ລິ້ງ ສຳຫລັບເຂົ້າຫາ

ສປຊ ສະໜັບສະໜູນ ມາດຕະການ ຍຸຕິ ການລະບາດຂອງ HIV/AIDS ພາຍໃນ ປີ 2030


ນາງ Loyce Maturu ນັກເຄື່ອນໄຫວ ລົນນະລົງເລື້ອງ
HIV/AIDS ຈາກປະເທດ Zimbabwe, ກ່າວຖະແຫລງ ໃນ ການເປີດ ກອງປະຊຸມ ສະມັດຊາໃຫຍ່ ອົງການສະຫະປະຊາ ຊາດ ວ່າດ້ວຍການຍຸຕິ ໂຣກ AIDS, ວັນທີ 8 ມິຖຸນາ 2016.

ນາງ Loyce Maturu ນັກເຄື່ອນໄຫວ ລົນນະລົງເລື້ອງ HIV/AIDS ຈາກປະເທດ Zimbabwe, ກ່າວຖະແຫລງ ໃນ ການເປີດ ກອງປະຊຸມ ສະມັດຊາໃຫຍ່ ອົງການສະຫະປະຊາ ຊາດ ວ່າດ້ວຍການຍຸຕິ ໂຣກ AIDS, ວັນທີ 8 ມິຖຸນາ 2016.

ໃນເວລາ ທ່ານນາງ Loyce Maturu ມີອາຍຸໄດ້ 10 ປີ ນາງໄດ້ສູນເສຍແມ່ ແລະ ອ້າຍ ຂອງນາງ ໃຫ້ແກ່ໂຣກ AIDS ແລະ ໂຣກປອດແຫ້ງ ໃນສັບປະດາດຽວກັນ. ສອງປີຕໍ່ມາ ນາງໄດ້ຖືກວິນິດໄສ ວ່ານາງ​ໄດ້​ຕິດໂຣກທັງສອງຢ່າງນັ້ນ.

ໜຸ່ມນ້ອຍຊາວ Zimbabwe ໄດ້ປະສົບກັບຄວາມຍາກລຳບາກ ດ້ານຈິດ​ໃຈ ແລະ ການ ກ່າວປະນາມທາງວາຈາ ຈາກສະມາຊິກຂອງຄອບ ຄົວ ຍ້ອນມົນທິນ ກ່ຽວ​ກັບຖານະ ທາງ ດ້ານສຸຂະພາບຂອງນາງ ແລະ ໃນປີ 2010 ນາງໄດ້ພະຍາຍາມ ຂ້າຕົວຕາຍ. ແຕ່ໃນ ປັດຈຸບັນນີ້ ນາງເປັນແມ່ຍິງອາຍຸ 24 ປີ ທີ່ຈະເລີນຢ່າງຫ້າວຫັນ ຜູ້ທີ່ທຳງານ ເພື່ອເຮັດໃຫ້ ພວກຍິງສາວ ແລະ ໄວລຸ້ນທີ່ຕິດເຊື້ອ HIV ໃຫ້ມີຄວາມເຂັ້ມແຂງ.

ປະທານ ສະມັດຊາໃຫຍ່ ອົງການສະຫະປະຊາຊາດ ທ່ານ Mogens Lykketoft, ຂວາ, ຮັບຟັງ ໃນຂະນະທີ່ ເລຂາທິການໃຫຍ່ອົງການສະຫະປະຊາຊາດ ທ່ານ Ban Ki-moon ກ່າວຖະແຫລງ ໃນການເປີດ ກອງປະຊຸມລະດັບສູງ ເລື້ອງການຍຸຕິ ໂຣກ AIDS, ວັນທີ 8 ມິຖຸນາ 2016.

ປະທານ ສະມັດຊາໃຫຍ່ ອົງການສະຫະປະຊາຊາດ ທ່ານ Mogens Lykketoft, ຂວາ, ຮັບຟັງ ໃນຂະນະທີ່ ເລຂາທິການໃຫຍ່ອົງການສະຫະປະຊາຊາດ ທ່ານ Ban Ki-moon ກ່າວຖະແຫລງ ໃນການເປີດ ກອງປະຊຸມລະດັບສູງ ເລື້ອງການຍຸຕິ ໂຣກ AIDS, ວັນທີ 8 ມິຖຸນາ 2016.

ນາງ Maturu ໄດ້ກ່າວ ຕໍ່ກອງປະຊຸມສະມັດຊາໃຫຍ່ ອົງການສະຫະ ປະຊາຊາດ ໃນ ວັນພຸດວານນີ້ ໃນລະຫວ່າງ ກອງປະຊຸມລະດັບສູງ ​ເພື່ອຍຸດຕິການລະບາດ​ຂອງໂຣກ HIV/AIDS ພາຍໃນປີ 2030 ວ່າ “ດຽວນີ້ ແຕ່ລະມື້ ທີ່ຂ້າພະເຈົ້າມີຊີວິດຢູ່ ຂ້າພະເຈົ້າ ຂອບອົກຂອບໃຈ ທີ່ຂ້າພະເຈົ້າເປັນໜຶ່ງ ໃນຈຳນວນ 17 ລ້ານຄົນ ທີ່ເປັນຂີດໝາຍສຳ ເລັດຂອງການຮັກສາ​ເຊື້ອ HIV ໃນໄລຍະຫຼາຍໆປີຜ່ານມາ ແລະ ມັນສະແດງໃຫ້ເຫັນ ວ່າ ພ້ອມໆກັນ ພວກເຮົາມີ ພະລັງອັນຍິ່ງໃຫຍ່ ທີ່ຈະຊ່ອຍເຫຼືອຫຼາຍໆຊີວິດໄດ້.”

ພວກຄົນໜຸ່ມນ້ອຍ ໄດ້ຮັບຜົນກະທົບຢ່າງໜັກ ຈາກການ​ຕິດ​ເຊື້ອ HIV/AIDS. ເດັກນ້ອຍ ປະມານ 14 ລ້ານຄົນ ໄດ້ກາຍເປັນກຳພ້າ ໂດຍການລະບາດຂອງ​ເຊື້ອ​ໄວ​ຣັສດັ່ງກ່າວ. ພວກຊາວໜຸ່ມ ກໍໄດ້ຕິດເຊື້ອນີ້ ​ໃນອັດຕາສູງ ປະມານ 2,000 ກໍລະນີໃໝ່​ໃນແຕ່ລະມື້
ຊຶ່ງ​ພາ​ໃຫ້​ມີການ​ເສຍ​ຊີວິດ​ເພີ້ມຂຶ້ນ​ໃນ​ໝູ່​ພວກ​ຊາວ​ໜຸ່ມ ອັນ​ເປັນສາ ​ເຫດ​ອັນດັບ​ສອງ​ຂອງ​ການ​ເສຍ​ຊີວິດ​ໃນ​ໝູ່​ຊາວ​ໜຸ່ມ​ຢູ່​ໃນ​ທົ່ວ​ໂລກ.

ອ່ານຂ່າວນີ້ຕື່ມ ເປັນພາສາອັງກິດ

XS
SM
MD
LG