ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ຄະນະ ເຈລະຈາ ຕົກລົງກັນ ທີ່ກອງປະຊຸມ ເລື່ອງອາກາດ ຢູ່ໂປແລນ (ວີດີໂອ)


 ທ່ານTodd Stern (ຂວາ) ທູດພິເສດ ສຫລ ເລຶ່ອງດິນຟ້າອາກາດ
ຂະນະທີ່ໂອ້ລົມກັບ ທ່ານ Marcin Korolec ລມຕ ສະພາບແວດລ້ອມ Poland
ທ່ານTodd Stern (ຂວາ) ທູດພິເສດ ສຫລ ເລຶ່ອງດິນຟ້າອາກາດ ຂະນະທີ່ໂອ້ລົມກັບ ທ່ານ Marcin Korolec ລມຕ ສະພາບແວດລ້ອມ Poland
​ເຈົ້າໜ້າ​ທີ່​ເຈລະຈາ​ຂອງ​ສະຫະ​ປະຊາ​ຊາດ ​ໄດ້ຫຼີກຫຼ່ຽງ​ບໍ່​ໃຫ້​ມີການພັງທະລາ​ຍ​ລົງ ໃນ​ນາທີ​ສຸດ​ທ້າຍ ຂອງ​ການ​ເຈລະ​ຈາ ​ເລຶ່ອງດິນ​ຟ້າ​ອາ​ກາດ ທີ່ ນະຄອນຫຼວງ Warsaw ປະ​ເທດ​ໂປ​ແລນ​ ໂດຍ​ໃຫ້ການ​ອະນຸມັດ​ຕໍ່ຂໍ້​ຕົກ ລົງລະດັບ​ປານ​ກາງ​ເພື່ອແຜ້ວ​ທາງໃຫ້​ແກ່​ສັນຍາ​ປີ 2015 ສຳລັບ​ຮັບ​ມື​ກັບ​ບັນຫາ​ສະພາບ​ອາກາດ​ຮ້​ອນ​ເອົ້າ​ຂອງ​ໂລກນັ້ນ.

ຫຼັງຈາກ​ການ​ເຈ​ລະຈາ​ກັນ​ເປັນ​ເວລາ​ສອງ​ອາທິດ ຢູ່​ທີ່​ກອງ​ປະຊຸມເ​ລຶ່ອງດິນ​ຟ້າ​ອາກາດ​ປ່ຽນ​ແປງ​ ຂອງ​ຢູ​ເອັນ ​ໂດຍ​ມີ​ຜູ້​ແທນ​ຈາກຫຼາຍກວ່າ 190 ປະ​ເທດ​ເຂົ້າຮ່ວມ ​ເມື່ອ​ວັນ​ເສົາ​ວານ​ນີ້​ໄດ້ເຫັນ​ພ້ອມ​ໃນ​ການ​ຕົກລົງກ່ຽວກັບ​ເປົ້າ ໝາຍ ໃນການ​ແບ່ງ​ສັນ​ປັນ​ສ່ວນ​ເພື່ອ​ຕັດການ​ປ່ອຍ​ແກັສຄາບ​ອນໄດ​ອັອກ ໄຊ ລະຫວ່າງບັນດາປະ​ເທດຮັ່ງ​ມີແລະປະ​ເທດ​ທຸກ​ຍາກ. ຂໍ້​ຕົກລົງດັ່ງກ່າວ ຍັງ​ກວມ​ເອົາ​ການ​ໃຫ້ງົບປະມານ​ແກ່​ປະ​ເທດທີ່​ມີ​ຄວາມ​ຫຼໍ່​ແຫຼມຕໍ່​ຜົນ​ກະທົບ​ຕ່າງ​ໆຂອງ​ຂອງ​ອາກາດ​ປ່ຽນ​ແປງ​ນັ້ນ​ນໍາ.

​ການ​ເຈລະຈາ​ກັນ ​ໄດ້​ຍືດເວລາ​ອອກ​ໄປ​ອີກ​ນຶ່ງ​ມື້​ແລະໄດ້​ມີ​ຄວາມ​ກ້າວໜ້າ ​ເກີດ​ຂຶ້ນ ຫຼັງຈາກເຈົ້າໜ້າ​ທີ່​ເຈລະຈາ​ໄດ້​ປ່ຽນ​ຄໍາວ່າ “ພັນທະ” ຢູ່​ໃນ​ບົດ​ຂໍ້​ຕົກລົງ ມາ​ເປັນ “ການ​ຊ່ວຍ​ເຫຼືອກັນ”. ຈີນ ​ແລະ​ອິນ​ເດຍ​ເວົ້າ ວ່າ​ການ​ປ່ຽນ​ຄໍາ​ເວົ້າ​ດັ່ງກ່າວ​ນີ້ ​ແມ່ນ​ໄດ້​ຂະ ຫຍາ​ຍຄວາມ​ສາມ​າດ​ໃຫ້​ກວ້າງອອກ​ໄປ​ອີກ ​ເວລາ​ສະ​ເໜີ​ຂໍ້​ຄິດ ໃນເລຶ່ອງການ​ປ່ອຍອາຍ​ພິດ​ນັ້ນ.

ກຸ່ມ​ປະ​ເທດ​ພວມ​ພັດທະນາ ​ເຊັ່ນ​ຈີນ ​ແລະ​ອິນ​ເດຍ ຢືນ​ຢັດ​ວ່າ ພວກ​ປະ ​ເທດ​ທີ່​ຮັ່ງມີ ຕ້ອງ​ນໍາ​ໃຊ້​ມາດ​ຕະການ​ທີ່​ເຄັ່ງ​ຄັດ​ກວ່າ​ເກົ່າ ຫຼາຍກວ່າ​ທີ່​ພວກ ​ເຂົາ​ເຈົ້າ​ເຮັດ. ກຸ່ມ​ປະ​ເທດ​ຕາ​ເວັນ​ຕົກ​ເວົ້າ​ວ່າ ພວກ​ເຂົາ​ເຈົ້າຫວັງ​ວ່າ ປະ ​ເທດ​ທີ່​ເສດຖະກິດ​ທີ່​ກໍາລັງໂຜ່​ໂຕ​ນັ້ນ ​ໃຫ້​ເຮັດ​ໃນ​ພາກສ່ວນ​ຂອງ​ພວກ​ຕົນ ​ເພື່ອ​ລົດ​ມົນ​ລະ​ພິດ​ຂອງ​ໂລກ​ລົງ.

ຂໍ້​ຕົກລົງ​ປີ 2015 ຈະ​ເປັນ​ຂໍ້​ຕົກລົ​ງ​ເທື່ອ​ທໍາ​ອິດ ທີ່​ຜູກ​ມັດ​ທຸກໆ​ປະ​ເທດ ​ເພື່ອ​ຫຼຸດການ​ປ່ອຍ​ອາຍ​ພິດ​ອັນຕະລາຍ ທີ່​ມາ​ຈາກ​ການ​ຈູດ​ເຜົາ​ຖ່ານ​ຫິນ ​ແກັສ ທໍາ​ມະ​ຊາດ ​ແລະ​ນໍ້າມັນ ​ເປັນ​ຕົ້ນ.

UN Climate Change
please wait
Embed

No media source currently available

0:00 0:00:38 0:00
XS
SM
MD
LG