ລິ້ງ ສຳຫລັບເຂົ້າຫາ

ເລຂາທິການໃຫຍ່ ສປຊ ປະນາມ ການທະວີຄູນ ຂອງຄວາມຮຸນແຮງ ໃນຊີເຣຍ (ສະໄລດ໌ ກັບວິດິໂອ)


ເລຂາທິການໃຫຍ່ສະຫະປະຊາຊາດ ທ່ານພັນ ກິມູນ
ເລຂາທິການໃຫຍ່ສະຫະປະຊາຊາດ ທ່ານພັນ ກິມູນ ໄດ້ປະນາມ
ການກໍ່ຄວາມຮຸນແຮງ ທີ່ເພີ້ມທະວີຂຶ້ນ ຢູ່ໃນຊີເຣຍນັ້ນ ໂດຍກ່າວ
ວ່າ ລາຍງານການຖິ້ມລະເບີດຂອງເຮືອບິນລົບ ຂອງລັດຖະບານ ໃສ່ສູນອົບພະຍົບຂອງຊາວປາແລັສໄຕ ແຫ່ງນຶ່ງນັ້ນ ເປັນ​ເລື້ອງທີ່ “ໜ້າວິຕົກກັງວົນຢ່າງຍິ່ງ. ພວກນັກເຄື່ອນໄຫວຂອງຝ່າຍຄ້ານເວົ້າວ່າ ການຖິ້ມລະເບີດ​ໃສ່
ສູນ Yarmouk ໃນວັນອາທິດວານນີ້ ໄດ້ເຮັດໃຫ້ຢ່າງໜ້ອຍ 8 ຄົນ
ເສຍຊີວິດ ແລະວ່າການໂຈມຕີທາງອາກາດ ຄັ້ງນີ້ແມ່ນເປັນການ
ໂຈມຕີ​ແບບ​ນັ້ນຄັ້ງທໍາອິດ ຕໍ່ສູນອົບພະຍົບດັ່ງກ່າວ ນັບແຕ່ປະທາ
ນາ ທິບໍດີ Bashar al-Assad ເລີ້ມທໍາການປາບປາມການລຸກ
ຮືຂຶ້ນຂອງ​ມະຫາຊົນ ໃນເດືອນມີນາປີກາຍນີ້ ເປັນຕົ້ນມາ. ”

ເບິ່ງວີດິໂອກ່ຽວຂ້ອງກັບຂ່າວນີ້




ທ່ານພັນຍັງກ່າວຢູ່ໃນຖະແຫລງການຂອງທ່ານ ໃນແລງວັນອາທິດວານນີ້ອີກວ່າ ການ ໂຈມຕີດ້ວຍການຖິ້ມລະເບີດ ​ໂດຍເຮືອບິນທະຫານ ແລະການໂຈມຕີຂອງເຮລີຄອບເຕີ ໃສ່ເຂດທີ່ມີຄົນຢູ່ອາໄສຢ່າງໜາແໜ້ນ “ໄດ້ຖືກບັນທຶກໄວ້ຢ່າງຫລວງຫລາຍ.” ທ່ານໄດ້ສະ
ແດງການປະນາມອອກມາເປັນການສະເພາະ ຕໍ່ການໂຈມຕີພົນລະເຮືອນ ແລະການຍິງ
ລະດົມໃສ່ສູນກາງ ທີ່ຢູ່ປະຊາຊົນ​ໃນແຫ່ງຕ່າງໆ.

ອົງການສັງເກດການດ້ານສິດທະມະນຸດ ທີ່ຕັ້ງຢູ່ໃນອັງກິດເວົ້າວ່າ ການ​ໂຈມ​ຕີສູນ Yarmouk
ແມ່ນນຶ່ງໃນການໂຈມຕີທາງ​ອາກາດ ຈໍານວນ 6 ຄັ້ງຂອງລັດຖະບານ ຢູ່ເຂດກໍ້າໃຕ້ຂອງ
ນະຄອນຫລວງດາມັສກັສ ໃນວັນອາທິດວານນີ້. ພວກກະບົດໄດ້ພະຍາຍາມ ທີ່ຈະທໍາການ
ບຸກຄືບໜ້າອອກຈາກເຂດດັ່ງກ່າວ ເຂົ້າໄປໃນໃຈກາງນະຄອນຫລວງດາມັສກັສ ຊຶ່ງເປັນຈຸດ​
ສູນກາງຂອງອໍານາດຂອງທ່ານ Assad.

XS
SM
MD
LG