ລິ້ງ ສຳຫລັບເຂົ້າຫາ

ສະຫະປະຊາຊາດ ສັງເກດເຫັນ ຄວາມຄືບໜ້າ ຂອງປີ 2016 ໃນໂຊມາເລຍ


ທິມເຕະບານ ໂຊມາເລຍ ກຳລັງເຝິກແອຍຢູ່ ນ​ະ​ຄອນAddis Ababa ປະເທດ Ethiopia.

ທິມເຕະບານ ໂຊມາເລຍ ກຳລັງເຝິກແອຍຢູ່ ນ​ະ​ຄອນAddis Ababa ປະເທດ Ethiopia.

ນັກການທູດລະດັບສູງຂອງ ອົງການສະຫະປະຊາຊາດ ຫຼື UN
ໃນ ປະເທດ ໂຊມາເລຍ ທ່ານ Nicholas Kay ກ່າວວ່າ ປະ
ເທດດັ່ງກ່າວກຳລັງປ່ຽນແປງຢ່າງສະໝ່ຳສະເໝີ ຈາກປະເທດ
ທີ່ລົ້ມແຫຼວ ມາເປັນປະເທດທີ່ກຳລັງໄດ້ຮັບການຟື້ນຟູດັ່ງທີ່ທ່ານ
ໄດ້ກ່າວໃນກອງປະຊຸມພິເສດຂອງ ສະພາຄວາມໝັ້ນຄົງ UN
ກ່ຽວກັບ ໂຊມາເລຍ.

ໃນການກ່າວສະຫຼຸບຄັ້ງສຸດທ້າຍຂອງທ່ານຕໍ່ສະພາ ຫຼັງຈາກ
ຫຼາຍກວ່າ 2 ປີທີ່ເປັນທູດຂອງອົງການ UN ໃນ ໂຊມາເລຍ,
ທ່ານ Kay ໄດ້ກ່າວຕໍ່ສະພາວ່າການປ່ຽນແປງໃນ ໂຊມາເລຍ
ແມ່ນ “ກ້າວໜ້າໄປດີ” ແລະໄດ້ກ່າວວ່າປະເທດນີ້ກຳລັງຫຍັບ
ໜີອອອກຈາກຄວາມສັບສົນທີ່ພວກເຂົາເຈົ້າໄດ້ປະສົບມາດົນກວ່າ 2 ທົດສະວັດ.

ທ່ານ Kay ກ່າວວ່າ “ໃນທີ່ສຸດ, ໂຊມາເລຍກໍແມ່ນກຳລັງປະເຊີນໜ້າກັບບັນຫາຂອງປະ
ເທດທີ່ມີຄວາມສາມັກຄີ ແທນທີ່ຈະແຕກແຍກອອກຈາກກັນ.”

ທ່ານ Kay ໄດ້ເນັ້ນຄວາມສຳເລັດບາງຢ່າງຂອງປະເທດ ໃນສອງສາມປີທີ່ຜ່ານມາ, ທ່ານ
ກ່າວວ່າ ປີໜ້າຈະເປັນປີຊີ້ຂາດສຳລັບການປະເຊີນໜ້າຫຼາຍຢ່າງ.

ທ່ານໄດ້ກ່າວວ່າ ການເລືອກຕັ້ງໃນປີ 2016 ຈະເປັນບົດທົດສອບຄວາມສາມາດຂອງ
ປະເທດເພື່ອສືບຕໍ່ພັດທະນາ ແລະວ່າ ການເລືອກຕັ້ງຕ້ອງດຳເນີນໃຫ້ຕົງເວລາ ແລະ
ຄວບຄຸມຫຼາຍກວ່າການເລືອກຕັ້ງໃນປີ 2012.

ປະທານາທິບໍດີ ໂຊມາເລຍ ທ່ານ Hassan Sheik Mohammud ໄດ້ກ່າວຕໍ່ ວີໂອເອ
ໃນເດືອນກໍລະກົດວ່າ ເບິ່ງຄືວ່າລັດຖະບານຂອງທ່ານຈະບໍ່ໄດ້ຮັບຄວາມນິຍົມຊົມຊອບ,
ທ່ຽງຕົງ ໃນການເລືອກຕັ້ງປີໜ້ານີ້, ຍ້ອນບໍ່ມີຄວາມໝັ້ນຄົງຢ່າງຕໍ່ເນື່ອງພາຍໃນປະເທດ.
ທ່ານໄດ້ກ່າວວ່າການເລືອກຕັ້ງ “ປະຊາຊົນຄົນໜຶ່ງ, ໜຶ່ງຄະແນນສຽງ” ຈະບໍ່ມີຄວາມເປັນ
ໄປໄດ້ຢູ່ພາຍໃຕ້ສະພາບແວດລ້ອມໃນປະຈຸບັນ. ແນວໃດກໍຕາມ, ທ່ານກໍກ່າວວ່າ “ມັນມີ
ຂັ້ນຕອນທີ່ແຕກຕ່າງ ແລະ ຮູບແບບທີ່ແຕກຕ່າງສຳລັບການເລືອກຕັ້ງ, ແລະ ພວກເຮົາ
ໄດ້ແນໃສ່ທາງເລືອກຕໍ່ໄປທີ່ດີທີ່ສຸດ, ແຕ່ວ່າພວກເຮົາຍັງບໍ່ໄດ້ຕົກລົງກັນເທື່ອ ກ່ຽວກັບຮູບ
ແບບສຳລັບການປ່ຽນແປງໃນປີ 2016.

XS
SM
MD
LG