ລິ້ງ ສຳຫລັບເຂົ້າຫາ

ການຢຸດຍິງ ຍັງມີຜົນບັງຄັບ ໃນສ່ວນໃຫຍ່ ຂອງຊີເຣຍ

  • ສິງ ບູຣົມມະວົງ

ບັນດາຜູ້ໄວ້ອາໄລກໍາລັງພາກັນຍົກຫີບສົບຂອງ ນັກຖ່າຍໂທລະພາບ ເລບານອນ Ali Shaaban, ຂອງຊ້ອງ Al-Jadeed ທີ່ຖືກຍິຮງຕາຍ ທີ່ຊາຍແດນ Lebanon-Syria ວັນທີ່ 10, ເດືອນເມສາ. 2012.

ພວກ​ຜູ້​ນໍາ​ຝ່າຍ​ຄ້ານ​ຊີ​ເຣຍບາງ​ທ່ານ​ຮຽກຮ້ອງ​ໃຫ້​ທໍາ​ການ​ປະ​ທ້ວງ​ຂຶ້ນ ເພື່ອ​ທົດ​ສອບ ​
ການ​ຕັດສິນ​ໃຈ​ຂອງ​ລັດຖະບານ ​ກ່ຽວ​ກັບ​ການປະຕິບັດ​ຕາມ​ຂໍ້​ຕົກລົງ​ຢຸດ​ຍິງ​ທີ່ສະຫະ
ປະຊາ​ຊາດ​ເປັນ​ຜູ້​ໄກ່​ເກ່ຍນັ້ນ.

ການ​ທ້າ​ທາຍ​ທີ່​ເປີດ​ເຜີຍ​ອອກ​ໂດຍ​ສະພາ​ປົກຄອງ​ແຫ່ງ​ຊາດ​ຂອງ​ຝ່າຍຄ້ານ ​ໃນ​ວັນ​
ພະຫັດ​ມື້​ນີ້ ມີ​ຂຶ້ນ​ໃນ​ເວລາ​ພຽງ​ບໍ່​ເທົ່າ​ໃດ​ຊົ່ວ​ໂມງ​ຫຼັງຈາກຄວາມ​ວຸ້ນວາຍ​ມິດ​ງຽບ​ລົງ
ປະກົດ​ຂຶ້ນ​ຢູ່​ໃນ​ທົ່ວ​ປະ​ເທດ​ນັ້ນ.

ທ່ານ Fawaz Zakri ​ໂຄສົກ​ປະ​ຈໍາ​ສະພາ​ປົກຄອງ​ແຫ່ງ​ຊາດ​ຊົ່ວຄາວ ​ໄດ້​ຕັ້ງ​ຄວາມ
ຫວັງ​ໄວ້ວ່າ ​ຄວາມ​ຮຸນ​ແຮງທີ່​ດຳ​ເນີນມາ​ໄດ້ຫຼາຍ​ເດືອນແລ້ວນັ້ນ ໃນ​ທີ່ສຸດກໍ​ຍຸດຕິ​ລົງ ​
ແຕ່​ທ່ານ​ກ່າວ​ວ່າ ມັນ​ສົມຄວນ​ແກ່​ເວລາ​ທີ່​ພວກ​ປະ​ທ້ວງ​ທໍາ​ການ​ປະ​ທ້ວງ​ຕື່ມ​ອີກ​ເພື່ອ
ຢາກ​ໃຫ້​ຜູ້​ຄົນ​ໄດ້​ຍິນ​ສຽງ​ຂອງ​ເຂົາ​ເຈົ້າ.

ກຸ່ມ​ປົກ​ປ້ອງ​ສິດທິ​ມະນຸດ​ຊີ​ເຣຍ Observatory ທີ່​ມີ​ຫ້ອງການ​ປະຕິບັດ​ງານ​ຢູ່​ໃນ​ປະ
ເທດ​ອັງກິດ ກ່າວ​ຕໍ່​ວີ​ໂອ​ເອວ່າ ບໍ່​ມີ​ລາຍ​ງານແຈ້ງ​ໃຫ້​ຊາບ​ກ່ຽວ​ກັບ​ຄວາມ​ຮຸນ​ແຮງ​ໃດໆ
ເກີດ​ຂຶ້ນ​ ນັບ​ແຕ່​ກຳນົດເສ້ນ​ຕາຍ​ຂອງ​ການ​ຢຸດ​ຍິງ​ມີ​ຜົນ​ບັງຄັບ​ໃຊ້​ມາ ​ເວລາ 6:oo ​ໂມງ
ເຊົ້າ​ຕາມ​ເວລາ​ໃນ​ທ້ອງຖິ່ນ​ ໃນ​ມື້​ນີ້.

