ລິ້ງ ສຳຫລັບເຂົ້າຫາ

ສະຫະປະຊາຊາດ ຍິນດີນໍາ ຄວາມພະຍາຍາມ ສະຫງົບເສິກ ຂອງລັດຖະບານ ມຽນມາ


ຊາວເຜົ່າກະຈີນ ຖຶຮູບພາບ ຂອງອົບພະຍົບກະຈີນ ທີ່ພາກເໜືອ ຂອງມຽນມາ ໃນຂະນະທີ່ທໍາການປະທ້ວງຢູ່ສະຖານທູດມຽນມາ ທີ່ ບາງກອກ
ສະຫະ​ປະຊາ​ຊາດ ​ໄດ້ສະ​ແດງ​ຄວາມຍິນ​ດີ ຕໍ່ການດໍາ​ເນີນ​
ຄວາມ​ພະຍາຍາມ​ຄັ້ງ​ຫລ້າ​ສຸດ ຂອງ​ມຽນມາ ​ເພື່ອຈະ​ນໍາເອົາ​
ສັນຕິ​ພາບ ມາສູ່​ເຂດ​ທີ່​ພວກ​ກະບົດ​ຄວບ​ຄຸມ ​ໃນ ລັດ Kachin
​ທາງພາກ​ຕາ​ເວັນ​ອອກ ສຽງເໜືອ ຂອງ​ປະ​ເທດ​ນັ້ນ.

ຖະ​ແຫລ​ງການ​ຂອງ ສະຫະ​ປະຊາ​ຊາດ ​ໃນ​ວັນ​ອາທິດ​ວານ​ນີ້ ກ່າວ​ວ່າ ​ເລຂາທິການ​ໃຫຍ່ ທ່ານ Ban Ki-moon ​ໄດ້​ຕິດຕາມເບິ່ງ​ລາຍ​ງານ​ຕ່າງໆ ຈາກ​ພາກ​ພື້ນ​ດິນ ​ກ່ຽວ​ກັບ​ການ
ຈັດ​ຕັ້ງ​ປະຕິບັດ​ການ​ຢຸດ​ຍິງ ທີ່​ຄວນໄດ້ເລີ້ມ​ມີ​ຜົນ​ບັງຄັບ​ໃນ​ວັນ​ເສົາຜ່ານ​ມາ​ນັ້ນ.

ຖະ​ແຫລ​ງການ​ກ່າ​ວ ວ່າ ທ່ານ Ban ​ໄດ້​ຮຽກຮ້ອງໃຫ້​ທັງ​ສອງ​
ກໍ້າ​ສອງ​ຝ່າຍ ຈົ່ງ​ພະຍາຍາມ​ປະຕິບັດ​ຢ່າງເອົາ​ຈິງ​ເອົາ​ຈັງ ​ເພື່ອ​ສ້າງສະພາບ​ການ​ໃຫ້​ມີ​ຄວາມ​ສະຫງົບ​ແບບ​ຍືນ​ຍົງ ຢູ່​ໃນ​ລັດ Kachin.

ຢູ່​ໃນ​ຄໍາ​ປາ​ໄສ ​ໃນ​ນະຄອນ​ຢ່າງ​ກຸ້​ງ ​ໃນ​ວັນ​ອາທິດ​ວານ​ນີ້ ປະທານາທິບໍດີມຽນມາ ທ່ານ Thein Sein ກ່າວ​ວ່າ ກໍາລັງຂອງລັດຖະບານ ຢູ່​ຫ່າງ​ ​ພຽງ​ “ວາ​ແຂນດຽວ” ຈາກ​ຄ້າຍ​ຂອງ​ພວກ​ກອງທັບ​ເອກ​ກະລາດ Kachin ຢູ່​ທີ່​ເມືອງ Laiza ຕິດ​ກັບ​ຊາຍ​ແດນ​ຈີນນັ້ນ. ​ແຕ່ທ່ານ​ກ່າວ​ວ່າ ທ່ານ​ໄດ້​ສັ່ງ​ຫ້າມ​ທະຫານ ບໍ່​ໃຫ້ໂຈມ​ຕີ​ຄ້າຍ​ດັ່ງກ່າວ ​ເພື່ອ​ສະ​ແດງ​ອອກເຖິງເຈ​ດ ຕະນາ​ດີ.

​ໂຄສົກ​ຂອງ​ພວກ​ກະບົດ Kachin ທີ່ປະ​ຈໍາຢູ່ປະ​ເທດໄທ ກ່າວ​ວ່າ ທະຫານ​ມຽນມາ ​ໄດ້​ບຸກ​ເຂົ້າ​ໂຈມ​ຕີ​ທີ່​ໜັ້ນ​ຂ​ອງພວກ​ກະບົດ ແຫ່ງນຶ່ງ ​ໃນ​ວັນ​ອາທິດ​ວານ​ນີ້ ຢູ່​ຫ່າງ​ຈາກ​ເມືອງ Laiza ຫລາຍ​ກິ​ໂລ​ແມດ ​ເຖິງ​ແມ່ນ​ວ່າ ໄດ້ມີ​ການ​ຕົກລົງ​ຢຸດ​ຍິງ​ແຕ່ຝ່າຍດຽວຈາກ​ທາງ​ລັດຖະບານກໍ ຕາມ. ໂຄສົກກ່າວ​ອີກວ່າ ການ​ໂຈ​ມຕີ​ຂອງ​ລັດຖະບານ ມີ​ຮວມ​ທັງການ​ຍິງ​ປືນ​ໃຫຍ່ ​ແລະ​ທະຫານທາງພາກ​ພື້ນ​ດິນ.
XS
SM
MD
LG