ລິ້ງ ສຳຫລັບເຂົ້າຫາ

ສປຊ ກ່າວວ່າ ເກົາຫຼີເໜືອ ທີ່ປະສົບ ກັບໄພແຫ້ງແລ້ງ ຕັດການປັນສ່ວນ ອາຫານລົງ


ຊາວເກົາຫຼີເໜືອ ກຳລັງເຮັດໄຮ່ ໃກ້ໆກັບແມ່ນ້ຳ Yalu ໃນເຂດເມືອງ Sakchu ແຂວງ Phyongan ເໜືອ (20 ມິຖຸນາ 2015)

ຊາວເກົາຫຼີເໜືອ ກຳລັງເຮັດໄຮ່ ໃກ້ໆກັບແມ່ນ້ຳ Yalu ໃນເຂດເມືອງ Sakchu ແຂວງ Phyongan ເໜືອ (20 ມິຖຸນາ 2015)

ເຈົ້າໜ້າທີ່ທ່ານນຶ່ງ ຂອງອົງການອາຫານ ແລະກະເສດຂອງສະ
ຫະປະຊາຊາດ ຫຼື FAO ກ່າວວ່າ ເກົາຫຼີເໜືອ ທີ່ປະສົບກັບໄພ
ແຫ້ງແລ້ງ ໄດ້ຫຼຸດການແຈກຢາຍ ການປັ່ນສ່ວນອາຫານໜ້ອຍ
ລົງ.

ທ່ານນາງ Cristina Coslet ເຈົ້າໜ້າທີ່ຂໍ້ມູນຂ່າວສານໂລກ
ແລະລະບົບເຕືອນໄພລ່ວງໜ້າຂອງອົງການ FAO ທີ່ຮັບຜິດ
ຊອບຢູ່ໃນເຂດເອເຊຍຕາເວັນອອກໄດ້ກ່າວຕໍ່ວີໂອເອວ່າລັດ
ຖະບານເກົາຫຼີເໜືອ ໄດ້ແຈ້ງໃຫ້ອົງການ ຂອງທ່ານນາງຊາບ
ວ່າ ອັດຕາການປັນສ່ວນອາຫານ ຂອງເກົາຫລືເໜືອ ສຳລັບ
ເດືອນກໍລະກົດແມ່ນ 310 ກຣາມຕໍ່ຄົນຕໍ່ມື້ຄືຫລຸດລົງ 25 ເປີ
ເຊັນຈາກເດືອນກ່ອນ. ໃນລະຫວ່າງເດືອນມັງກອນ ຫາເດືອນມິຖຸນາ ປີ 2015 ອັດຕາປັນ ສ່ວນໂດຍສະເລ່ຍຂອງເກົາຫຼີເໜືອ ແມ່ນ 410 ກຣາມຕໍ່ຄົນຕໍ່ມື້.

ທ່ານນາງ Coslet ກ່າວວ່າ ໄພແຫ້ງແລ້ງທີ່ຮ້າຍແຮງ ໄດ້ມີຜົນກະທົບ ຕໍ່ຜົນລະປູກຂອງ
ປະເທດ.

ທ່ານນາງ Coslet ກ່າວໃນການໃຫ້ສຳພາດຕໍ່ວີໂອເອວ່າ ພວກເຮົາສັນນິດຖານວ່າ ນັ້ນຄື ສາເຫດທີ່ສຳຄັນ ຍ້ອນວ່າຜົນລະປູກທີ່ປູກໄປແລ້ວແຕ່ຫົວທີ ເຊັ່ນເຂົ້າເບລ່ ເຂົ້າບາເລ ມັນ ຝຣັ່ງ ໄດ້ຫລຸດລົງຢ່າງຫລວງຫຼາຍ.

ທ່ານນາງ Coslet ຄາດວ່າ ຜົນຜະລິດມັນຝຣັ່ງໃນປີນີ້ ແລະເຂົ້າເບລ່ໃນລະດູໜາວຈະຫຼຸດ ລົງຫຼາຍກວ່າ 20 ເປີເຊັນຈາກປີທີ່ຜ່ານມາ.

ເຈົ້າໜ້າທີ່ຂອງອົງການ FAO ກ່າວວ່າ ການເກັບກ່ຽວໃນຕົ້ນລະດູ ແມ່ນຢູ່ໃນປະລິມານທີ່ ຂ້ອນຂ້າງໜ້ອຍ ແຕ່ມັນກໍເປັນແຫຼ່ງອາຫານທີ່ສຳຄັນຂອງຊາວເກົາຫຼີເໜືອ.

ທ່ານນາງ Coslet ເວົ້າວ່າ “ຜົນລະປູກໃນລະດູບານໃໝ່ແມ່ນມີຄວາມສຳຄັນເປັນພິເສດຕໍ່ ຄວາມໝັ້ນຄົງດ້ານອາຫານ ທີ່ກາຍເປັນແຫຼ່ງອາຫານທີ່ສຳຄັນ ສຳລັບລະດູການເກັບກ່ຽວ ທີ່ບໍ່ເຕັມສ່ວນ ທີ່ເລີ້ມແຕ່ເດືອນພຶດສະພາໄປຫາເດືອນກັນຍານັ້ນ.

ທ່ານນາງ Coslet ກ່າວວ່າ ແຕ່ແນວໃດກໍຕາມ ຍັງເປັນການໄວເກີນໄປ ທີ່ຈະກະປະມານ
ໄດ້ ກ່ຽວກັບຜົນການເກັບກ່ຽວຂັ້ນສຸດທ້າຍ ຂະນະທີ່ຝົນຕົກ ໃນໄລຍະສອງສາມອາທິດຕໍ່ ໜ້ານີ້ແມ່ນມີຄວາມສຳຄັນເປັນພິເສດ.

ສະແດງຄວາມເຫັນໃຫ້ເບິ່ງ

XS
SM
MD
LG