ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ສປຊ ມອງເຫັນ ບັນຫາທ້າທາຍ ຕໍ່ການເຕີບໂຕ ຂອງ ອາຊຽນ


ຮອງລັດຖະມົນຕີຕ່າງປະເທດຈີນ ທ່ານ Liu Zhenmin (ຂວາ) ແລະ ເລຂາທິການຖາວອນຕ່າງປະເທດ ສິງກະໂປ ທ່ານ Chee Wee Kiong (ຊ້າຍ) ລາຍງານຕໍ່ບັນດານັກຂ່າວ.
ຮອງລັດຖະມົນຕີຕ່າງປະເທດຈີນ ທ່ານ Liu Zhenmin (ຂວາ) ແລະ ເລຂາທິການຖາວອນຕ່າງປະເທດ ສິງກະໂປ ທ່ານ Chee Wee Kiong (ຊ້າຍ) ລາຍງານຕໍ່ບັນດານັກຂ່າວ.

ສະຫະ​ປະຊາ​ຊາດ ​ໃນ​ຂະນະ​ທີ່​ມີ​ຄວາມຫວັງ​ໄປ​ໃນ​ແງ່​ດີ​ກ່ຽວ​ກັບ​ສະພາບ​ໃນ​ອະນາຄົດ ​ ຂອງ 10 ປະ​ເທດ ປະຊາ​ຄົມ​ເສດຖະກິດ ASEAN ຫລື AEC ກ່າວ​ວ່າ ຂົງ​ເຂດດັ່ງກ່າວ​ ກຳລັງ​ປະ​ເຊີນ​ໜ້າກັບ​ບັນຫາ​ທ້າ​ທາຍທີ່​ສຳຄັນ​ຫລາຍ​ຢ່າງຮວມທັງ​ຫລຸດ​ຜ່ອນ​ການ​ເພີ່ງ​ ພາ​ອາ​ໄສຕໍ່​ເສດຖະກິດ​ຈີນ ບ່ອນ​ທີ່​ການເຕີບ​ໂຕ​ກຳລັງ​ຢູ່​ໃນ​ລະດັບ​ປານກາງ.

ໂຮງງານປັ້ນດິນຈີ່ ຢູ່ນອກນະຄອນປັກກິ່ງ ທີ່ຖືກປິດລົງ.
ໂຮງງານປັ້ນດິນຈີ່ ຢູ່ນອກນະຄອນປັກກິ່ງ ທີ່ຖືກປິດລົງ.

ສະຫະ​ປະຊາ​ຊາດ ​ໃນການ​ສຳ​ຫລວດຫລ້າ​ສຸດ ​ທາງ​ດ້ານ​ເສດຖະກິດແລະ​ສັງຄົມສຳລັບ ເອ​ເຊຍ​ປາຊິ​ຟິກ ​ໄດ້​ທຳນາຍ​ວ່າ ASEAN ຈະ​ເຕີບ​ໂຕ​ຊ້າ​ລົງໃນ​ປີ 2015 ໃກ້​ກັບ 4.3 ​ເປີ ເຊັນຄືຫລຸດ​ລົງ​ຈາກ 5.0 ​ເປີ​ເຊັນໃນ​ລະຫວ່າງ​ປີ 2011 ຫາ​ປີ 2013.

ກຳປັ່ນຂົນສົ່ງຈອດຢູ່ທ່າເຮືອ Zhoushan ແຂວງ Zhejiang.
ກຳປັ່ນຂົນສົ່ງຈອດຢູ່ທ່າເຮືອ Zhoushan ແຂວງ Zhejiang.

ທ່ານ Shamshad Akhtar ຮອງ​ເລຂາທິການ​ໃຫຍ່​ ແລະ​ເລຂາທິການ​ຮັບຜິດຊອບ​ກ່ຽວ​ ກັບເສດຖະກິດ​ກຳມາ​ທິການ​ສັງຄົມ ​ໃນເຂດ​ເອ​ເຊ​ຍປາຊິ​ຟິກ ຂອງສະຫະ​ປະຊາ​ຊາດ ​ຫລື UNESCAP ກ່າວ​ວ່າ ​ແຜນແມ່​ບົດຂອງ​ຂົງ​ເຂດໃນ​ການ ຮວມຕົວດ້ານ​ເສດຖະກິດ​ເຂົ້າ ​ກັນໄດ້ເປັນ​ທີ່​ທ້າ​ທາຍ​ຈາກ​ການເຕີບ​ໂຕຊ້າ​ລົງ​ຂອງ ​ເສດຖະກິດ. ທ່ານ Akhtar ກ່າວ​ວ່າ ຂົງ​ເຂດ ASEAN ສ່ວນ​ໃຫຍ່​ໄດ້​ເພີ່ງ​ພາ​ອາ​ໄສ​ການສົ່ງ​ອອກທີ່​ພາ​ໃຫ້​ມີ​ການ​ເຕີບ​ໂຕ ​ໄດ້ ​ຮັບ​ຜົນ​ກະ​ທົບ​ຍ້ອນ​ການ​ຊັກ​ຊ້າ ລົງ​ຂອງ​ການ​ຄ້າພາຍ​ນອກ.

ພວກພະນັກງານກຳລັງທາສີໝໍ້ປັ້ນທີ່ໝູ່ບ້ານ Bat Trang, Hanoi, ປະເທດຫວຽດນາມ.
ພວກພະນັກງານກຳລັງທາສີໝໍ້ປັ້ນທີ່ໝູ່ບ້ານ Bat Trang, Hanoi, ປະເທດຫວຽດນາມ.

ທ່ານ Akhtar ກ່າວ​ວ່າ “ອັນ​ທີ່​ໄດ້ຮັບ​ການສັນລະ​ເສີນ​ໄດ້​ກາຍ​ມາ​ເປັນ​ທີ່​ທ້າ​ທາຍ ທີ່​ວ່າ ASEAN ​ໄດ້​ເພີ່ງພາ​ອາ​ໄສ​ຈີນຫຼາຍຂຶ້ນ ​ແລະ​ສິ່ງ​ທີ່​ເກີດ​ຂື້ນ​ໃນ​ຈີນ​ກໍ​ມີຜົນ ​ກະທົບ​ຕໍ່​ສິງ ກະ​ໂປ ມາ​ເລ​ເຊຍ ​ແລະ​ໄທ ທີ່​ໄດ້ອາ​ໄສ​ຫລາຍ​ຂຶ້ນ​ກັບການຄ້າ​ກັບ​ ສາທາລະນະປະຊາ ຊົນຈີນ ​ເພາະສະ​ນັ້ນ​ເຂົາ​ເຈົ້າ​ຕ້ອງການ​ໃຫ້​ເປັນ​ທີ່​ແຈ້ງ​ຂາວ​ໃນ​ການ​ເຄື່ອນໄຫວ​ໄປ​ໜ້າ ເພື່ອ​ເຮັດ​ໃຫ້​ເສດຖະກິດ​ຫຼາກຫຼາຍ.”

ອ່ານຂ່າວນີ້ຕື່ມເປັນພາສາອັງກິດ

XS
SM
MD
LG