ລິ້ງ ສຳຫລັບເຂົ້າຫາ

ສະພາຄວາມໝັ້ນຄົງ ສປຊ ຮຽກຮ້ອງ ໃຫ້ຢຸດຍິງ ໃນທັນທີ ຢູ່ເຂດກາຊາ (ສະໄລດ໌/ວີດີໂອ)


ຊາວປາແລສໄຕນ໌ ຊອກຫາຜູ້ເສຍຊີວິດ ໃນຂະນະທ່ີລົດດຸດ ຂຸດຄົ້ນຢູ່ກ້ອງຊາກຫັກພັງ ຂອງເຮືອນຫ໌ັງນຶ່ງ ທີ່ຕຳຫຼວດ ກ່າວວ່າ ຖືກທຳລາຍ ຈາກການໂຈມຕີທາງອາກາດຂອງອິສຣາແອລ ໃນ ເມືອງ Khan Younis ໃນເຂດກາຊາ ວັນທີ 21ກໍລະກົດ2014.

ຊາວປາແລສໄຕນ໌ ຊອກຫາຜູ້ເສຍຊີວິດ ໃນຂະນະທ່ີລົດດຸດ ຂຸດຄົ້ນຢູ່ກ້ອງຊາກຫັກພັງ ຂອງເຮືອນຫ໌ັງນຶ່ງ ທີ່ຕຳຫຼວດ ກ່າວວ່າ ຖືກທຳລາຍ ຈາກການໂຈມຕີທາງອາກາດຂອງອິສຣາແອລ ໃນ ເມືອງ Khan Younis ໃນເຂດກາຊາ ວັນທີ 21ກໍລະກົດ2014.

ສະພາ​ຄວາມ​ໝັ້ນຄົງ​ສະຫະ​ປະຊາ​ຊາດ ຮຽກຮ້ອງ​ໃຫ້​ມີ​ການ​ຢຸດ​
ຍິງ​ໃນ​ທັນທີ ​ຢູ່​ເຂດ​ກາຊາ ​ແລະ​ສະ​ແດງ​ຄວາມ​ເປັນ​ຫ່ວງ​ ​ກ່ຽວ​
ກັບ​ການ​ເພີ່ມ​ທະວີຄວາມ​ຮຸນ​ແຮງ​ຂຶ້ນ ​ໃນ​ຂະນະ​ທີ່​ອິສຣາ​ແອ​ລ
ທຳ​ການ​ກົດ​ດັນ​ດ້ວຍ ການໂຈມ​ຕີ​ທາງ​ອາກາດ​ແລະ​ການ​ບຸກລຸກ
​ທາງ​ພາກ​ພື້ນ​ດິນ​ຕໍ່​ພວກ​ຫົວ​ຮຸນ​ແຮງຮາ​ມັສນັ້ນ.

ສະພາ​ດັ່ງກ່າວ​ໄດ້​ອອກ​ຖະ​ແຫຼງການ​ສະບັບ​ນຶ່ງ​ໃນ​ແລງ​ວັນ​ອາທິດ
​ວານ​ນີ້ ຫຼັງ​ຈາກ​ເປີດ​ປອງ​ປະຊຸມ​ສຸກ​ເສີນ​ຂຶ້ນ ທີ່​ເອກ​ອັກຄະ​ລັດຖະ
ທູດ Rwanda ​ແລະ​ປະທານ​ສະພາ​ຄວາມ​ໝັນ​ຄົງ​ຊຸດ​ປັດຈຸບັນ
ທ່ານ Eugene Gasana ​ເອີ້ນ​ວ່າ “​ເຄ່ັງ​ຂຶມ.” ສະພາຄວາມ​ໝັ້ນ
ຄົງ ​ໄດ້​ເນັ້ນເຖິງ​ຄວາມ​ຈຳ​ເປັນ​ເພື່ອ​ປັບປຸງ​ສະຖານະ​ການ​ດ້ານ​ມະ
ນຸດສະທຳ​ໃຫ້​ດີ​ຂຶ້ນ ຮວມທັງ​ການ​ປົກ​ປ້ອງ​ພວກ​ພົນລະ​ເຮືອນ​ນຳ.

ວັນ​ອາທິດ​ວານ​ນີ້ ​ເປັນ​ມື້​ທີ່​ມີ​ຜູ້​ຄົນ​ເສຍ​ຊີວິດ​ຫຼາຍ​ທີ່​ສຸດ ນັບ​ແຕ່​ວິ​ກິດ​ການ​ໄດ້​ເລີ້​ມຂຶ້ນເປັນ​ເວລາ​ເກືອບ 2 ສັບປະດາມາ​ແລ້ວນັ້ນ. ການ​ສູ້​ລົບ​ກັນ​ໄດ້​ເຮັດ​ໃຫ້​ພວກ​ປາ​ແລ​ສ​ໄຕ​ນ໌ ຢ່າງ​ໜ້ອຍ 65 ຄົນເສຍ​ຊີວິດ ​ແລະ​ທະຫານ​ອິສຣາ​ແອ​ລ 13 ຄົນ ​ເສຍ​ຊີວິດ ຮວມທັງ​ພົນລະ
ເມືອ​ງ​ອະ​ເມຣິກາ 2 ຄົນ​ນຳ.

