ລິ້ງ ສຳຫລັບເຂົ້າຫາ

ວຽກໃໝ່ຂອງ ທູດພິເສດ ສປຊ ຄອບງຳ ຂໍ້ຕົກລົງ ລີເບຍ


ທູດພິເສດ ອົງການ ສະຫະປະຊາຊາດປະຈຳ ລີເບຍ ທ່ານ Bernardino Leon ກ່າວຕໍ່ສື່ມວນຊົນທີ່ເມືອງ Skhirat, ປະເທດ ໂທຣັອກໂກ. 8 ຕຸລາ, 2015.

ທູດພິເສດ ອົງການ ສະຫະປະຊາຊາດປະຈຳ ລີເບຍ ທ່ານ Bernardino Leon ກ່າວຕໍ່ສື່ມວນຊົນທີ່ເມືອງ Skhirat, ປະເທດ ໂທຣັອກໂກ. 8 ຕຸລາ, 2015.

ທູດພິເສດຂອງອົງການ ສະຫະປະຊາຊາດປະຈຳ ລີເບຍ ທີ່ກຳລັງ ພົ້ນຈາກຕຳແໜ່ງໄດ້ຮຽກຮ້ອງຜູ້ນຳຂອງປະເທດດັ່ງກ່າວນັ້ນໃຫ້ຢຸຸດ ກີດກັນຂະບວນການທາງການທູດ ແລະ ເລືອກຕັ້ງກ່ຽວກັບຂໍ້ຕົກ ລົງທາງການເມືອງທີ່ກຳນົດອົງປະກອບຂອງ ລັດຖະບານທີ່ເປັນ ໜຶ່ງດຽວກັນໃນອະນາຄົດ.

ແຕ່ວ່າຄວາມພະຍາຍາມຂອງທ່ານ Bernardino Leon ເພື່ອກໍ່ໃຫ້ ເກີດການແກ້ໄຂບັນຫາແມ່ນໄດ້ຄອບງຳໂດຍບົດລາຍງານທີ່ທ່ານ ໄດ້ເຈລະຈາສຳລັບການຝຶກງານທີ່ເປັນຜົນປະໂຫຍດໃຫ້ກັບລັດຖະ ບານຂອງ ສະຫະລັດ ອາຣັບ ເອມີເຣັດສ໌ ໃນຂະນະທີ່ດຳເນີນການ ເຈລະຈາເວລາດຽວກັນໃນນາມຂອງ ອົງການສະຫະປະຊາຊາດ.

ທ່ານໄດ້ປະຕິເສດຂໍ້ກ່າວຫາວ່າການກະທຳຂອງທ່ານໄດ້ກໍ່ໃຫ້ເກີດຄວາມຂັດແຍ່ງ ດ້ານຜົນປະໂຫຍດ.

ທ່ານ Bernardino ໄດ້ກ່າວວ່າ “ຂ້າພະເຈົ້າໄດ້ເຮັດວຽກນີ້ມາເປັນເວລາ 26, 27 ປີ ແລະ ຫຼັງຈາກ 26, 27 ປີພວກເຂົາເຈົ້າໄດ້ຂໍໃຫ້ຂ້າພະເຈົ້າເຮັດບາງຢ່າງທາງການ ຕາມກົດລະ ບຽບແບບແຜນ, ແລະ ຂ້າພະເຈົ້າຄິດວ່າມັນບໍ່ມີຫຍັງຜິດເລີຍ. ຂ້າພະເຈົ້າ ຢືນຢັດວ່າ, ມຸມມອງອາດຈະບໍ່ແຈ້ງ, ສິ່ງທີ່ປະກົດຢູ່ຕໍ່ໜ້າອາດຈະບໍ່ຖືກຕ້ອງ ແຕ່ວ່າ ບໍ່ໃຫ້ຕັດສິນມັນ.”

ສະມາຊິກຂອງສະພາແຫ່ງຊາດໃຫຍ່ທີ່ຕັ້ງຖິ່ນຖານຢູ່ນະຄອນຫຼວງ Tripoli ບໍ່ໄດ້ປະກົດວ່າ ຈະຕົກລົງກັບທ່ານ Leon ແລະ ໄດ້ລາຍງານວ່າໄດ້ສົ່ງ ຈົດໝາຍໄປອົງການ ສະຫະປະຊາ ຊາດ ເພື່ອປະທ້ວງຕໍ່ການກະທຳ ຂອງທ່ານ Leon.

ໃນເວລາດຽວກັນ, ສະພາຄວາມໝັ້ນຄົງ ສະຫະປະຊາຊາດ ໄດ້ສືບຕໍ່ຮຽກຮ້ອງທຸກໆພັກ ລັດຖະບານໃນ ລີເບຍ ໃຫ້ເຊັນ ແລະ ປະຕິບັດຕາມຂໍ້ຕົກລົງ.

XS
SM
MD
LG