ເຖິງ​ແມ່ນ​ສະຖານະ​ການ​ມິດ​ງຽບລົງ ​ແຕ່​ພວກ​ອົບ​ພະຍົບຊີ​ເຣຍຫຼາຍຄົນ​ຍັງ​ມີ​ຄວາມ
ສົງ​ໄສ​ຢູ່.

ຊາວ​ອົບ​ພະຍົບຄົນ​ນຶ່ງ​ທີ່​ບໍ່​ບອກ​ຊື່​ໃຫ້​ຊາບ​ ທີ່​ຍັງ​ອາ​ໄສ​ຢູ່​ໃນ​ເຂດ​ຊາຍ​ແດນ​ຂອງ​ເທີ​ກີ
ກ່າວ​ວ່າ ທຸກ​ສິ່ງ​ທຸກ​ຢ່າງ​ທີ່​ມາ​ຈາກ​ລັດຖະບານ​ປະທານາ​ທິບໍດີ Bashar al-assad
ບໍ່​ສາມາດ​ເຊື່ອ​ຖື​ໄດ້.

ຂໍ້​ຕົກລົງ​ທີ່​ໄກ່​ເກ່ຍ​ໂດຍ​ທ່ານ​ໂກ​ຟີ ອັນ​ນັນ ທູດ​ພິ​ເສດ​ສະຫະ​ປະຊາ​ຊາດ​ແລະ​ສັນນິບາດ​
ອາຣັບ ມີ​ວັດຖຸ​ປະສົງ​ເພື່ອ​ຍຸດຕິ​ຄວາມ​ຮຸນ​ແຮງ ແລະ​ການ​ນອງ​ເລືອດ​ກັນ​ມາ​ເປັນ​ເວລາ
13 ​ເດືອນ​ ໃນ​ປະ​ເທດ​ນັ້ນ. ລັດຖະບານ​ຊີ​ເຣຍ​ໃຫ້​ຄໍາ​ໝັ້ນ​ສັນຍາ​ທີ່​ຈະ​ປະຕິບັດ​ຕາມ​ຂໍ້​ຕົກ
ລົງ​ຢຸດ​ຍິງ​ແຕ່​ເຕືອນ​ຢູ່​ໃນ​ຖະ​ແຫຼ​ງການ​ສະບັບ​ນຶ່ງ​ໃນ​ວັນ​ພຸດ​ວານ​ນີ້​ວ່າ ກໍາລັງ​ທັບ​ຂອງ​ຕົນ​
ຍັງ​ຄົງ​ຈະ​ຢູ່​ໃນ​ທ່າ​ຕຽມ​ພ້ອມເພື່ອ​ທໍາ​ການ​ຕອບ​ໂຕ້​ຕໍ່​ການໂຈມ​ຕີ​ໃດໆກໍ​ຕາມໂດຍກຸ່ມປະ
ກອບ​ອາວຸດ​ກໍ່​ການ​ຮ້າຍຕໍ່​ພວກ​ພົນລະ​ເຮືອນຫຼື​ຕໍ່ທະຫານ​ຂອງ​ລັດຖະບານນັ້ນ.

ທ່ານ Bassam Imadi ສະມາຊິກ​ຂອງ​ສະພາ​ປົກຄອງ​ແຫ່ງ​ຊາດ​ຊົ່ວ ຄາວຂອງ​ພວກ​ຝ່າຍ​
ຄ້ານ​ຊີ​ເຣຍ ກ່າວ​ໃນ​ວັນ​ພະຫັດ​ມື້​ນີ້​ວ່າ ທ່ານ​ຍັງ​ບໍ່​ທັນ​ແນ່ນອນເທື່ອ​ວ່າ ສັນຍາ​ຢຸດ​ຍິງ​ນີ້​ຈະ​ມີ​
ຜົນ​ຫຼື​ບໍ ​ແລະ​ທ່ານ​ກ່າວ​ຕໍ່​ໄປ​ວ່າ ຖ້າການ​ຢຸດ​ຍິງ​ດໍາ​ເນີນ​ໄປດ້ວຍ​ດີ ມັນ​ກໍ​ສາມາດ​ເປັນ​ພຽງ
ບາດກ້າວ​ທໍາ​ອິດ​ເທົ່າ​ນັ້ນ.

XS
SM
MD
LG