ລິ້ງ ສຳຫລັບເຂົ້າຫາ

ສປຊ ວ່າ ການປະຕິບັດ ຕໍ່ຊາວໂຣຮິງຢາ ອາດຮ້າຍແຮງ ເທົ່າກັບ ການກໍ່ອາຊະຍາກຳ ຕ້ານມະນຸຊາດ (ວີດີໂອ)


ການປະຕິບັດ​ຕໍ່​ ຊາວ​ມຸສລິ​ມ​ໂຣຮິງ​ຢາ ຂອງ​ມຽນມາ​ ອາດ​ເປັນ ຄວາມ​ຜິດເທົ່າກັນກັບ ການກໍ່ອາຊະຍາກຳ ​ຕ້ານ​ມະ​ນຸດ​ຊາດ.
ທູດ​ພິ​ເສດດ້ານ​ສິດທິ​ມະນຸດຂອງສະຫະ​ປະຊາ​ຊາດໃນ​
ມຽນມາ ກ່າວ​ວ່າ ການປະຕິບັດ​ຕໍ່​ຊາວ​ມຸສລິ​ມ​ໂຣຮິງ​ຢາ
ຂອງ​ປະ​ເທດ​ນັ້ນ ອາດ​ມີຄວາມ​ຜິດເທົ່າກັນກັບການ ກໍ່
ອາຊະຍາກຳ​ຕ້ານ​ມະ​ນຸດ​ຊາດ.

​ຖະ​ແຫລ​ງຂ່າວໄດ້ມີຂຶ້ນ ລຸນຫລັງທີ່ໄດ້ມີການ​ໂຈມ​ຕີ​ບັນ
ດາພະນັກງານ​ອົງການ ຊ່ວຍສາກົນ ທີ່​ລັດ Rakhine ທາງພາກຕາເວັນຕົກຂອງປະເທດ ບ່ອນ​ທີ່ຊາວ​ໂຣຮິງ​
ຢາຫລາຍ​ສິບ​ພັນ​ຄົນ ພາກັນ​ອາໄສຢູ່​ໃນສູນທີ່ສົກກະປົກ​.
ໃນເດືອນແລ້ວນີ້ ກຸ່ມພວກ​ນັກເລງ​ຊາ​ວພຸດ ​ໄດ້​ບັງ​ຄັບ​ໃຫ້​
ພະນັກງານ​ອົງການ​ຊ່ວຍ​ເຫລືອຫລາຍ​ຮ້ອຍ​ຄົນຕ້ອງໄດ້​
ພາກັນ​ຫລົບໜີ. ລັດຖະບານ​ໄດ້​ກີດ​ກັ້ນ​ຫຼາ​ຍ ຄົນ​ບໍ່​ໃຫ້​ກັບຄືນ​ໄປ ແລະກໍຢຸດເຊົາສົ່ງ
​ສະ​ບຽງທີ່​ສຳຄັນໄປໃຫ້​ສູນ​ຕ່າງໆ.

ຢູ່​ໃນ​ຖະ​ແຫລ​ງຂ່າວດັງກ່າວນີ້ ທູດ​ພິ​ເສດສະຫະ​ປະຊາ​ຊາດ ທ່ານ Tomas Ojea
Quintana ກ່າວ​ວ່າ ພາຍໃນເວລາ​ນຶ່ງ​ອາທິດ ການ​ບໍ່​ມີ​ນຳ້ໃຊ້ ອາດ​ເຖິງ​ຂັ້ນອັນຕະ
ລາຍ. ທ່ານໄດ້​ຮຽກຮ້ອງ​ໃຫ້​ມຽນມາ ຈົ່ງ​ໃຫ້ການ​ປ້ອງ​ກັນ ​ແກ່​ພະນັກງານໃຫ້ຄວາມ
ຊ່ວຍເຫຼືອ​ຫລາຍຂື້ນ.

ທ່ານ Quintana ກ່າວ​ວ່າ ການເຄື່ອນໄຫວດັ່ງກ່າວ​ນີ້ ແມ່ນ​ເປັນ​ພຽງ​ແຕ່​ເຫດການ
ຫລ້າສຸດ ຢູ່​ໃນ “ປະຫວັດ​ອັນ​ຍາວ​ນານ ຂອງ​ການ​ຈຳແນກກີີດກັນ ແລະ ການປະ
ຫັດປະຫານຕໍ່ປະຊາ​ຄົມ​ຊາວໂຣຮິງ​ຢາ ຊຶ່ງອາດຈະເທົ່າກັບເປັນການກໍ່ອາຊະຍາກຳ
ຕ້ານມະນຸດ​ຊາດ.”

ວີດີໂອ: ຊາວໂຣຮິງຢາ ປະເຊີນກັບບັນຫາ ໃນການສຳຫລວດສຳມະໂນຄົວ ຢູ່ມຽນມາ:
XS
SM
MD
LG