ລິ້ງ ສຳຫລັບເຂົ້າຫາ

ສປຊ ລາຍງານເຖິງ ການປຸກລະດົມ ເພື່ອຂ້າລ້າງເຜົ່າພັນ ຊາວຢາຊີດີ ໂດຍກຸ່ມລັດອິສລາມ


ກອງກະດູກ ທີ່ຄາດກັນວ່າ ເປັນຂອງສະມາຊິກ ປະຊາຄົມຊາວ Yazidi ຂອງອີຣັກ, ໄດ້ພົບເຫັນ ຢູ່ໃນຂຸມຝັງສົບໝູ່ ຢູ່ນອກ ຊານເມືອງ Sinjar, ວັນທີ 30 ພະຈິກ 2015.

ກອງກະດູກ ທີ່ຄາດກັນວ່າ ເປັນຂອງສະມາຊິກ ປະຊາຄົມຊາວ Yazidi ຂອງອີຣັກ, ໄດ້ພົບເຫັນ ຢູ່ໃນຂຸມຝັງສົບໝູ່ ຢູ່ນອກ ຊານເມືອງ Sinjar, ວັນທີ 30 ພະຈິກ 2015.

ບັນດານັກສືບສວນ ຂອງອົງການສະຫະປະຊາຊາດ ກ່າວວ່າ ການຂົ່ມຂືນສຳ​ເລົາ​ ການຈັບ​ຜູ້​ຄົນ​ໄປເປັນຂ້າທາດ ແລະ ການເຂັ່ນຂ້າ ຢ່າງ​ເປັນ​ລະບົບ ໂດຍພວກຫົວ ຮຸນແຮງລັດອິສລາມ ຕໍ່ຊາວ Yazidis ນັ້ນ ​ແມ່ນ​ເທົ່າ​ກັບເປັນການຂ້າລ້າງເຜົ່າພັນ ການກໍ່ອາຊະຍາກຳສົງຄາມ ແລະ ການກໍ່ອາຊະກຳຕໍ່ມະນຸດຊາດ.

ພວກຄົນຊົນເຜົ່າກຸ່ມນ້ອຍ ຊາວ Yazidi ທີ່ໄດ້ຖືກພັດພາກຈາກບ້ານເກີດເມືອງນອນ, ກຳລັງພາກັນລົບໜີຄວາມຮຸນແຮງ ຈາກກອງກຳລັງທີ່ພັກດີຕໍ່ກຸ່ມລັດອິສລາມ ຢູ່ໃນເມືອງ Sinjar, ຍ່າງໄປຫາຊາຍແດນຂອງຊີເຣຍ ຢູ່ນອກຊານເມືອງຟາກພູ Sinjar ໃກ້ກັບເມືອງ Elierbeh ເຂດປົກຄອງຂອງ Al-Hasakah ຢູ່ຊາຍແດນຂອງຊີເຣຍ ໃນພາບຖ່າຍນີ້ ໃນວັນທີ 11 ກັນຍາ 2014.

ພວກຄົນຊົນເຜົ່າກຸ່ມນ້ອຍ ຊາວ Yazidi ທີ່ໄດ້ຖືກພັດພາກຈາກບ້ານເກີດເມືອງນອນ, ກຳລັງພາກັນລົບໜີຄວາມຮຸນແຮງ ຈາກກອງກຳລັງທີ່ພັກດີຕໍ່ກຸ່ມລັດອິສລາມ ຢູ່ໃນເມືອງ Sinjar, ຍ່າງໄປຫາຊາຍແດນຂອງຊີເຣຍ ຢູ່ນອກຊານເມືອງຟາກພູ Sinjar ໃກ້ກັບເມືອງ Elierbeh ເຂດປົກຄອງຂອງ Al-Hasakah ຢູ່ຊາຍແດນຂອງຊີເຣຍ ໃນພາບຖ່າຍນີ້ ໃນວັນທີ 11 ກັນຍາ 2014.

ຄະນະກຳມາທິການສືບສວນ​ຂອງອົງການສະຫະປະຊາຊາດ ໄດ້ເປີດເຜີຍລາຍ ງານສະບັບໜຶ່ງ ໃນວັນພະຫັດມື້ນີ້ ທີ່ໄດ້​ໃຫ້ລາຍລະອຽດ ​ໃນ​ການ​ປຸກລະດົມ​ໂດຍເຈດຕະນາ ຂອງກຸ່ມລັດອິສລາມ ເພື່ອກຳຈັດພົນລະເມືອງ ຊາວ Yazidis ສ່ວນໃຫຍ່ຂອງໂລກ ທີ່ຕັ້ງຖິ່ນຖານຢູ່ອ້ອມແອ້ມ​ເມືອງ Sinjar ຂອງອີຣັກ.

ປະທານຄະນະກຳມາທິການ ທ່ານ Paulo Pinheiro ໄດ້ກ່າວວ່າ “ການຂ້າ ລ້າງເຜົ່າພັນໄດ້ເກີດຂຶ້ນ ແລະ ຍັງມີຢູ່ຕໍ່ມາ ​ໂດຍກຸ່ມ ISIS ທີ່ໄດ້ກະທຳ​ ຕໍ່ ພວກແມ່ຍິງຊາວ Yazidis ເດັກນ້ອຍແລະ ຜູ້ຊາຍ ທີ່ຕົນຈັບ​ໄດ້ນັ້ນ ດ້ວຍ​ ການ​ກໍ່​ໂທດ​ກຳ​ ທີ່​ໂຫດ​ຫ້ຽມທີ່​ສຸດ​ນັ້ນ.”

