ສະຫະລັດ ກ່າວຫາຣັດເຊຍວ່າ ຍິງປືນໃຫຍ່ໂຈມຕີ ທີ່ຕັ້ງທາງທະ
ຫານຢູເຄຣນ ໃນເຂດພາກຕາເວັນອອກຂ ອງປະເທດດັ່ງກ່າວ ຂ້າມຊາຍແດນມາຈາກຣັດເຊຍ.
ໂຄສົກຄົນນຶ່ງ ຂອງກະຊວງປ້ອງກັນປະເທດສະຫະລັດກ່າວໃນ
ວັນພະຫັດວານນີ້ວ່າ ການຍິງໂຈມຕີຂອງຣັດເຊຍແມ່ນຈະແຈ້ງ
ເຮັດໃຫ້ການສູ້ລົບກັນເພີ້ມທະວີຂຶ້ນລະຫວ່າງກຳລັງທະຫານລັດ ຖະບານຢູເຄຣນແລະພວກແບ່ງແຍກດິນແດນນິຍົມຣັດເຊຍ ທີ່
ໄດ້ປະກາດເອກກະລາດ ຢູ່ໃນຫລາຍໆເຂດ ທາງພາກຕາເວັນ
ອອກຂອງຢູເຄຣນນັ້ນ.
ທ່ານນາງ Marie Harf ໂຄສົກກະຊວງການຕ່າງປະເທດສະຫະລັດກ່າວວ່າ ວໍຊິງຕັນຍັງ
ມີຫລັກຖານໃໝ່ ຈາກອັນທີ່ທ່ານນາງເອີ້ນວ່າການສືບລັບຂອງບັນດາປະເທດເພື່ອນມິດ
ທີ່ວ່າ ເຮືອບິນຣັດເຊຍໄດ້ຂົນສົ່ງເຄື່ອງຍິງຈະຫຼວດ ຂະໜາດໜັກ ແລະມີກຳລັງແຮງກວ່າ ເກົ່າໄປໃຫ້ພວກແບ່ງແຍກດິນແດນ.
ຜູ້ເຄາະຮ້າຍ ຈາກຖ້ຽວບິນ MH17
ທ່ານນາງບໍ່ຍອມເປີດເຜີຍໃຫ້ຊາບ ກ່ຽວກັບແຫຼ່ງຂ່າວແລະວິທີໃນການເກັບກຳຄວາມລັບ ດັ່ງກ່າວນີ້.
ນອກນັ້ນແລ້ວໃນວັນພະຫັດວານນີ້ ປະທານາທິບໍດີສະຫະລັດ ທ່ານບາຣັກ ໂອບາມາ ຍັງ ໄດ້ໂອ້ລົມ ກັບນາຍົກລັດຖະມົນຕີເນເທີແລນທ່ານ Mark Rutte. ເຈົ້າໜ້າທີ່ທຳນຽບຂາວ ກ່າວວ່າ ພວກຜູ້ນຳທັງສອງໄດ້ຕົກລົງກັນໃນລະຫວ່າງການໂອ້ລົມໃນຕອນຄ່ຳຂອງມື້ວານ ນີ້ວ່າ ຈຳເປັນຕ້ອງໄດ້ມີການລົງໂທດເພີ້ມຕື່ມ ຕໍ່ຣັດເຊຍທີ່ພວກທ່ານເວົ້າວ່າ ຍັງສືບຕໍ່ຕິດ ອາວຸດ ໃຫ້ແກ່ພວກແບ່ງແຍກດິນແດນ ນິຍົມຣັດເຊຍ ທີ່ສົງໄສວ່າເປັນຜູ້ຍິງເຮືອບິນອາຍ
ພົ່ນໂດຍສານ ຂອງສາຍການບິນມາເລເຊຍຕົກ ດ້ວຍລູກສອນໄຟ ໃນສັບປະດາແລ້ວ ທີ່ ເຮັດໃຫ້ຜູ້ໂດຍສານແລະ ພະນັກງານເຮືອບິນທັງໝົດ 298 ຄົນຢູ່ເທິງເຮືອບິນລຳດັ່ງກ່າວ ເສຍຊີວິດນັ້ນ.
ພວກເຄາະຮ້າຍສ່ວນໃຫຍ່ ເປັນຊາວເນເທີແລນ. ໃນວັນພະຫັດວານນີ້ ສົບຂອງພວກທີ່
ເສຍຊີວິດອີກຈຳນວນນຶ່ງ ໄດ້ຖືກສົ່ງໄປເຖິງເນເທີແລນແລ້ວ.
