ລິ້ງ ສຳຫລັບເຂົ້າຫາ

ສະຫະປະຊາຊາດ ຂໍຮ້ອງໃຫ້ ຊາອຸດີ ອາເຣເບຍ ຢຸດເຊົາ ຖີ້ມລະເບີດ ໃສ່ເດີ່ນບິນ ໃນປະເທດເຢເມນ


ບັນດາ​ເຈົ້າ​ໜ້າ​ທີ່ ບັນ​ເທົາ​ທຸກ ສະຫະ​ປະຊາ​ຊາດ ກຳລັງ​ຮ້ອງ​
ຂໍ​ໃຫ້ ຊາ​ອຸ​ດີ ອາເຣ​ເບຍ ຢຸດ​ແນ​ເປົ້າໝາຍການ​ໂຈມຕີ​ໃສ່ ເດີ່ນ
ບິນ​ນາໆ​ຊາດ ​ໃນ​ເຢ​ເມັນ ​ໂດຍ​ກ່າວ​ວ່າ ການ​ໂຈມ​ຕີ​ ​ໄດ້​ທຳລາຍ
​ທາງ​ແລ່ນຂອງເຮືອບິນ ​ແລະເຮັດ​ໃຫ້​ໃຊ້​ການ​ບໍ່​ໄດ້.

ທ່ານ Johannes van der Klaauw ຜູ້​ປະສານ​ງານຝ່າຍບັນ​
ເທົາ​ທຸກຂອງ ສະຫະ​ປະຊາ​ຊາດ ກ່າວ​ວ່າ “ຖ້າ​ໃຊ້ເດີ່​ນ​ບິນບໍ່​ໄດ້
ບັນດາ​ອົງການ​ຊ່ວຍ​ເຫລືອ​ຕ່າງໆ ກໍບໍ່​ສາມາດ​ທີ່​ຈະ​ນຳ​ພະນັກ
ງານ ສະບຽງ​ຢຸກຢາ​ປົວ​ທີ່​ສຳຄັນຕ່າງໆ ​ແລະ​ການ​ຊ່ວຍ​ເຫລືອ​
ຮັກສາ​ຊີວິດທີ່​ສຳຄັນ​ອື່ນໆ ຫລືທຳການ​ຂົນ​ຍ້າຍ​ພວກ​ພະນັກ
ງານຂອງ​ເຂົາ​ເຈົ້າ ທີ່​ມີ​ຄວາມ​ຕ້ອງການ​ປິ່ນປົວ​ທາງ​ການ​ແພດ​ນັ້ນ.”

ທ່ານຮ້ອງ​ສະໜາມບິນ​ນາງ​ຊາດ ​ໃນ​ນະຄອນຫລວງ Sanaa ວ່າສຳ​ຄັນ​ຕໍ່​ ຊີວິດ ພ້ອມ​ທັງ​
ເດີ່ນ​ບິນ ​ແລະ​ທ່າ​ເຮືອທັງ​ໝົດ​ຂອງ​ປະ​ເທດ.

ບັນດາ​ພະນັກງານ​ບັນ​ເທົາ​ທຸກ ສະຫະ​ປະຊາ​ຊາດ ​ໃນ​ເຢ​ເມັນ ກ່າວວ່າ ການ​ຂາ​ດ​ເຊື້ອໄຟ
​ໄດ້​ບັງຄັບໃຫ້ ພວກໃຫ້ການ​ຊ່ວຍ​ເຫ​ລື​ອດ້ານ​ມະ​ນຸດ​ສະ​ທຳ ຕ້ອງ​ໄດ້​ໂຈະການ​ຊ່ວຍ​ເຫລືອ
​ດ້ານ​ອາຫານ ຢູ່​ໃນ​ບາງ​ເຂດ. ​ເຂົາ​ເຈົ້າ​ຍັງ​ກ່າວ​ວ່າ ​ເຂົາ​ເຈົ້າ​ຖືກ​ຂັດຂວາງ ຍ້ອນ​ຄວາມບໍ່
​ປອດ​ໄພ ທີ່ສືບ​ເນື່ອງ​ມາຈາກໂຈມ​ຕີ​ທາງ​ອາກາດ ພາຍ​ໃຕ້​ການ​ນຳພາ​ຂອງ​ ຊາ​ອຸ​ດີ ອາຣາ
​ເບຍ ຕ້ານພວກ​ກະ​ບົດ Shi’ite ທີ່ໜູ​ນຫລັງ​ໂດຍ​ອີຣ່ານນັ້ນ.

ສະຫະ​ປະຊາ​ຊາດ ກ່າວ​ວ່າ ຫລາຍ​ກວ່່າ 1,200 ຄົນ​ໄດ້ເສຍ​ຊີວິດ ​ແລະ​ອີກ 300,000
ຄົນ ​ໄດ້​ຖືກ​ບັງຄັບ​ໃຫ້​ຫລົບ​ໜີ​ຈາກ​ບ້ານ​ເຮືອນ​ເຂົາ​ເຈົ້າ ​ໃນ​ສອງ​ເດືອນ​ທີ່​ຜ່ານ​ມາ ຢູ່​ໃນ
​ເຢ​ເມັນ.

ກຳລັງ​ປະສົມອາຣັບ ທີ່ນຳພາໂດຍ ຊາ​ອຸ​ດີ ​ອາ​ເຣ​ເບຍ ໄດ້​ແນເປົ້າ​ໝາຍ​ການ​ໂຈມ​ຕີ​ທາງ​
ອາກາດ ໃສ່ພວກ Houthi ​ໃນ​ຄວາມ​ພະຍາຍາມ ​ເພື່ອ​ນຳເອົາ​ ປະທານາທິບໍດີ Abdu
Rabu Mansour Haidi ທີ່​ນາໆ​ຊາດຮັບ​ຮູ້​ນັ້ນ ກັບ​ຄືນ​ມາ​ຄອງ​ອຳນາດ​ໂດຍ​ເຕັມ.

XS
SM
MD
LG