ລິ້ງ ສຳຫລັບເຂົ້າຫາ

ວັນພະຫັດ, ໒໘ ມີນາ ໒໐໒໔

ການຕິດເຊື້ອ HIV ໃນໝູ່ຊາວໜຸ່ມ ຄາດວ່າ ຈະເພີ່ມຂຶ້ນ 60 ເປີເຊັນ ໃນປີ 2030


ໄວລຸ້ນກຳລັງຫຼິ້ນເກມ "ຄວາມຮູ້ ກ່ຽວກັບ ເຊື້ອ HIV" ໃນງານແຫ່ງໜຶ່ງ ທີ່ຈັດຂຶ້ນເພື່ອສົ່ງເສີມສຸຂະພາບທາງເພດ ແລະ ການຈະເລີນພັນໃນບັນດາຊາວໜຸ່ມ. ສະໜັບສະໜູນໂດຍ ສູນກາງເພື່ອການສຶກສາ ກ່ຽວກັບ ສຸຂະພາບ ຈີນ ແລະ ອົງການ UNICEF ຈີນ.
ໄວລຸ້ນກຳລັງຫຼິ້ນເກມ "ຄວາມຮູ້ ກ່ຽວກັບ ເຊື້ອ HIV" ໃນງານແຫ່ງໜຶ່ງ ທີ່ຈັດຂຶ້ນເພື່ອສົ່ງເສີມສຸຂະພາບທາງເພດ ແລະ ການຈະເລີນພັນໃນບັນດາຊາວໜຸ່ມ. ສະໜັບສະໜູນໂດຍ ສູນກາງເພື່ອການສຶກສາ ກ່ຽວກັບ ສຸຂະພາບ ຈີນ ແລະ ອົງການ UNICEF ຈີນ.

ໂດຍປາສະຈາກການ​ຂະຫຍາຍທຶນຊ່ວຍເຫຼືອ, ອົງການກອງທຶນເດັກຂອງສະຫະປະຊາ ຊາດຫຼື UNICEF ໄດ້ຄາດຄະ​ເນ​ວ່າການຂະຫຍາຍ ຕົວຂອງຈຳນວນໄວລຸ້ນທີ່ຕິດເຊື້ອ HIV ຈະ​ເພີ້ມຂຶ້ນ 60 ເປີເຊັນພາຍໃນປີ 2030.

ອີງຕາມລາຍງານສະບັບໃໝ່ຂອງອົງການ UNICEF, ບັນດາຜູ້ຂຽນໄດ້ກະປະມານວ່າ ຕົວເລກອາດຈະ​ເພີ້ມຂຶ້ນຈາກ 250,000 ຄົນໃນປີ 2015 ​ເປັນ 400,000 ຄົນ ພາຍໃນໄລຍະບໍ່ເຖິງ 15 ປີຂ້າງໜ້າ.

ລາຍງານໄດ້ກ່າວວ່າ ເດັກນ້ອຍ 1 ລ້ານ 8 ແສນຄົນ ແລະ ໄວລຸ້ນໃນປະຈຸບັນນີ້ກຳລັງດຳ ລົງຊີວິດກັບເຊື້ອ HIV, ສ່ວນໃຫຍ່ນັ້ນແມ່ນຢູ່ໃນປະເທດລຸ່ມທະເລຊາຍ ຊາຮາຣາ ​ຂອງ ອາຟຣິກາ.

ບັນດາໝູ່ເພື່ອນນັກສິກສາດ້ານສຸດຂະພາບ ເຕົ້າໂຮມກັນໃນພິທີວັນ AIDS ໂລກ ທີ່ມະຫາວິທະຍາໄລ ອາເມຣິກັນ ໃນນະຄອນຫຼວງ ດູໄບ. 25 ມັງກອນ 2016.
ບັນດາໝູ່ເພື່ອນນັກສິກສາດ້ານສຸດຂະພາບ ເຕົ້າໂຮມກັນໃນພິທີວັນ AIDS ໂລກ ທີ່ມະຫາວິທະຍາໄລ ອາເມຣິກັນ ໃນນະຄອນຫຼວງ ດູໄບ. 25 ມັງກອນ 2016.

ໃນວັນ AIDS ໂລກປີນີ້, ອົງການ UNICEF ແມ່ນກຳລັງຮຽກຮ້ອງໃຫ້ສືບຕໍ່ສ້າງ​ຄວາມ​ກ້າວໜ້າ​ໃນການປ້ອງກັນເຊື້ອ HIV ໃນກຸ່ມໄວລຸ້ນ.

ທ່ານນາງ Vivian Lopez ຜູ້ຊ່ຽວຊານໂຄງການ HIV ຂອງອົງການ ສະຫະປະຊາຊາດໄດ້ ກ່າວວ່າ ແມ່ຍິງໄວໜຸ່ມ ກັບ ເດັກຍິງ ແມ່ນຜູ້ທີ່ມີຄວາມສ່ຽງໂດຍສະເພາະ.

ທ່ານນາງ Lopez ໄດ້ກ່າວວ່າ “ໃນ ອາຟຣິກາ, ພວກເຮົາກວດພົບການຕິດເຊື້ອໃໝ່ 3 ​ໃນ​ທຸກໆ 4 ຄົນ​ໃດ ​ແມ່ນ​ຢູ່ໃນກຸ່ມເດັກຍິງໄວລຸ້ນ ອາຍຸແຕ່ 15 ຫາ 19 ປີ. ແລະ ວ່າມັນ ຍັງສາມາດໝາຍເຖິງພວກແມ່ ຍິງໄວລຸ້ນນັ້ນຈະຖືພາ. ແລະ ແລ້ວພວກເຮົາກໍຈະມີ ການໝູນວຽນຂອງເດັກນ້ອຍທີ່ກາຍເປັນຜູ້ຕິດເຊື້ອໃໝ່.”

ອ່ານຂ່າວນີ້ຕື່ມເປັນພາສາອັງກິດ

XS
SM
MD
LG