ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ສປຊ ຫວັງຈະໄດ້ຮັບ ຜູ້ສັງເກດການ ເພີ້ມຂື້ນ


ທ່ານ Kofi Annan ທູດພິເສດນາໆຊາດ ຮັບຟັງການປະຊຸມຂອງຄະນະກໍາມະການໃນກອງປະຊຸມ ຂອງບັນດາ ລັດຖະມົນຕີ ສັນນິບາດຊາດອາຣັບ ກ່ຽວກັບຊີເຣຍ ທີ່ 17, ເມສາ 2012.
ທ່ານ Kofi Annan ທູດພິເສດນາໆຊາດ ຮັບຟັງການປະຊຸມຂອງຄະນະກໍາມະການໃນກອງປະຊຸມ ຂອງບັນດາ ລັດຖະມົນຕີ ສັນນິບາດຊາດອາຣັບ ກ່ຽວກັບຊີເຣຍ ທີ່ 17, ເມສາ 2012.

ສຽງ​ລະ​ເບີດຂະໜາດ​ແຮງ ​ໄດ້ສັ່ນ​ສະ​ເທືອນ​ນະຄອນຫລວງ​ຂອງຊີ​ເຣຍ​ໃນ​ວັນ​ສຸກ​
ມື້​ນີ້ ​ໃນ​ຂະ​ນະ​ທີ່ເຈົ້າ​ໜ້າ​ທີ່ສະ​ຫະປະຊາ​ຊາດລໍຖ້າ​ບັນດາຜູ້​ສັງ​ເກດ​ການ​ໆ​ຢຸດ​ຍິງ​
ໃນ​ຈຳນວນ​ເພີ່ມ​ເຕີມ​ເດີນທາງ​ໄປ​ເຖິງປະ​ເທດດັ່ງກ່າວ

ປະຊາຊົນ​ແລະ​ບັນດາ​ນັກ​ເຄື່ອນໄຫວ ​ລາຍ​ງານ​ວ່າ​ໄດ້ຍິນ​ສຽງລະ​ເບີດ​ແຕກຫຼາຍໆ
ຄັ້ງ​ໃນ​ວັນ​ສຸກມື້ນີ້ ທີ່​ເຂດ​ອຸດສາຫະກໍາ​ໃນ​ກຸງ Damuscus ​ແຕ່​ໃນ​ເວລາ​ນີ້ຍັງ​ບໍ່​ທັນ
ມີ​ລາຍ​ງານກ່ຽວ​ກັບ​ບາດ​ເຈັ​ບລົ້ມ​ຕາຍໃດໆ​ເທື່ອ.

ເລຂາ​ທິການ​ໃຫ່ຍຂອງ​ສະຫະ​ປະຊາ​ຊາດ ທ່ານ Ban Ki-Moon ​ໄດ້​ກ່າວ​ຫາຊີ​ເຣຍ
ວ່າ ບໍ່​ໄດ້​ປະຕິບັດ​ຕາມ​ຂໍ້​ຕົກລົງ​ຢຸດ​ຍິງ​ທີ່​ໄກ່​ເກ່ຍ​ໂດຍ​ທູດ​ນາໆ​ຊາດພິ​ເສດ ທ່ານ
Kofi Annan ​ໃນ​ຂະນະ​ດຽວກັນ ​ບັນດາ​ນັກ​ເຄື່ອນໄຫວກໍພາກັນ​ໃຈ​ຮ້າຍ ທີ່​ວ່າມັນ
ໃຊ້​ເວລາ​ດົນ​ເກີນໄປ ​ໃນ​ການ​ສົ່ງ​ ຜູ້​ສັງ​ເກດ​ການ​ເຂົ້າໄປ​ໃນ​ຊີ​ເຣຍ​ຕື່ມ​ອີກ.

ປັດ​ຈຸ​ບັນ​ນີ້ ມີ​ຜູ້​ສັງ​ເກ​ດການ​ພຽງໜ້ອຍ​ດຽວ​ທໍ່​ນັ້ນຢູ່ໃນຊີ​ເຣຍ ຊຶ່ງ​ເປັນ​ພາກສ່ວນນຶ່ງ​
ຂອງ​ຄະນະ​ລ່ວງໜ້າ​ ​ໃນ​ການ​ປະຕິບັດ​ງານ​ສັງ​ເກດ​ການ ຂອງສະຫະ​ປະຊາ​ຊາດ.
ໂຄສົກຄະນະ​ປະຕິບັດ​ງານ​ສະຫະ​ປະຊາ​ຊາດ​ທ່ານ Neeraj Singh ກ່າວໃນ​ວັນ​ສຸກ​
ນີ້ວ່າ ບັນດາ​ຜູ້​ສັງ​ເກດ​ການ​ຈໍານວນ​ນຶ່ງ​ກໍາລັງ​ເດີນທາງ​ໄປ​ຍັງ​ຊີ​ເຣຍ.

ທ່ານເວົ້າ​ວ່າ ພວກ​ເຮົາ​ກໍາລັງ​ລໍຖ້າ​ການໄປເຖິງ​ຂອງ​ຜູ້​ສັງ​ເກດ​ການ​ໃນ
ມື້​ນີ້ ​ແລະເວລາ​ໃດ ຂ້າພະ​ເຈົ້າຫາກໄດ້ຮັບ​ການ​ຢືນຢັນ​ກ່ຽວ​ກັບ​ເລື່​ອງນີ້ ຂ້າພະ​ເຈົ້າ​ຈະ
ສາມາດບອກ​ໃຫ້​ທ່ານ​ໄດ້​ຊາບ. ​ເຮົາ​ມີ​ຈໍານວນ​ທັງ​ໝົດ​ສິບ​ຫ້າ​ຄົນ​ໃນ​ຂະນະ​ນີ້. ຂ້າພະ​
ເຈົ້າ​ພຽງ​ແຕ່​ລໍຖ້າຄຳ​ຢືນຢັນ​ກ່ຽວ​ກັບ​ຈຳນວນ ທີ່​ສົ່ງ​ໄປ​ຕື່ມ ​ແລະ​ຈະ​ບອກ​ໃຫ້​ທ່ານ
ໄດ້​ຊາບ.

ໂຄສົກ​ຂອງ​ທູດ​ພິ​ເສດນາໆ​ຊາດທ່ານ Kofi Annan ກ່າວຕໍ່ອົງການ​ຂ່າວ Reuters
ໃນວັນສຸກນີ້ວ່າ ອີກຈໍານວນ 15 ຄົນຂອງຄະນລ່ວງ ໜ້າ​ຈະ​ໄປເຖິງໃນມື້ວັນຈັນ. ທ່ານ
ຍັງປ້ອງ​ກັນກ່ຽວ​ກັບ​ການ​ໃຊ້​ເວລາໃນ ສົ່ງ​ເຈົ້າໜ້າ​ທີ່​ໄປ​ປະຕິບັດ​ງານ ​ໂດຍ​ເວົ້າວ່າ ຂັ້ນ
ຕອນ​ແມ່ນ​ໄດ້​ດຳ​ເນີນ ​ໄປ “ເປັນທີ່ວອງໄວຢ່າງໜ້າສັນລະເສີນ.”

ສະພາຄວາມໝັ້ນຄົງຂອງສະຫະປະຊາຊາດ ໄດ້ອະນຸມັດ​ຕໍ່ແຜນການ​ທີ່ ຈະສົ່ງຜູ້ສັງເກດ
ການທັງ​ໝົດຈໍານວນ 300 ຄົນໄປຍັງດຊີເຣຍ.

XS
SM
MD
LG