ລິ້ງ ສຳຫລັບເຂົ້າຫາ

ປ. Obama ຕ້ອນຮັບ ນາຍົກ ປາກິສຖານ ທ່ານ Sharif ຢູ່ ທຳນຽບຂາວ


ປະທານາທິບໍດີສະຫະລັດ ທ່ານ Barack Obama ຕ້ອນຮັບ
ນາຍົກລັດຖະ ມົນຕີປາ​ກິ​ສຖານ ທ່ານ Nawaz Sharif ທີ່​ທຳ
ນຽບຂາວ ​ໃນ​ວັນ​ພະຫັດ​ວານ​ນີ້ ດ້ວຍ​ການ​ໃຫ້ຄຳ​ໝັ້ນ​ສັນຍາ
ອີກຄັ້ງນຶ່ງ ທີ່​ຈະ​ເສີມຂະຫຍາຍ ​ສາຍສຳພັນ ທີ່​ເຫັນ​ວ່າ ​ເປັນ
ຄວາມ​ຫວັງ​ສຸດ​ຍອດ ທີ່​ຈະ​ເປັນຜູ້ໄກ່ເກ່ຍສັນຕິພາບ​ຢູ່​ໃນອັຟ
ການິ​ສຖານ.

ຜູ້ນຳ​ທັງ​ສອງ​ໄດ້​ອອກ​ມາ​ຈາກການ​ປະຊຸມ​ຢູ່ທີ່ທຳນຽບຂາວ
ໂດຍ​ປະກາດ​ວ່າ ​ບໍ່​ມີກຳນົດ​ເວລາ​ກ່ຽວກັບການ​ເຈລະຈາ​ສັນຕິ
ພາບ ທີ່ຕົກຢູ່ໃນສະພາບບໍ່ໄປບໍ່ມາ ຫລື​ບັນ​ລຸຄວາມກ້າວໜ້າ​ທີ່​
ສຳຄັນ​ໃດໆ ກ່ຽວ​ກັບ​ເລື້ອງ​ອຶ່ນໆ ​ທີ່ຢູ່​ໃນ​ລາຍການ​ປະຊຸມ​ຂອງ
​ພວກທ່ານຮວມທັງ​ຄວາມ​ເປັນ​ຫ່ວງ​ກ່ຽວກັບການ​ເຕີບໃຫຍ່ຂະຫຍາຍ ​ໂຕ​ຂອງຄັງອາວຸດ
​ນິວ​ເຄລຍ​ປາ​ກິ​ສຖານ. ​ແຕ່ແທນທີ່ ​ພວກທ່ານໄດ້ກ່າວຊົມເຊີຍ ກ່ຽວກັບຂໍ້ລິເລີ້ມໃໝ່​ທາງ
​ດ້ານ​ການ​ຄ້າ ພະລັງງານ​ສະອາດ ​ແລະ​ການ​ສຶກສາ​ແກ່​ພວກແມ່ຍິງ.

ຢູ່​ໃນ​ການສະ​ເໜີ​ສັ້ນໆກ່ອນ​ການການ​ປະຊຸມ​ຂອງ​ພວກທ່ານນັ້ນ ທ່ານ Obama ກ່າວ​ວ່າ
“ຄວາມຈິງ​ແລ້ວ ສະຫະລັດ ​ແລະ​ປາ​ກິ​ສຖານ ​ໄດ້​ມີຄວາມ​ສຳພັນ​ ​ອັນ​ຍາວ​ນານ ໄດ້ປະຕິ
ບັດ​ງານ ​ແລະ​ຮ່ວມມືກ່ຽວກັບບັນຫາຕ່າງໆ. ພວກ​ເຮົາ​ກຳລັງ​ເບິ່ງ​ໄປ​ໜ້າ ​ທີ່​ຈະ​ໃຊ້​ກອງ​ປະ
ຊຸ​ມນີ້ ​ເປັນ​ໂອກາດເພື່ອ​ເຮັດໃຫ້ຄວາມສຳພັນເລິກລົງໄປກວ່າເກົ່າ.”

ທ່ານ Sharif ໃຫ້ຂໍ້ສັງເກດກ່ຽວກັບຄວາມ​ສຳພັນ​ສອງ​ຝ່າຍ ​ໂດຍ​ກ່າວ​ວ່າ “ຄວາມສຳພັນ ​ຂອງປາ​ກິ​ສຖານ ແລະອາ​ເມຣິກາ ຍືນ​ຍົງຢູ່່ມາໄດ້ 70 ປີແລະ​ມັນ​ເປັນ​ຄວາມມຸ້ງ​ມາດ​ປາດ​
ຖະໜາ​ຂອງຂ້າພະ​ເຈົ້າ ທີ່​ຈະເສີມຂະຫຍາຍແລະໃຫ້ຄວາມສຳພັນນີ້ແໜ້ນແຟ້ນຂຶ້ນ
ກວ່າເກົ່າ.”​

ທໍານຽບຂາວ ກຳລັງ​ພະຍາຍາມ​ກົດ​ດັນໃຫ້ປາ​ກິ​ສຖານ ຫລີ້ນ​ບົດບາດ​ສຳຄັນຢູ່​ໃນ​ແຜນ
ການທີ່ມີການທົບທວນໃໝ່ຂອງວໍຊິງ​ຕັນ ​ເພື່ອ​ຍຸດຕິສົງຄາມທີ່ມີມາເປັນເວລາ 14 ປີ
ຢູ່​ທີ່ປາກ​ປະຕູ​ຂອງປາ​ກິ​ສຖານນັ້ນ.

ອາທິດ​ແລ້ວ​ນີ້ ທ່ານ Obama ​ໄດ້​ຕ່າວປີ້ນ​ຄຳ​ສັນ​ຍາ​ຂອງ​ທ່ານ ທີ່​ຈະ​ຖອນ​ທະ​ຫານ
​ສະຫະລັດ ອອກ​ຈາກອັ​ຟກາ​ນິສຖານ ກ່ອນ​ທ່ານ​ໝົດ​ໜ້າ​ທີ່ ອັນ​ເປັນ​ການ​ຮັບ​ຮູ້​ ທີ່​ປະ​
ເທດດັ່ງກ່າວຍັງບໍ່ມີຄວາມ​ບໍ່​ທຸ່ນ​ທ່ຽງເທື່ອ. ດ້ວຍ​ການ​ຕັດສິນໃຈ​ດັ່ງ​ກ່າວ ບັນດາ​ເຈົ້າ​ໜ້າ​
ທີ່ ສະຫະລັດ ບັດ​ນີ້​ມີ​ຄວາມ​ຫວັງ​ທີ່​ຈະ​ເນັ້ນ​ໜັກ​ໃສ່ ຍຸດ​ທະ​ສາດ​ການ​ເມືອງເພື່ອສ້າງ​ສັນ
ຕິ​ພາບ ຮວມທັງຊຸກຍູ້ໃຫ້ປາ​ກິ​ສຖານ​ ​ຮື້​ຟື້ນການ​ເຈ​ລະຈາ​ສັນຕິພາບ ທີ່​ໄດ້​ຕົກຢູ່ໃນສະ
ພາບບໍ່ໄປບໍ່ມາ ຕັ້ງແຕ່​ລະດູ​ຮ້ອນ​ພຸ້ນ.

XS
SM
MD
LG