ທ່ານ Ruyad Mansour ​ເອກ​ອັກຄະ​ລັດຖະທູດ​ປາ​ແລ​ສ​ໄຕ​ນ໌ ປະຈຳສະຫະ​ປະຊາ​
ຊາດ ກ່າວ​ວ່າ ທາງ​ຝ່າຍ​ຂອງ​ທ່ານ​ໄດ້​ຕັ້ງ​ຄວາມ​ຫວັງ​ໄວ້​ວ່າ​ ​ສະພາ​ຄວາມ​ໝັ້ນຄົງ​ຈະ
​ຮັບ​ຜ່ານ​ມະຕິ ປະນາມ​ການ​ບຸກບຸກ​ໂຈມ​ຕີ​ຕໍ່​ພວກ​ປະຊາຊົນ​ຂອງ​ຕົນ ​ແລະ​ຮຽກຮ້ອງ​
ໃຫ້​ມີ​ການ​ປົກ​ປ້ອງ​ພວກ​ປະຊາຊົນ​ຂອງ​ຕົນ​ໂດຍ​ທັນທີ.


ທ່ານ Mansour ກ່າວ​ວ່າ “ການ​ທີ່ວ່າ ສະພາ​ຄວາມ​ໝັ້ນຄົງ​ໄດ້​ຕົກລົງ​ເຫັນ​ດີ​ນຳ​
ປັດ​ໄຈ​ຕ່າງໆ ທີ່​ທ່ານ​ປະທານ​ໄດ້​ອ່ານ​ໃຫ້​ທ່ານ​ຟັງ​ນັ້ນ ​ແມ່ນ​ເປັນ​ການ​ທົດ​ສອບ
​ອັນ​ນຶ່ງສຳລັບ​ອິສຣາ​ແອ​ລ ວ່າ​ພວກ​ເຂົາ​ເຈົ້າ​ຈະ​ປະຕິບັດ​ຕາມ​ປັດ​ໄຈ​ຕ່າງໆ​
ເຫຼົ່າ​ນີ້ທັງ​ໝົດ ຫຼື​ບໍ? ​ແລະ​ຢຸດ​ການ​ບຸກລຸກໂຈມ​ຕີຕໍ່​ປະຊາຊົນ​ຂອງ​ພວກ​ເຮົາ
ຫຼື​ບໍ?

ທ່ານ Ron Prosor ​ເອກ​ອັກຄະ​ລັດຖະທູດ​ອິສຣາ​ແອ​ລ ປະຈຳ​ສະຫະປະຊາ​ຊາດ
ກ່າວ ​ກ່ອນ​ກອງ​ປະຊຸມອັດ​ລົງ ວ່າ ຊ່ອງ​ທາງ​ດຽວ​ທີ່ການ​ປະຕິບັດ​ງານ​ທາງ​ທະຫານ​ຂອງອິສຣາ​ແອ​ລ ຈະ​ຍຸດຕິ​ລົງ​ນັ້ນ ​ກໍແມ່ນ​ ​ການ​ຍິງ​ຈະ​ຫຼວດທັງ​ໝົດ​ຈາກ​ເຂດ​ກາ​ຊາ​
ມາ​ໃສ່​ອິສຣາ​ແອ​ລນັ້ນ ຕ້ອງ​ຍຸດຕິ​ລົງ​ເສຍ​ກ່ອນ.

ລັດຖະມົນຕີ​ການ​ຕ່າງປະ​ເທດ​ສະຫະລັດ ທ່ານ John Kerry ກຳລັງ​ເດີນທາງ​ໄປ​ຍັງ
ນະຄອນຫຼວງ​ໄຄ​ໂຣ ​ໃນ​ວັນ​ຈັນ​ມື້​ນີ້ ​ເພື່ອ​ພົບ​ປະ​ກັບ​ອີ​ຈິບ ​ແລະ​ບັນດາ​ເຈົ້າ​ໜ້າ​ທີ່​ຂັ້ນ
​ອາວຸ​ໂສຂອງ​ອີ​ຈິບ ກ່ຽວ​ກັບ​ສະຖານະ​ການ​ໃນ​ເຂດ​ກາ​ຊາ​ນັ້ນ. ທ່ານ​ນາງ Jen Psaki ​ໂຄສົກ​ກະຊວງ​ການ​ຕ່າງປະ​ເທດ​ສະຫະລັດ ກ່າວ​ວ່າ ສະຫະລັດ​ແລະ​ພວກ​ປະ​ເທດ
ພາຄີ​ຂອງ​ຕົນ ມີ​ຄວາມ​ເປັນ​ຫ່ວງ​ກ່ຽວ​ກັບ​ ຄວາມ​ສ່ຽງ​ທີ່​ວ່າສະຖານະ​ການຈະ​ຮຸນ​ແຮງ
ຂຶ້ນ​ຕື່ມ​ອີກນັ້ນ.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG