے ہیں۔

ທູດ​ພິ​ເສດ​ຂອງ​ອົງການ​ສະຫະ​ປະຊາ​ຊາດ ຮັບຜິດຊອບ​ເລື່ອງ​ລີ​ເບຍ ກ່າວ​ວ່າ ປະຊາຊົນ
​ຊາວລີ​ເບຍຈະ​ຕ້ອງ​ເຮັດ​ໃຫ້ປີ 2017 “​ເປັນ​ປີແຫ່ງ​ການ​ຕັດສິນ​ໃ​ຈແລະສ້າງ​ຄວາມກ້າວ ໜ້າ​ທາງດ້ານ​ການ​ເມືອງ.”

ທ່ານ Martin Kobler ​ໄດ້​ກ່າວ​ຕໍ່​ສະພາ​ຄວາມ​ໝັ້ນຄົງ​ ອົງການ​ສະຫະປະຊາ​ຊາດວ່າ
ການ​ຕັດສິນ​ໃນເຫລົ່ານັ້ນ ​ແມ່ນ​ຄວນຈະ​ຮວມ​ທັງ ການ​ສ້າງຕັ້ງກອງທັບ​ແລະ​ກຳລັງຕຳ ຫຼວດທີ່​ເຂັ້ມ​ແຂງ ​ໃຊ້​ເງິນ​ລາຍ​ໄດ້​ຈາກ​ນ້ຳມັນ​ແລະ​ແກັສ​ໃນວິທີ​ທາງ​ທີ່​ດີ​ທີ່​ສຸດ ​ແລະ​ໃຫ້
ແກ້​ໄຂຂໍ້​ຕົກລົງ​ທາງ​ການ​ເມືອງທີ່​ຈະ​ນຳ​ເອົາ​ລັດຖະບານ​ທີ່​ໜຸນ​ຫຼັງ​ໂດຍ​ປະເທດຕາ​ເວັນ
​ຕົກກັບ​ຄືນ​ໄປ​ນະຄອນ Tripoli.

ທ່ານ Kobler ​ໄດ້​ກ່າວ​ວ່າ ພວກ​ກຸ່ມ​ລັດ​ອິສລາມ ​ແມ່ນ​ບໍ່​ໄດ້​ຄວບ​ຄຸມ​ຂົງ​ເຂດ​ໃດໆ​ຂອງ
ລີ​ເບຍແລ້ວ ​ແຕ່​ວ່າ ຍັງ​ເປັນ​ໄພ​ຂົ່ມຂູ່ ​ແລະ​ປະ​ເທດ​ຍັງ​ມີ​ຄວາມ​ສ່ຽງໃນ​ເລື່ອງ​ການ​ກໍ່​ການ
​ຮ້າຍ ຢູ່.

“ຊາຍ​ແດນ​ຂອງ​ປະ​ເທດ ຍັງມີ​ຊ່ອງ​ຫວ່າງ​ຢູ່. ກຸ່ມການ​ກໍ່​ການ​ຮ້າຍ ກຸ່ມ​ຄ້າມະນຸດ​ແລະ​
ອາວຸດ ​ແລະ​ກຸ່ມ​ອາ​ຊະ​ຍາ​ກຳຕ່າງໆ ຍັງຈະ​ສືບ​ຕໍ່ ສວຍ​ໃຊ້ຊ່ອງ​ຫວ່າງ​ທາງ​ດ້ານຄວາມ​
ປອດ​ໄພ”
ນັ້ນ​ແມ່ນ​ຄຳ​ເວົ້າ​ຂອງ​ທ່ານ Kobler.

ລີ​ເບຍ ​ແມ່ນ​ໄດ້​ຮັບ​ຜົນ​ກະທົບ​ທາງ​ການ​ເມືອງ​ຢ່າງ​ຮ້າຍ​ແຮງ ນັບ​ຕັ້ງ​ແຕ່ ຈອມຜະ​ເດັດ​ການ Moammar Gadhafi ທີ່​ຄອງ​ອຳນາດເປັນ​ເວລາ​ດົນນານ ​ໄດ້​ຖືກ​ໂຄ່ນ​ລົ້ມ ​ແລະ​ຖືກ​ສັງ
ຫານ ​ໃນ​ປີ 2011.

ລັດຖະບານ​ທີ່​ໜຸນ​ຫຼັງ​ໂດຍ​ອົງການ​ສະຫະ​ປະຊາ​ຊາດຂອງ​ນາຍົກລັດຖະມົນຕີ Fayez
al Sarraj ​ໄດ້​ເຂົ້າ​ກຳ​ອຳນາດ​ທີ່​ນະຄອນ Tripoli ​ແລະ​ໄດ້​ພົບ​ກັບ​ຄວາມ​ຫຍຸ້ງຍາກ​ທີ່​ຈະ
​ເຂົ້າຄວບ​ຄຸມ​ປະ​ເທດທັງ​ໝົດ ​ໃນ​ຂະນະ​ທີ່ລັດຖະບານ ຊຶ່ງເປັນຄູ່​ແຂ່ງ ທີ່ນຳພາ​ໂດຍ
ນາຍ​ພົນ ທ່ານ Khalifa Hafter ​ໄດ້​ຄວມຄຸ​ມເມືອງ Tobruk ທາງ​ພາກ​ຕາ​ເວັນ​ອອກ​
ຂອງ​ປະ​ເທດ ​ແລະກຳລັງ​ຊອກ​ສະ​ແຫວ​ງ​ຫາ​ອຳ​ນາດຢູ່.

ອ່ານ​ຂ່າວ​ນີ້​ເພີ້​ມຕື່ມ​ເປັນ​ພາສາ​ອັງກິດ

XS
SM
MD
LG