ລິ້ງ ສຳຫລັບເຂົ້າຫາ

ສປຊ ອະນຸມັດ ໃຫ້ອີຢູ ໃຊ້ກຳລັງທະຫານ ຕໍ່ພວກລັກລອບ ຄ້າມະນຸດ


ຊາວອົບພະຍົບ ເດີນທາງມາເຖິງ ຢູ່ໃນເຮືອອັງກິດ HMS Enterprise ກ່ອນແຍກຍ້າຍໄປທ່າເຮືອ Sicilian ເມືອງ Catania, ປະເທດອີຕາລີ, Oct. 6, 2015.

ຊາວອົບພະຍົບ ເດີນທາງມາເຖິງ ຢູ່ໃນເຮືອອັງກິດ HMS Enterprise ກ່ອນແຍກຍ້າຍໄປທ່າເຮືອ Sicilian ເມືອງ Catania, ປະເທດອີຕາລີ, Oct. 6, 2015.

ສະພາ​ຄວາມ​ໝັ້ນຄົງ ສະຫະ​ປະຊາ​ຊາດ ໄດ້ຮັບ​ຜ່ານ​ມະຕິສະ
ບັບ​ນຶ່ງ ໃນວັນ​ສຸກ​ວານ​ນີ້ ​ເພື່ອ​ອະນຸມັດ​ໃຫ້ສະຫະພາບ​ຢູ​ໂຣບ
ຫລືອີຢູ ແລະ​ບັນດາ​ປະ​ເທດ​ຕ່າງໆ ​ທີ່ຢູ່​ນອກຢູ​ໂຮບ ກວດຄົ້ນ
ແລະ​ຍຶດບັນດາ​ເຮືອ ທີ່​ສົງ​ໄສ​ວ່າລັກລອບ​ການ​ຄ້າ​ມະນຸດຢູ່​ໃນ
ທະ​ເລ Mediterranean ​ນອກ​ຝັ່ງ​ທະ​ເລລີ​ເບຍ.

ສະພາ​ຄວາມ​ໝັ້ນຄົງ ທີ່ມີສະມາຊິກ 15 ປະເທດ​ ​ໄດ້​ຮັບ​ຮອງ
ເອົາມາດ​ຕະການ ​ດັ່ງກ່າວ ທີ່ຮ່າງໂດຍ​ອັງກິດ ​ເພື່ອ​ຮັບມື​ກັບວິ​
ກິດ​ການ​ອົບ​ພະຍົບ ທີ່​ຮ້າຍ​ແຮງສຸດ​ໃນ​ຢູ​ໂຣບນັບ​ແຕ່​ສົງຄາມ​
ໂລກ​ຄັ້ງ​ທີ່​ສອງເປັນຕົ້ນມາ. ສິບ​ສີ່​ປະ​ເທດສະມາຊິກໄດ້ລົງຄະ
ແນນ​ສຽງ​ເຫັນ​ພ້ອມ ມີເວ​ເນ​ຊູ​ເອ​ລາ ບໍ່​ອອກສຽງ.

ສະ​ພາຄວາມ​ໝັ້ນຄົງ ​ໄດ້​ຮັບ​ຮອງເອົາມະຕິດັ່ງກ່າວພາຍໃຕ້ບົດທີ 7 ຂອງກົດ ບັດສະຫະ
​ປະຊາ​ຊາດ ທີ່​ອະນຸມັດໃຫ້​ໃຊ້ກຳລັງໄດ້ ​ແຕ່ຢູ່ໃນຂອບເຂດ​ຈຳກັດ​ນຶ່ງ​ປີ.

ສະຫະພາບ​ຢູ​ໂຣບ ​ໃນ​ຂັ້ນ​ຕົ້ນ ​ຕ້ອງການ​ຢາກ​ປະຕິບັດ​ງານ​ຢູ່​ໃນ​ເຂດນ່ານນ້ຳ​ຂອງ​ລີ​ເບຍ
​ແຕ່​ວ່າ ລີ​ເບຍ​ໄດ້ຄັດຄ້ານ.

ພວກອົບພະຍົບ ພາກັນຕຽມຫລັບນອນຢູ່ເທິງເຮືອ ອົງການແພດບໍ່ມີພົມແດນ

ພວກອົບພະຍົບ ພາກັນຕຽມຫລັບນອນຢູ່ເທິງເຮືອ ອົງການແພດບໍ່ມີພົມແດນ

ບັນດາ​ນັກ​ການ​ທູດສະຫະ​ປະຊາ​ຊາດກ່າວ​ວ່າ ພວກ​ອົບ​ພະຍົບທີ່ຢູ່​ໃນ​ເຮືອທີ່​ຖືກ​ກວດຄົ້ນ
​ແລະ​ຖືກຍຶດ ຈະ​ນຳ​ເອົາ​ໄປຢູ​ໂຣບ. ທ່ານ Matthew Rycroft ​ເອກ​ອັກຄະ​ລັດຖະທູດ ​ອັງ
ກິດ ປະຈຳ​ອົງການສະຫະ​ປະຊາ​ຊາດກ່າວວ່າ “ອົບ​ພະ​ຍົບ​ໃດໆກໍຕາມ​ ທີ່​ພົບເຫັນ ໃນລະ ຫວ່າງການ​ປະຕິບັດ​ງານ ຈະຖືກ​ນຳ​ໄປ ​ຢູ​ໂຣບ ໃນຖານະທີ່ເປັນ​ພາກ​ສ່ວນ​ ຂອງຂັ້ນຕອນ
ການ​ດຳ​ເນີນ​ທີ່ໄດ້ກໍ່​ຕັ້ງຂຶ້ນ.”

ລີ​ເບຍໃນ​ຂັ້ນ​ຕົ້ນ​ໄດ້​ຄັດຄ້ານຕໍ່ມະຕິຂອງສະຫະ​ປະຊາ​ຊາດ ​ແຕ່​ໄດ້​ເຫັນ​ດີ​ນຳເອກກະສານ ຂັ້ນສຸດທ້າຍໃນ​ວັນ​ສຸກ​ວານ​ນີ້. ທ່ານ Ibrahim Dabbashi ​ເອກ​ອັກຄະ​ລັດຖະທູດ ລີ​ເບຍ ປະຈຳສະຫະ​ປະຊາ​ຊາດກ່າວວ່າ “ມະຕິດັ່ງ​ກ່າວ​ເປັນ​ບາດກ້າວ​ທີ່​ສຳຄັນເພື່ອ​ຮັກສາ​ຊີວິດ
ແລະ​ຫຼຸດຜ່ອນ​ອັນຕະລາຍ​ຕ່າງໆ ທີ່​ຊາວ​ອົບພະຍົບ​ປ​ະ​ເຊີນ​ໜ້າ ຊຶ່ງເປັນບາດກ້າວທີ່​ພວກ
​ເຮົາ​ຫວັງວ່າ ຈະ​ຕິດຕາມ​ມາ​ດ້ວຍ​ບາດກ້າວໃນຂັ້ນຕໍ່ໄປ ​ເພື່ອ​ຮັບມືກັບ​ວິ​ກິດ​ການ”.

ສະແດງຄວາມເຫັນໃຫ້ເບິ່ງ

XS
SM
MD
LG