ລິ້ງ ສຳຫລັບເຂົ້າຫາ

ທູດພິເສດ ສປຊ ຮຽກຮ້ອງໃຫ້ ໂຊລ ສືບຕໍ່ກົດດັນ ເກົາຫຼີເໜືອ


ທ່ານ Marzuki Darusman ຜູ້ຂຽນລາຍງານ​ພິ​ເສດຂອງ​ອົງການ​ສະຫະ​ປະຊາ​ຊາດ ກ່ຽວ​ກັບ​ສະຖານະ​ການ​ດ້ານສິດທິມະນຸດໃນ​ເກົາຫຼີ​ເໜືອ.

ທ່ານ Marzuki Darusman ຜູ້ຂຽນລາຍງານ​ພິ​ເສດຂອງ​ອົງການ​ສະຫະ​ປະຊາ​ຊາດ ກ່ຽວ​ກັບ​ສະຖານະ​ການ​ດ້ານສິດທິມະນຸດໃນ​ເກົາຫຼີ​ເໜືອ.

ຫົວໜ້າສືບສວນ ຂອງ​ອົງການ​ສະຫະ​ປະຊາ​ຊາດ ກ່ຽວກັບ
ການລະເມີດສິດທິມະນຸດຂອງ ເກົາຫລີເໜືອ ໄດ້​ຮຽກຮ້ອງ​
ໃຫ້​ເກົາຫຼີ​ໃຕ້ ບໍ່ໃຫ້ເປັນ​ບ່ອນ​ທຳລາຍ​ຕໍ່​ຄວາມ​ພະຍາມຂອງ​
ນາໆ​ຊາດ​ ເພື່ອຟ້ອງຮ້ອງອຳນາດການປົກຄອງ ຂອງ Kim
Jong Un.

​ໂຊລ ​ແມ່ນ​ກຳລັງພະຍາຍາ​ມ ທີ່​ຈະ​ຫຼຸດ​ຜ່ອນຄວາມ​ເຄັ່ງ​ຕຶງ​
ໃນເຂດຊາຍ​ແດນ​ລົງ ​ແລະ ສືບ​ຕໍ່​ຫາທາງໃຫ້ບັນລຸ​ແຜນ​
ຍຸດ​ທະ​ສາດ​ລະຍະ​ຍາວຂອງ​ຕົນ ​ເພື່ອ​ທ້ອນໂຮມແຫຼມເກົາຫລີ
ດ້ວຍສັນຕິວິທີ. ແຕ່ຜູ້ຂຽນລາຍງານ​ພິ​ເສດ ກ່ຽວ​ກັບສິດທິ
ມະນຸດ​ໃນ​ເກົາຫຼີ​ເໜືອ ​ກ່າວວ່າບໍ່​ຄວນ ​ທີ່​ຈະຫລຸດຜ່ອນການກົດ​ດັນຂອງ​ນາໆ​ຊາດ​ເກົາຫລີເໜືອ.

ທ່ານ Marzuki Darusman ຜູ້ຂຽນລາຍງານ​ພິ​ເສດຂອງ​ອົງການ​ສະຫະ​ປະຊາ​ຊາດ
ກ່ຽວ​ກັບ​ສະຖານະ​ການ​ດ້ານສິດທິມະນຸດໃນ​ເກົາຫຼີ​ເໜືອ ​ໄດ້​ກ່າວ​ວ່າ: “​ໃນ​ຂະນະ​ທີ່​ການ
ທ້ອນ​ໂຮມປະເທດ​ເປັນເລື້ອງທີ່ຍິ່ງໃຫຍ່ ​ແຕ່ຄວາມຮັບຜິດຊອບ
ຕໍ່ການກໍ່ອາຊະຍາກຳ
ຕ້ານມະນຸດຊາດນັ້ນ ​ແມ່ນຈຳ​ເປັນ​ຕ້ອງໄດ້ມີການວາງ​ແຜ​ນຢ່າງຮອບ​ຄອບ ​ຢ່າງ​ໝັ້ນຄົງ ​
ໂດຍ​ປະຊາ​ຄົມນາໆ​ຊາດ.”

ທ່ານ Darusman ​ແມ່ນ​ສ່ວນ​ນຶ່ງ​ຂອງຄະນະກຳມາທິການສືບສວນອົງການ​ສະຫະ​ປະຊາ​ຊາດ ທີ່​ໄດ້​ບັນທຶກ ​ເຄືອຂ່າຍຄຸກພວກນັກ​ໂທດການ​ເມືອງ​ໃນ​ເກົາຫຼີ​ເໜືອ ​ແລະ​ການກໍ່ໂທດ
ກຳຕ່າງໆ​ ທີ່​ຮວມທັງ ການ​ເຂັນ​ຂ້າ ການ​ໃຊ້ແຮງງານແບບຂ້າ​ທາດ ການທໍລະມານ ການ​ຂົ່ມຂື່ນ​ສຳ​ເລົາ ​ແລະ​ການ​ບັງຄັບ​ໃຫ້​ທຳ​ແທ້ງ.

ລາຍ​ງານ​ທີ່​ວ່າ​ນີ້ ​ໄດ້​ເຮັດໃຫ້​ອົງ​ການ​ສະຫະ​ປະຊາ​ຊາດ ສະເໜີໃຫ້ສົ່ງເລື້ອງຂອງ​ເກົາຫຼີ​ເໜືອ
ຂຶ້ນ​ສູ່​ສານ​ອາຍາ​ໂລກ​ໃນ​ການ​ກໍ່ໂທດກຳຕ້ານ​ມະນຸດຊາດ. ກອງ​ປະຊຸ​ມສະມັດຊາ​ໃຫຍ່
ອົງ​ການ​ສະຫະ​ປະຊາ​ຊາດ​ໄດ້ໃຫ້ການສະໜັບສະໜຸນຕໍ່ການສະເໜີແນະດັ່ງກ່າວ ໃນ​ປີ​ກາຍ​ນີ້ ​ແຕ່​ວ່າ ມາດຕະການດັ່ງກ່າວໄດ້ຕົກຢູ່ໃນສະພາບບໍ່ໄປບໍ່ມາຫລັງຈາກນັ້ນ ຢູ່ໃນ​ສະພາ​ຄວາມໝັ້ນຄົງອົງ​ການ​ສະຫະ​ປະຊາ​ຊາດ ບ່ອນ​ທີ່​ຈີນ ​ແລະຣັດ​ເຊຍ ມີ​ສິດ​ຍັບ​ຍັ້ງນັ້ນ.

XS
SM
MD
LG