ພວກ​ນັກ​ລົບ​ກຸ່ມ​ລັດ​ອິສລາມ​ໄດ້​ບຸກ​ເຂົ້າ​ໄປ​ໃນເມືອງ Sinjar ​ໃນ​ເດືອນສິງຫາ ​ປີ 2014 ໂດຍ​ໄດ້​ສັງຫານ​ຊາ​ວ Yazidis ຫລາຍ​ຮ້ອຍ​ຄົນ​ຮວມທັງ ​ການ​ປະຫານ ​ຊີວິດແບບ​ຮວບ​ຮັດ​ຕັດ​ຕອນ ພວກ​ຜູ້​ຊາຍ ​ແລະ​ເດັກ​ຜູ້ຊາຍ ທີ່​ປະຕິ​ເສດ​ບໍ່​ຍອມ ​ປ່ຽນໄປນັບຖື​ສາສະໜາ​ອິສລາມ.​ ພວກ​ທີ່ຫຼົບ ໜີ​ຄວາມ​ຮຸນ​ແຮງ​ໃນ​ຂັ້ນຕົ້ນ​ ​ໄດ້ ​ຂຶ້ນ​ໄປໂຮມ​ກັນ​ຢູ່​ພູ Sinjar ​ແລະ ຫລັງ​ຈາກ​ນັ້ນກໍ​ຖືກ​ພວກ​ຫົວ​ຮຸນ​ແຮງ​ປິດ​ລອມ ​ແລະ​ຫາ​ທາງ​ເອົາ​ຊີວິດ ລອດ​ຍ້ອນ​ການ​ຂາດ​ແຄນ​ອາຫານ ນ້ຳ ​ແລະ​ຢາ​ປົວ ​ພະຍາດ.

ການ​ບຸກ​ໂຈມ​ຕີ​ດັ່ງກ່າວ​ໄດ້​ຊຸກຍູ້​ໃຫ້​ສະຫະລັດ​ລິ​ເລີ້ມການ​ໂຈ​ມຕີ​ທາງ​ອາກາດ ​ຂອງ​ແນວ​ໂຮມ ຕໍ່​ເປົ້າໝາຍ​ກຸ່ມ​ລັດ​ອິສລາມ ຊຶ່ງ​ບູລິ​ມະ​ສິດ​ໃນ​ຂັ້ນຕົ້ນ​ແມ່ນ​ເພື່ອ ​ຊ່ອຍ​ໃຫ້ຊາວ Yazidis ທີ່​ຖືກ​ປິດ​ລ້ອມ​ຢູ່​ນັ້ນຫລົບໜີ​ໄປ​ໄດ້.

ອົງການ​ສະຫະ​ປະຊາ​ຊາດ ​ກ່າວ​ວ່າ ກຸ່ມ​ລັດ​ອິສລາມ ​ຍັງ​ສືບ​ຕໍ່​ຈັບ​ໂຕ​ພວກ​ແມ່ຍິງ ແລະ​ເດັກນ້ອຍຊາວ Yazidis ​ໄວ້ ຫລາຍ​ກວ່າ 3,200 ຄົນ ​ໂດຍ​ທີ່​ພວກ​ແມ່ຍິງ ​ຖືກ​ໃຊ້​ເປັນ​ຂ້າ​ທາດ​ທາງ​ເພດ ໃນ​ຂະນະ​ທີ່​ພວກ ​ເດັກນ້ອຍ​ຖືກ​ອົບຮົມ​ສັ່ງສອນ ​ໃຫ້​ເປັນ​ພວກ​ນັກ​ລົບ​ຂອງ​ກຸ່ມ.​ ລາຍ​ງານ​ໄດ້​ອ້າງ​ຫລາຍໆ ​ກໍລະນີ​ທີ່​ວ່າ​ພວກ​ຍິງ ​ສາວ​ໄດ້​ພາກັນ​ຂ້າ​ໂຕ​ຕາຍ ຍ້ອນ ຢາກ​ຫລີກ​ລ່ຽງບໍ່​ໃຫ້​ຖືກ​ຂາຍ​ໄປໃຫ້​ກຸ່ມ​ລັດ ​ອິສລາມ ​ແລະ​ກ່າວ​ວ່າ ພວກ ທີ່​ພະຍາຍາມ​ຫລົບໜີ​ແມ່ນ​ໄດ້​ຖືກ​ທໍລະມານ​ຢ່າງ ​ໜັກທີ່​ຮວມທັງ​ການ​ທຸບ​ຕີ ​ແລະການ​ຂົ່ມຂືນ​ເປັນ​ໝູ່​ຄະນະ ​ຫຼື​ລຽນ​ຄິວ.

ອ່ານຂ່າວນີ້ຕື່ມ ເປັນພາສາອັງກິດ

XS
SM
MD
LG